2 Samuel 22:4 - ŊWÀʼ NYÙY

⁴ Búríi wáa dzə fo Nyùy Tàr. M tóŋ e Nyùy Tàr, a wù sə́ mo fo aŋgàa vibàn vémé wo.

2 Samuel 22:4 Referans Kwoze

Nsùyrì Nyùy 18:3

Búríi kú a dzə fo Nyùy Tàr. M tóŋ e Nyùy Tàr, a wù sə́ mo fo aŋgàa vibàn vémé wo.

Ŋgaà Yen 5:12

Aáwune yov, kwá kitávín jii: «Wàn Njiì wo vé‑eè yuyrin dzə̀ wo wù gheenen ji á kóʼór, e fò sáʼ sho. Wù kú a ker vifá vidzə̀m, a ker vifií, a ker vitaáví vidzə̀m. Á kú a ghvəm wun, a wùʼsì yír rə́, a burí wun.»

Ŋwàʼ woó Rom 10:13

A dzə̀ mo vé‑eè saŋen jii, «Wìr dzə̀m wo wù tóŋ fo wun wo dzəə̀n Tàr wíy lùŋ.»

Nsùyrì Nyùy 116:2

Mo wù fó vituʼùr və́ e mò, bo m kù yíi a toŋ, a beè a dzə̀ wun, a toŋ mo m wíy shiíy, e dù, e jòʼsì.

Nsùyrì Nyùy 96:4

Nyùy Tàr dzə̀ e gháʼtín, a dzə̀ á wàa burí wun feyì. Á wáa ghvəm a dzə̀ wun, e shaà anyùy.

Nsùyrì Nyùy 48:1

Nyùy Tàr dzə̀ e gháʼtín, a dzə̀ á wàa burí wun feyì. Á kú a burí Nyùy wòsən é ŋkàlaʼ ye dzəə̀n rə́ə, a burí e wun gwan wo ranén.

Ŋgaà Yen 4:11

«Nyùy, kù dzə̀ wò Tàr wor. Kér wò vitaáví vidzə̀m. Bòm wò vifá vidzə̀m. Wò‑oò bòm mo wò‑oò kòŋèn, ví wáa dzə sho a dzə̀ bìʼ wò. Dzə̀ wò wo dzə̀ á wàa ghvəm, a burí.»

Nsùyrì Nyùy 116:17

M yíi seerí nyám si, a beèrì Nyùy Tàr shó. M yíi tiím, a bùnrì wun woo Nyùy Tàr.

Nsùyrì Nyùy 116:13

M kù yíi a màʼ meluʼ me nsiì, a beèrì Nyùy Tàr shó.

Nsùyrì Nyùy 116:4

M nèn tòŋ e Nyùy Tàr jii, «Éè Nyùy Tàr, m lón wò ji à ku lùŋèr mo.»

Nsùyrì Nyùy 106:2

A dzə̀ fèr la viŋgaʼnìn ve vinyò ve Nyùy Tàr yii? A dzə̀ bùrí la wun mo kì dzə̀ á bùrí?

Nsùyrì Nyùy 66:2

Á wáa yòv, a taŋ vikuʼùy və́. Á wáa burí wun, a koʼór yír rə́.

Nsùyrì Nyùy 56:9

Kishiíy ke m wíy mbaà wò ji à sə́ mo, áàŋgaà vém vibàné léʼkír. A m kìíy kin, bìʼ fo Nyùy tóm mo.

Nsùyrì Nyùy 55:16

Fo mò, m kù mbaa kém a dzə̀ Nyùy, a wun woo Nyùy Tàr kù wíy sə mo.

Nsùyrì Nyùy 50:15

Vèn wáa toŋ rì e mò é ghan sé ŋgeʼ, é m wìy fə̀ə́r ven fó fo, é vèn wáa burí mo.

Nsùyrì Nyùy 34:6

Mo woo wan ŋkfə wìr‑iì tòŋ, Nyùy Tàr yú tóŋ yém. M tóŋ, wù fəə́r mo fó ŋgeʼ se m yéné.

Nehemia 9:5

Wír veé ram Levi vee ji Jeshua wùn à Kadmiel, à Bani, à Hashavneya, à Sherebia, à Hodia, à Shebania, e lì Petahia, á nèn yòŋ jii, «Vèn lo lèn, a burí Nyùy Tàr woo Nyùy won, wun wo wù‑uù siìn, a wù kù wíy a dzə ghán sidzə̀m. Á kú a burí yír rə́ ye yí kùʼùn, e shaà mo a dzə̀ wìr kwà, e kfə̀n shòŋrì.»

2 Wòŋ 20:22

Áwune‑eè dù, e kèʼ lòo yòv, lòo sùyrì Nyùy Tàr, wù nèn fùnèn wír veé Ammon wùn à veé Moavi, à veé Gwan Seiri ve vé‑eè nəə Juda e rə́r sí. Wù fùnèn bèy, e tòn áwune.