Nyùy Tàr shaà e Mooser mbìy, e yòŋ jii, «Mo woo Yahweh, mo woo Yahweh, Nyùy wo wù rə́r mendzən me wíri, shám áwune, a bó m yòʼ táv shwiiy kilòŋ. M din koŋ yém ye wiyí e wíri, kfə̀n yii kinyo ke m kàʼàn áwune shó.
«Vèn wáa kiíy jii, m tsə̀nsí ven é kwaʼ bèn, a vèn du moo njiì wo wù du, e nəə́ e nyám se bi sí wo. Kí nén a dzə jii, vèn lóo ghan, á wàa fiír moo yó si, e kfə̀n a ghan ji weè moo vibìŋ, e làa yòʼ a ŋaʼrí.
Vèn kù‑uu wiy fen, a dzə̀ é yooné yooné. A dzə̀ m biìmé ji vèn á ghan, a jan janén vèsən, a bó m yòʼ kì fo m du à? Lì wír vée, é vèn áwune wáa kfən e bàm. Nyùy Tàr kú a sham ven, a dìn ven koŋ rə́ ye ruú.»
Fòn Davir nèn lò, e sùúy ji bòŋ é wun din á koŋ e Hanun réŋréŋ mo Nahash woo tàr à Hanun‑eè dìnèn e wun. Wù nèn tsə̀nsí wír ji á du, e shàm á Hanun bìʼ kpú tàr wov. Áwune dù, e mèé fo, e fìʼtì.
Davir suúy e wun jii, «Lá à yòʼ a fàn. M lo, e bùʼ wò bìʼ tàr won Jonatan. M lo, e siìr ŋgvən Saul woo tàr à tàr won e wò, e kfə̀n lì wò, áà wáa yikír wòsò ghán sidzə̀m.»
Fòn kfən dzə̀r jii, «Wìr woó kfəə Saul dzə̀ə́ sho e tin a? A dzə̀ Nyùy wàa kòŋ ji m buʼ á wun.» Tsiba biímé ji nyàr, wùmòʼ waà dzə̀ə́ a sho, a dzə̀ á wan Jonatan, a dzə̀ wír, a wù kér ndzə́m wuú e dzə̀m.
Wír vìyi bìnèr sho jii, «Kpúu li ver, a vèr fen dzə̀ làa yòʼ bavtí ven. Aà dzə̀ làa fiìnè ver, bo vèr yíi a leéy fo wò e ghan se Nyùy Tàr foon ne nsay rə̀n ji yéer.»