2 Samuel 2:9 - ŊWÀʼ NYÙY

⁹ Wù nèn kòʼór wun ji fon ji wù wáa saʼ a mbìv wòŋ yee Gilead wùn à yee Asher, à yeé Jesreel, à yeé Efrayim, e lì yeé Benjamin, dzə̀ ji woŋ Isray e dzə̀m.

2 Samuel 2:9 Referans Kwoze

Nsùyrì Nyùy 108:8

Kér mo nsay Gilead, a rám Manassèe dzə̀ yém. Yé Efrayime wáa dzə tán yém kishàa, a yé Judàa dzə̀ kitoómé kém.

Atǎr Nsaʼ 1:32

Rám Asheri ku nèn a dzə wùn à wír veé Kanan vee aŋgàa nsayi, bìʼ fo á yòʼ‑oò lo fə̀ə́r áwune.

Joshua 19:18

Nsay yev‑iì tàtí ŋkà se laʼ see jii, Jesreel, Kesulot, Shunem,

Kintaŋ 1:40

Fo rám Asher, wìr dzə̀m woo kèʼ fó kiya mbaà, a dù duùn fó mbìy, wo yì‑iì dzə̀ wù dù rə́r, á sáŋ yír sév é kitu kitu mo kfə́ə sév sí dzə̀kìn e vitǎr vitàr,

Kèʼlo 30:13

Lea nèn sùúy jii, «M shéʼri feyì, vikìy wíy a yòŋ mo ji ŋgaà kisheʼrì. Wù nèn shù yír wan ji Asher.»

Joshua 22:9

Áwune vee rám Ruben wùn à yé Gad, à kintoʼnìn ke rám Manassèe nèn màʼtì wír veé Isray e Shilo, e wòŋ Kanan, a dù ji á kfə́n aáwuné melaʼ e nsay Gilead, nsay ye vé‑eè yòvìn ji vitsə́ʼ vév mo Nyùy Tàr‑iì yòŋèn e Mooser.

1 Samuel 29:1

Wír veé Filistiàa nèn lò, a baʼtí vé rər vév adzə̀m e Afek, wír veé Israyi wáa tam kév é ghaa ntoò ndzə̀v yeé ghaa Jesreel.

2 Samuel 2:10

Ish‑Boshet woo wan Saul və̀n‑eè dzə̀ kiyá mkweè e ghan se vé‑eè koʼorin wun ji fon woó Isray. Wù‑uù sàʼ viyá vibaà. Yii bèy, a wír veé Judàa tíy kév a dzə̀ e Davir bàm.

2 Samuel 3:6

Mo wír veé kfəə Sauli rə́si maʼ rə́r wùn à wír Daviri, Abner wáa kuy e wír Saulí mvəm, a kùʼùr ntaʼ və.

1 Wòŋ 12:29

Ké rám Benjamin fo kfə́ə Sauli fəən, á wáa dzə wír ansə̀kì ataár (3,000), a kùʼùn wìr vìne‑eè tóm a dzə̀ kinyo ke Saul fo mbìy.

Joshua 16:5

Nsay ye vé‑eè foon e rám Efrayim mo kfə́ə sév sí dzə̀kìné rə̀ne. Bìíy yee fó tsən‑eè kèʼ fó Atarot‑Addar, e dù mèé e Bet‑Horon Kùy,

Joshua 16:9

e kfə̀n lì sa ŋkà se laʼ símóʼ sí wùn à ntèʼ sév sí se sí dzəə̀n é nsay rám Manasse, aá lém jeéy ji sé rám Efrayim.

Joshua 17:1

Nsay ye vé‑eè foon e rám Manassèe rə̀ne. Manasse‑eè dzə̀ wan Joosev mbìy, a wan Manasse‑eè dzə̀ Makir, a yì‑iì dzə̀ tàr à Gilead. Mo Gilead‑iì dzəə̀n wir rə̀r wo tavín, vé‑eè fò nsay e kfə́ə rəə́ é ndzə̀n Jordan, e mbìv yee fo shùy yii tó, a nsay ye vé‑eè foon‑eè dzə̀ yeé Bashan wùn à yìmòʼ ye vé‑eè loòn, a yòŋ ji Gilead.

Joshua 18:11

Joshua‑aà kèʼ, e tàr ké rám Benjamin, kí fəə́ mbìy mo kfə́ə sév sí dzə̀kìn. Kí fəə́ ji nsay yev dzə̀ á e ye rám Juda wùn à ye rám Jooseví nsàn.

Joshua 18:20

Jordan nén a dzə bìíy yeé mbìv yee fo shùy yii tó. Á mo bìíy dzəə̀n, ye yì‑iì kaarin nsay rám Benjamin mo kfə́ə sév sí dzə̀kìn.

1 Wòŋ 12:30

Fo rám Efrayim, wíri wáa dzə kishóv ghií waamé aànsə̀kìi mbaà (20,800), a dzə̀ vé rər vee antav aáwuné kfəə si.