2 Samuel 2:5 - ŊWÀʼ NYÙY

⁵ e nèn tsə̀nsí ntum aáwune, a suúy jii, «Nyùy səəvi ven bìʼ koŋ ye vèn dìnèn e fòn won, e lìtì wun.

2 Samuel 2:5 Referans Kwoze

1 Samuel 23:21

Saul suúy jii, «Nyùy ku səə̀vì ven bìʼ koŋ ye vèn kér fo mò.

Nsùyrì Nyùy 115:15

Nyùy Tàr ku səə̀vì ven, wun woo ŋgaà mbóm yùv wùn à nsay.

1 Samuel 24:19

A dzə̀ wìr koò ŋgaà vibàn və, e kfə̀n màʼtì wù dù, a bó wù yoʼ lèmér wun à? Nyùy Tàr ku laàmé wò fo bavtí ye à bavtin mo lán.

Ŋwàʼ Rut 2:20

Naomi njáʼám, e yòŋ jii, «Nyùy Tàr ku səə̀vì Boas. Nyùy kù yii rú kinyo ke wù‑uù kàʼàn e wír vəə́, kìn á dzə̀ shó atin, kìn á kpùkír ne.» Naomi kfən naàrì e wiiy ŋkfə wan və jii, «Wìr və̀n dzə̀ wír woo à ŋkfə lum wóm kfəə, a dzə̀ wír wùmòʼ wo a kì dzə̀ wù wàa leéy fo wòsò vee vikǐy ŋkfə.»

Ŋwàʼ Rut 3:10

Wù suúy jii, «Nyùy Tàr səəvi wò mbà. À kòŋ rú kfəə́ rə̀n e ŋàŋ, a kinyo ke à yiìn lèn ki siì kfə̀n shaà ke wò‑oò yii e yìy à ŋkfə lum wò. A yì‑iì dzə̀ à tàʼ lúm wo dzəə̀n wánlè nsùm woo ghéʼncey kìn woo ŋgaà mbàm.

Ŋwàʼ Rut 1:8

Naomi suúy aáwune jii, «Vèn kfə́n é bàm, e dù yèn ayìy véné, é Nyùy Tàr kú a geʼ e vèn réŋréŋ mo vèn‑eè géʼ sa e mò, kfə̀n géʼ aàŋkfə won vémé.

Atǎr Nsaʼ 21:8

Mo áwune kù‑uù dzəə́ túŋ ji kìn káŋ wùmòʼ‑oò lo gòʼ fóo dù a Mispa fo vé‑eè tárnin e Nyùy si, á túŋ bey, kí nèn fəə̀sín ji bó wìr yòʼ‑oò lo wìy a fo Jabesh Gilead, fə̀m à woo mòʼón sho.

1 Samuel 15:13

Samuel sə́y fó, e dù yèn Saul, wù shàʼtì wun jii, «Nyùy Tàr səəvi wò. M yiì ne lim ye Nyùy Tàr ki foon ji m wàá yii.»

Kèʼlo 14:19

Wù nèn a səə̀vì Abram, a ka jii: «Nyùy woo Taà Vitu, wo bomen wun yúv wùn à nsay, ku səə̀vì wò.

Kèʼlo 14:22

Abram bìnèr kfə́ e fòn woó Sodom jii, «M kì yiì á ne kilìʼ fo Nyùy Tàr, wun woo Nyùy woo Taà Vitu, wun wo wù‑uù bomen yúv wùn à nsay,

Joshua 2:14

Wír vìyi bìnèr sho jii, «Kpúu li ver, a vèr fen dzə̀ làa yòʼ bavtí ven. Aà dzə̀ làa fiìnè ver, bo vèr yíi a leéy fo wò e ghan se Nyùy Tàr foon ne nsay rə̀n ji yéer.»

1 Samuel 11:1

Fòn Nahash woó Ammon nèn lò kòʼ é Jabesh Gilead, e gìm wír vee fó e rə́r sí. Vilum veé Jabesh adzə̀me wáa lon nyaáŋ, a suúy jii, «Gwàr *mensaŋ mè vèsən, é vèr wáa lìm fo wò.»

1 Samuel 11:9

Saul wùn à wíri suúy e vé ntum ve á kì wìyìn fó Gilead vìyi ji á du, e sùúy a e wír veé Jabesh Gileadi ji shùy bvəə́shi a lùm kibvəə́shí, aá sə́ á ne áwune. Aŋgàa ntume dù, e fìʼtì kinyo kìy e wír veé Jabeshi, á yú, a sheʼrí feyì.

2 Samuel 15:20

Vèn kù‑uu wiy fen, a dzə̀ é yooné yooné. A dzə̀ m biìmé ji vèn á ghan, a jan janén vèsən, a bó m yòʼ kì fo m du à? Lì wír vée, é vèn áwune wáa kfən e bàm. Nyùy Tàr kú a sham ven, a dìn ven koŋ rə́ ye ruú.»

2 Samuel 21:12

e nèn dù, e sə̀ vighvə́r vé Saul wùn à vé Jonatan woo wan Saul vi fo wír veé Jabesh‑Gileadi. Dzə̀ áwune ve vé‑eè nyaʼtin, e shòʼ dzə́n sé Saul wùn Jonatan fo kirə̀ʼ ké kitar e Bet‑Shan, fo wír veé Filistiàa‑aà səŋen áwune e kishiíy ke vé‑eè yuyrin Saul e Gwan Gilboa.