2 Samuel 16:4 - ŊWÀʼ NYÙY

⁴ Fòn Davir suúy e Tsiba jii, «Bo kéŋ Mefiboshet e dzə̀me sì lèn yé.» Tsiba bínsí jii, «Nyàr, Nyùy ku yiì, é m wáa yiì vinyo ghán sidzə̀m, a dzə̀ ve ví wáa gheén taàtá wòm woo fon.»

2 Samuel 16:4 Referans Kwoze

Ŋgàn 18:17

Wìr neer nsaʼ rə fó mbìy, yì wàa dìn suuyrú, e meé mo ŋgaà və nsaʼ yíi dzətí wun vinyo.

Ŋgàn 18:13

Wìr binèr kinyo là yú, kí dìn kiyúŋsì kfə́, e shòór wun.

Ŋgàn 19:2

Kí yoʼ bòŋ ji wìr wáa ker shilív, a buŋ vifií. Wìr girì, wù tò é kinyò ke bi kí.

Remrí 19:15

Mooser kfə́n a suúy e wír veé Israyi jii, «Bó njen e mòʼón yoʼ gheén ji wù gov wír bìʼ jay wo ŋgaàŋ kì jayin, a fə̀m dzə̀ woo ka. A dzə̀ anjene kù a dzə abaà, kìn ataár, é bo á wáa ròn jay wìr.

Ŋwàʼ Fəə 23:8

Lá wìr yòʼ sə̀ kòyàr, bìʼ fo wù yíi yiì, é wìr wo wù sí yén virə́ʼ kfə́n ji mfìr, aá shwiv nsaʼ wìr woo là jay.

2 Samuel 14:22

Joav nèn gbù e fòn si, e tsə̀m sí fo nsay, e lòn ji Nyùy ku səə̀vì a fon. Wù nèn bùn fon jii, «Nyàr, ŋgaà lìm və yèn ne rú lèn a ji á koŋ a wun, bìʼ fo fòn yuun á ne tóŋ ŋgaà lìm və.»

2 Samuel 14:4

Wiíy woó Tekoa və̀y dù, e bùn fon, e gbù e si wo, e làʼ kitú fo nsay, e lòn jii, «Á ku sə̀ á mo.»

2 Samuel 9:6

Wun woo Mefiboshet woo wan Jonatan, wo kfə̀n‑eè dzəə̀n wan wàn Saul nèn wìy. Wù‑uù wìy, e tsə̀m ndzəə́, e làʼ kitú fo nsay ji wun din á ghvə́m. Davir dzə́r shó jii, «Dzə̀ wò Mefiboshet à?» Wù biímé ji nyàr, dzə̀ á wun.

2 Samuel 9:9

Fòn nèn tòóy Tsiba wo yì‑iì dzəə̀n ŋgaà lìm Saul, e sùúy e wun jii, «M fò ne vifá ve Saul woo tàr won lìm, à vé kfəə rəə́ vidzə̀m e Mefiboshet wo dzəə̀n wan wàn tàr won lìm.

2 Samuel 16:3

Fòn nèn dzə̀r jii, «Wan wàn tàr won lìm bèé?» Tsiba bìnèr jii, «Wù dzə̀ lèn e Jerusalem, a wù leey ji wír veé Israyi waà yíi siìr a vifon ve tàr wov Saul e wun lán.»

2 Samuel 16:5

Fòn Davir ghán, e dù, e mèé e Bahurim, wìr wùmòʼ fəə́, a wìy, a kuùnìn kuùnìn. Yì‑iì dzə̀ wir kfəə Saul, a yír rəə́ dzə̀ Shimey woo wan Gera.

2 Samuel 19:27

Vinyo ve wù‑uù suuyin e taàtá wom woo fon vìy, wù‑uù lór a mo lórín. Fòn dzə̀ á moo nshìylav Nyùy bèy. Fòn ku yiì a kinyo e mò ke kí gheenen á wun.

2 Samuel 14:8

Fòn nèn sùúy e wiíy və̀y jii, «Á kfən fo laʼ. M yíi nəə́ e wò kinyò fèn.»