2 Samuel 2:1 - ŊWÀʼ NYÙY

¹ Ghán sí wìy lòo dù, Davir mbaà Nyùy Tàr, e dzə̀r ji wun sa kòʼ é ŋkàlaʼ yee Juda yìmòʼ, e dù, a saʼ fo a? Nyùy Tàr biímé ji wù wàá kóʼ. Davir kfən dzə̀r ji wun sa dù a dzə̀ é ŋkàlaʼ rəné á? Nyùy Tàr yòŋ ji Hebron.

2 Samuel 2:1 Referans Kwoze

1 Samuel 30:31

e lì yeé Hebrone. Wù‑uù tsə̀nsí é virə̀ʼ vidzə̀m ve wùn à wír vəə́‑əə̀ ghán sho.

1 Samuel 23:2

wù nèn beè Nyùy Tàr, e dzə̀r jii, «A dzə̀ m dù, e fùnèn wír veé Filistia a?» Nyùy Tàr biímé, e sùúy e wun jii, «Dù, e fùnèn, e bòyìr wír veé Keylàa.»

1 Samuel 23:4

Á bèy, Davir kfən beè Nyùy Tàr, Nyùy Tàr suúy e wun jii, «Sə́y é Keyla, bìʼ fo m yíi yiì, é vèn ton wír veé Filistia.»

Kèʼlo 32:2

Jakov yén áwune, e njàʼàm jii, «Féne dzə̀ kiláʼáy ké vé rə́r Nyùy.» Wù nèn yòŋ kirə́ʼ kee shooy ji Mahanayim.

Esiker 36:37

Ke Nyùy Tàr woo Taà Ndzə suuy ki dzə̀ jii, «M kfə̀n wíy a yuurí bunrì wìr veé Isray, aá kuʼ, a dzə nyanyày moo ŋgoo se bvəy.

Nsùyrì Nyùy 143:8

Kú a dìn mo koŋ yé kijàvndzə kidzə̀m, bìʼ fo m tiir vifií a dzə̀ e wò wùn. Dùŋrì mo dzə́ə mo dzə̀ m wàa ghan. Dùŋrìi, bìʼ fo m kù bunrì a dzə̀ wò.

Nsùyrì Nyùy 27:4

M kù lón a dzə̀ kinyo kimòʼón fo Nyùy Tàr, a dzə̀ kíwun ke m diyì. M koŋ ji m kú a rəsí a e Nyùy Tǎr lav, e dù, e meé mo m wíy kpu, a leéy vijuŋ ve Nyùy Tàr, a yu ntir si fo wun shuù.

1 Wòŋ 29:7

Áwune‑eè fò vifá ve á náŋsín lav Nyùy sho, a ví dzə̀ jii, kisha ke mbàm ke baar kí, a kí shaá aton kishóv msaàmbà e wiì (170), e kfə̀n fò sá mbàm see kisha ke baar kí, a sí dzə̀ nsə̀kì e ghvə̀m (10,000), e fò ke fəvír kí, a kí shaá aton kishóv mkweè e ghiì taár (340), a kee brons ki dzə̀ moo aton kishóv mbaà é ghiì ntuùfú (620) bey, e bóo lì kisha kee kiy, a kí shaá aton kishóv ghii kweè aànsə̀kìi ataár (3,400).

1 Afòn 2:11

Wù‑uù sàʼ Isray kiyá mkweè. Wù‑uù sàʼ é Hebron kiyá saàmbà, e sàʼ é Jerusalem kiyá nshòv sitaár e mtaár.

2 Samuel 15:7

Viyá vi shaà vikweè, Absalom bùn Fòn Davir, e sùúy jii, «Nyàr, á ku màʼtì a, é wun du é Hebron, e yiì a kinyo ke wun‑eè kàʼàn Nyùy Tàr shó.

2 Samuel 5:23

Davir kfən dù, e beè Nyùy Tàr. Wù suúy e wun jii, «Lá à yòʼ kèʼ rə́r fó mbìv fen. Dù, e kèʼ a dzə̀ fó bàm é ŋkìʼnìn vicì vé *balsam.

2 Samuel 5:19

Davir nèn beè Nyùy Tàr, e dzə̀r jii, «A dzə̀ m dù, e fùnèn wír veé Filistia a? À yíi way áwune e mǒ kiwo a?» Nyùy Tàr biímé jii, «Kóʼ fó, m kù yíi way wír veé Filistia e wò kiwo.»

2 Samuel 2:11

Davir‑iì sàʼ wír veé Juda viyá saàmbà e ŋwee ntuùfú, a wù dzə́ e Hebron.

Atǎr Nsaʼ 1:1

Joshua‑aà kpù, wír veé Israyi lò, e dù beè Nyùy Tàr, e dzə̀r jii, «Rám ye yí yíi tombìy dù fo věr mvəm, e fùnèn wír veé Kanane dzə̀ rəné?»

Kintaŋ 27:21

Wù wíy a tiím e taà cù Eleasar si, é wù wáa sə wun, a tàr kinyo fo Nyùy Tàr e Urim wùn à Tumim. Wíy a yòŋ wun woo Joshua, é bo wùn à wír veé Israyi wáa fəə e ndzə, a kù wíy a yòŋ wun, é bo á wáa kfən e bàm.»

Kintaŋ 13:22

A vé‑eè lò, e kòʼ é Negev, e nèn wìy e Hebron. A Hebron‑eè sì ŋkàlaʼ yee fó ŋgùʼ, a vé‑eè bòm, viyá vi shaà saàmbà, bo á wìy bom Tsoan woó Ejiv. Á meé fó, e yèn viŋgáʼ ve wìr veé kfəə Anak, aá dzə̀ rám sitaár, yé Ahiman wùn à yé Sheshayi, e lì yé Talmay.

Kèʼlo 13:18

Abram nèn shòʼóy vibàn və́, e dù e ghaa vici vee *oak ve dzəə̀n vé Mamre, a ví‑iì dzə̀ é ghaa ntèʼ yee Hebron, e nèn a dzə fo, e lò, e bàʼrì kirə́ʼ ké cù ke Nyùy Tàr fó.

Joshua 15:13

Fo ké Kalev woo wan Jefunne, Joshua nèn fò wun nsay jeéy aàfə́r və́ vee wír veé Judàá mvəm mo Nyùy Tàr‑iì yiìn ne yòŋ e Joshua. Wù‑uù fò Kiriat‑Arba wo dzəə̀n Hebron e Kalev. Vé‑eè yoŋ bèy, a Arba‑aà dzə̀ tàr à Anak.

1 Samuel 10:22

Á dzə́r e Nyùy Tàr ji ŋwèrín sà kù sì á? Nyùy Tàr bìnèr jii, «Wù sì, a wù lir e nsàn vibàm.»

2 Wòŋ 11:10

Tsora, Ayjalon, e lì Hebron. Á ŋkà se laʼ se dzəə̀n vikum e nsay Juda wùn à ye Benjamin.