2 Samuel 17:2 - ŊWÀʼ NYÙY

² M yíi sàsìn, e nəə́ wun, a wù dór ne, a bó wù yòʼ dzəə́ kér kitar, é wù fan, é wír ve wùn áwune dzəə̀né léʼkír. M yíi yuyrí a dzə̀ fon cáʼ,

2 Samuel 17:2 Referans Kwoze

1 Afòn 22:31

Wù wáa dù bèy, a fòn woó Siiria kì fò ne sáʼ aàmfòómé və́ vee nshòv sibaà e mtaár ve vé‑eè səŋ viténténé jii, «Vèn lóo màʼ rə́r, lá vèn yòʼ a ker shií e wìr wo terí, kìn wo kuʼùn. Vèn wáa ker shií a dzə̀ e fòn woó Isray.»

2 Samuel 16:14

Fòn Davir wùn à wír vəə́ meé fo vé‑eè du, aá dórkír ne, e nèn meèmè fo.

Joon 11:50

A vèn kì kì vinyo, bo á kìíy ji kí bòŋ a ji wìr mòʼón kpú fo wíri, é kitúm ki luŋ kifur.»

Matio 26:31

Á lòo dù, Jesus wáa suúy aáwune jii, «Vitsə́ʼ vé lán vi yíi kùʼ, é vèn bin ndzə̀m e mò adzə̀m. A dzə̀ mo vé‑eè saŋen ji Nyùy suuy jii, ‹M wíy yuy nshìy, é ŋgoo njiì táʼrí.›

Sekariya 13:7

«Éè nyùy ye á maʼ rə́r shó, ŋáʼáy, e taàmé nshìy wom, ŋáʼáy, e taàmé ŋgaà wom ŋgoo. Suuy mo woo Nyùy Tàr woo Taà Mànjòŋ. Yúyrí nshìy, é njiì bvəə́rí. M wíy màʼ kiwó kém e ve terií kitu, e lovtí aáwune.

Matio 21:38

Wír vìyi yén, a sí wiy wan ŋgaà sùm lèn, e nèn sùŋnín jii, ‹Və̀sə dzə̀ njìlaʼ ŋgaà sùm, vèsən yúyrí, e yòv súm.›

Remrí 25:18

Áwune yòʼ‑oò ló a fàn Nyùy, bìʼ bey, e nèn tèʼ ven é dzəə, a vèn dórkír ne, e mày, e nèn laàr wír vén ámóʼó ve vé‑eè lav fo bàm adzə̀m.

2 Samuel 17:1

Ahitofel lò, e sùúy e Absalom jii, «Màʼtì, é m shóʼtí wíri nsə̀kì nshòv sibaà e ghvə̀m, é vèr áwune fəə́ vitsə́ʼ vé lán vi, e dù, e shòʼ e Davir bàm.

Nehemia 4:5

Lá à yòʼ sù njò yev. Kú a way síi aáwuné ajay, bìʼ fo áwune shoorin ne vé kimbome e liy si.»