2 Samuel 22:3 - ŊWÀʼ NYÙY

³ Nyùy wom, à dzə̀ kirùmèn kém ké nsàm. À dzə̀ ŋkeè wom, ntav wo wù luŋèr mo. Dzə̀ wò kirə́ʼ kém ke tavín kí, mbvə̀ʼ ye m lir sho. Dzə̀ wò Mfə̀ə́r wom, aà boyìr mo fo aŋgàa vibàn vémé wo.

2 Samuel 22:3 Referans Kwoze

Nsùyrì Nyùy 9:9

Nyùy Tàr dzə̀ kóy atànfóneèrshwín wo tavíné, kóy wóv wo tavíné, é ghan sé ŋgeʼ.

Aysaya 12:2

Rúrú, Nyùy dzə̀ ŋgaà wo wù luŋèr mo. M yíi a yeʼtí a dzə̀ e wun wùn, e làa yòʼ a fàn kifá. Feyì feyì, dzə̀ wun woo Nyùy Tàr wo wù távir mo, a kù dzə̀ wun wo m yov, suyrì. Wù dìn ne rú ji wun dzə̀ á ŋgaà wo wù luŋèr mo.»

Ŋgàn 18:10

Nyùy Tàr dzə̀ kirə́ʼ ké kilìr ke tavín kí, wìr wo wù yú Nyùy, léʼ tó fo, wù bòy.

Ŋgàn 30:5

«Ké jì se Nyùy, sí dzə̀ là kiloʼ sidzə̀m, a Nyùy dzə̀ ŋkeè wìr ve á lir e wun sar.

Nsùyrì Nyùy 46:11

Nyùy Tàr woo Taà Mànjòŋ dzə̀ vèr áwune. Wun woo Nyùy Jakov dzə̀ kikiŋ kér.

Nsùyrì Nyùy 18:2

Rúrú, Nyùy Tàr dzə̀ kilán kém, kirə́ʼ ke kí kiŋsìn mo. Wù dzə̀ Mfə̀ə́r wom. Nyùy wom dzə̀ kirùmèn kém ké nsàm. Wù dzə̀ ŋkeè wom. Wù dzə̀ ntav wo wù luŋèr mo, kirə́ʼ kém ke tavín kí.

Remrí 33:29

Yímóy Isray, vishí vi bòŋ ven é le ben? Bó kitúm kímóʼ kí yòʼ dzə̀ shó moo ven. Nyùy Tàr kitú kfə́ dzə̀ wun ŋkeè won, a dzə nyùy yen rə̀r. Wù kiŋ ven, yii, a vèn ton vitúm. Aŋgàa vibàn véné wíy a gbù e věn si, a yàʼ, é vèn wáa nyèŋrì áwune nyéŋrin.

Kèʼlo 15:1

Vinyo vee shooy vi koóy bey, e shaà, Nyùy yiì, vinjeenjèm vi shaà e Abram si, wù yú jí Nyùy Tàr, a yì suuy jii, «Abram, lá à yòʼ a fàn. M dzə̀ ŋkeè wò, a vilaámé vé vi yíi kùʼ feyì.»

Hibru 2:13

Wù kfən sùúy jii, «M yíi a yòy, a tiír a dzə̀ e Nyùy wùn,» e bóo kfə̀n suúy jii, «Mo və̀ne, vèr à wón ve Nyùy foon e mòó.»

Ŋwàʼ Luk 1:69

Wù lèm ne wír wo ghaʼán wo wù wíy lùŋèr vèr, a wù lò fo Fòn Davir woo ŋgaà lìm və́ ram,

Nsùyrì Nyùy 144:2

Wù dzə̀ ji kilán kém, kirə́ʼ ke kí kiŋsìn mo. Wù dzə̀ kóy wóm wo tavíné, a dzə̀ ŋgaà lùŋèr wom. Wù dzə̀ ŋkeè wom, a m lir a dzə̀ e wun wùn, a dzə̀ wun wo wù ton vitúm, lem e mǒ sar saʼ.

Nsùyrì Nyùy 59:16

Fo kém kí, m yíi a yòv, a fìʼtì vitaáví vé. Ndzə ráné, é m fúŋ yòv bìʼ koŋ yé. Rúrú, à kù‑uù sì kikiŋ kém, a dzə̀ kirə́ʼ kém ké kilìr e ghan sé ŋgeʼ.

Nsùyrì Nyùy 14:6

Ven vin, vèn yii koŋ a bvəə́r antaŋ aŋgàa kitàn, yii bèy, a Nyùy Tàr kù yíi a dzə kikfə́vsì kév.

Jeremia 16:19

Éè Nyùy Tàr, à dzə̀ vitaáví vém. À dzə̀ kóy wóm wo tavíné, aà kiŋsìn mo é ghan sé ŋgeʼ. Vitúm vi wíy a wìy buú se ndzə sidzə̀m, a yen wò, a yòŋ jii, «Atàr vérí yòʼ‑oò lo jùmrì dzə́ə yìmòʼ, e shaà anyùy kimboʼtì. Mebvə̀m fo mebvə̀m, a bó yòʼ dzə̀ mè sə̀ áwune.

Aysaya 32:2

Wìr mòʼón mòʼón wíy a dzə moo kirə́v ke kí kiŋ shwér, a dzə moo táv wo wíri bee kinsəm sho. Áwune wíy a dzə moo ndzə́v ye yí léŋ e kirə̀ʼ ké woʼ, yii, a fóo rəsìnè, a dzə moo kindzə̀ə́ndzəm ke màkìlan fó e kirə̀ʼ ke lumèn kí.

Nsùyrì Nyùy 140:4

Éè Nyùy Tàr, shìy mo fo wír ve bií. Kìŋsìn mo fo wír ve á téʼ wíri ji á lémérí. Áwune taʼ ji á laar mo láarin.

Nsùyrì Nyùy 55:9

Éè Nyùy Tàr, ku bvə̀ə́r wír ve bi víne. Ku tòvsìn lám wóví tóvsin. Ŋkàlaʼ sì kitáŋnìn kitáŋnìn, melaà melaà.

Nsùyrì Nyùy 46:7

Nyùy Tàr woo Taà Mànjòŋ dzə̀ vèr áwune. Wun woo Nyùy Jakov dzə̀ kikiŋ kér.

Ŋwàʼ Luk 1:71

Nyùy wíy sə ver fo wír ve á taʼ, e laàr verí, e fəə́r fo aŋgaà vér vibàné wo.

Nsùyrì Nyùy 140:11

Lá wír ve á tóy vinyo e wírí bàmé yòʼ a kuy e kinyò ke á yii. Ké wìr ve á téʼ wíri ji á lémér, lòné ku jùmrì áwune cér, e laàr.

Nsùyrì Nyùy 140:1

Éè Nyùy Tàr, bòyìr mo fo vé yiì ye bií wo, e kìŋsìn mo fo wír ve á téʼ wíri ji á lémérí.

Nsùyrì Nyùy 86:14

Éè Nyùy Tàr, antavkìtuu sí kóʼnin e mǒ kitu, a vintav ve wíri ví guutì mo, aá dzə̀, a bó á yòʼ mvəʼ sí, yén wò gheéy.

Nsùyrì Nyùy 84:11

Nyùy Tàr, wun woo Nyùy dzə̀ shuy wìr və́, a kfə̀n dzə̀ wun kikiŋ kév. Wù din koŋ rə́ aáwune, kóʼor ghay wóv. Bó yòʼ dzə̀ wù kìm kifá ke juŋ ki fo wír vəə́, wír və́, ve á ghán e wun mbòv, là kiloʼ.

Nsùyrì Nyùy 84:9

Éè Nyùy, ku lèéy fon, a kòŋ, fon wo dzəə̀n kikiŋ kér. Kú a leéy fo fòn wo à shoʼon, e yòʼ.

Nsùyrì Nyùy 72:14

Wù sə́ ghéʼncey fo wír ve á nəʼsì wune, kiŋsìn njoó fo wír ve á taʼ, e lemér wune. Dzəʼə̀m yéví dzə̀ é shií féyì fo wun.

Nsùyrì Nyùy 71:7

À dzə̀ kikiŋ kém ke tavín kí, a wíri leey dzə̀ʼə̀m yém, kér gháʼ.

Nsùyrì Nyùy 61:3

Rúrú, dzə̀ wò kikiŋ kém féyì feyì, kirə́v ke tavín ke kí kiŋ mo fo aŋgaà vém vibàné.

Nsùyrì Nyùy 46:1

Nyùy dzə̀ kikiŋ kér, a kù dzə̀ wun vitaáví vér. Wù dzə̀ e věr mentsə̀m, sə́ ver é ghan sé ŋgeʼ.

Nsùyrì Nyùy 28:7

Nyùy Tàr dzə̀ vitaáví vém, a dzə ŋkeè wom rə̀r, a m yoy, tiir a dzə̀ é wùn wó. Wù sə̀ ne mo, e yiì, m wáa sheʼrí, a m yíi a yòv luŋ, a beèrì wun.

Nsùyrì Nyùy 27:5

Wù yíi lìtì, e kìŋsìn mo é ghan sé ŋgeʼ. Wù yíi lìtì mo e wun lav, é m wáa dzə là kinyo ké a fàn. Wù yíi tiír mo é kitu ke kirùmèn fo bó yòʼ dzə̀ wìr ghìʼ mo.

Nsùyrì Nyùy 5:12

Rúrú, Nyùy Tàr, à yii səəvì wír wo wù yúnin wò, a koŋ ye à koŋ wune kiŋsìn wun moo ŋkeè rə̀r.

Nsùyrì Nyùy 3:3

Yii bèy, Nyùy Tàr, à dzə̀ ŋkeè wom, à kù yii tíy wòsò, a kù nan wò mo.

2 Samuel 22:51

«Rúrú, Nyùy Tàr leey fo fòn wo wù shoʼon, fó wun vitaáví, a wù ton vitúm vinín. Wù din koŋ rə́ ye wiyí e wìr wo wù yoʼon, din e Davir wùn à rám rəə́, e dù, e jòʼsì.»

2 Samuel 22:49

Dzə̀ wun wo wù‑uù fəərin mo fo aŋgaà vém vibàné wo. Rúrú, Nyùy Tàr, wò‑oò kòʼór mo áàŋgàa vibàn vémé kitu. Wò‑oò bòyìr mo fo vé kinjuyrìí wo.

1 Samuel 2:1

Hanna wáa bùnrì jii, «Nyùy Tàr rùnér ne shilív shém e kishéʼrì ki. M yú vijuŋ bìʼ kinyo ke wù yiìn e mò, a m shéʼ aŋgaà vém vibàn shéʼén. Nyùy Tàr, m yú vijuŋ, bìʼ fo à səən ne mo.

Remrí 32:37

Á bèy, é Nyùy Tàr nèn a ghay e Isray jii, «Anyùy véné bèé lèn? Kilán ke vèn‑eè yéʼti sho ji kí kiŋsìn ven kí bèé?

Titur 3:6

Wù‑uù lo fò Kiyoy kfə́ e vèsən nyanyày bìʼ kinyo ke Jesus Kristu‑uù yiìn, e tìn vèsən fó lòn.

Titur 3:4

Yii bèy, Nyùy wo wù luŋèr vèsən nèn wìy lò, e dìn mo wù koŋ vèsən, rə́r mendzən fo fo,

Ŋwàʼ Luk 1:47

a m yú vijuŋ, shéʼri Nyùy woo Ŋgaà Lùŋèr wom.

Jeremia 16:9

Kinyo ke mo woo Nyùy Tàr woo Taà Mànjòŋ, mo woo Nyùy wìr veé Isray suuy ki dzə̀ jii, ‹M wíy màyìr léŋ kisheʼrì wùn à wó vijùŋe, à ŋkěŋ vijiné fó kirə̀ʼ fen, a kí wíy koóy, é vèn yén e sí yéné.›

Aysaya 45:21

Vèn wiy ri e nsaʼ yen, e naàrì. Vèn kfəynin, e rə̀tì, e fə̀ə́r kinyo ki. Vinyo ve ví kooy lèn, yì‑iì yìysí la fó ŋgùʼ? Feyì feyì, yì‑iì yoòyí la fó yàŋgùʼ? Bó yòʼ‑oò yoòyí mo woo Nyùy Tàr a? Nyùy wùmòʼ yòʼ kfə̀n dzə̀ shó, e shaà mo və̀n. M dzə̀ Nyùy wo wù yii vinyo tìítiy, a m dzə̀ Mfə̀ə́r, a bó Nyùy wùmòʼ yòʼ kfə̀n dzə̀.

Nsùyrì Nyùy 32:7

À dzə̀ kikiŋ kém, aà jaamè mo fó ŋgeʼ. À kiŋsìn mo mbìv sidzə̀m, a m boy fo ŋgeʼ, yov nsiì.

Nsùyrì Nyùy 142:4

M leey kóy yìyí, kíy virə́ʼ, là wír wo a dzə̀ wù sə̀ mo, leeyì, là kirə́ʼ ke dzə̀ kí wàa kìŋsìn mo. Wìr yòʼ dzə̀ shó wo wù leey ji sà kooy ka mo á.

Remrí 32:4

Nyùy Tàr dzə̀ Kilán, a lim rəə́ dzə̀ là kiloʼ. Dzə́ə sə́ sidzə̀m si kér suuyrú. Dzə̀ Nyùy, a yii rəə́ yii dzə́ yee tìítiy, dzə́ là jay. Yii rəə́ dzə̀, a kù dzə̀ ye ruú, e kfə̀n a dzə yee réŋé.

1 Samuel 2:2

«Wìr wo wù ranen moo Nyùy Tàr yòʼ dzə̀. Nyùy Tàr, wìr woo moo wò yòʼ kfə̀n dzə̀ shó. Rúrú, Nyùy Tàr dzə̀ kilán ke kí kiŋsìn ver, a bó kímóʼ kí yòʼ kfə̀n dzə̀ gheéy.

2 Samuel 22:31

«Nyùy wor və̀n dzə̀, a wù yii vinyo vidzə̀m tìítiy. Ŋkàʼme Nyùy Tàr kù yii tíy fo. Nyùy Tàr dzə̀ ŋkeè wìr dzə̀m wo wù tiir wun fo mbìy.

2 Samuel 22:47

«Nyùy Tàr dzə̀ shó e tin, Á wáa burí wun wo dzəə̀n kirùmèn kém ké nsàm. Á wáa wùʼsì yír Nyùy wo dzəə̀n kilán ke kí kìŋsìn mo, m lúŋ.

2 Samuel 23:3

Nyùy wìr veé Isray sùŋnín ne, Kilán ke wìr veé Isray ki sùúy e mò jii, ‹Taà saʼ lóo fàn Nyùy, lóo saʼ wíri tìítiy,

Ŋwàʼ Fəə 15:2

Nyùy Tàr dzə̀ vitaáví vém, a dzə̀ yòv wom. Wù lò ne, e lùŋèr mo. Dzə̀ wun Nyùy wom, a m yíi a burí wun, Nyùy wo tàr wor ghvə́mé, a m yíi a wùʼsì wun.

Nsùyrì Nyùy 9:10

Éè Nyùy Tàr, wír ve kiìn wòo tiir vifií a dzə̀ e wò wùn, bìʼ fo à yoʼ bìn ndzə̀m e wír ve á taʼ wòo.

Nsùyrì Nyùy 46:2

A fə̀m dzə̀ ji nsay səʼsi, áàgwane keesi, e meé e sar rìbà ndzə̀v,