2 Samuel 16:3 - ŊWÀʼ NYÙY

³ Fòn nèn dzə̀r jii, «Wan wàn tàr won lìm bèé?» Tsiba bìnèr jii, «Wù dzə̀ lèn e Jerusalem, a wù leey ji wír veé Israyi waà yíi siìr a vifon ve tàr wov Saul e wun lán.»

2 Samuel 16:3 Referans Kwoze

Ŋwàʼ Jud 1:11

Lòné dzə̀ aáwuné vitu. Áwune yii vinyo a dzə̀ vé Keen, kfə̀n maysì, wáyri wó e jay wo Balaam‑eè yiìn, bìʼ fo á wáy vifií vév a dzə̀ é mbàm. A Nyùy kù wíy laàr áwune adzə̀m mo wù‑uù laàrìn Kora wo wù‑uù loòn, a tsəy kóy wùn wun.

Mayka 7:5

Lá à yòʼ kù a biimé kinyo ke ŋkar yè biímén. Lá à yòʼ a yòy, a tiír e ŋgaà wò ŋgoo wùn. À lóo suúy kinyo, a fə̀m dzə̀ e yeè lav wò, à wàa mèy shintíy.

Ŋgàn 21:28

Á kù yíi sə̀r njen kimboʼtì sə́rin, e fo ghay e wo wù kaʼày kinyo kijuŋ, é wù bónén, e sùŋnín.

Ŋgàn 1:19

Á mo ké wìr ve á kooy séʼ mensə ki dzəə̀n. Séʼ wov kù yíi bìnkìr, e laàr dzəʼə̀m yév.

Nsùyrì Nyùy 101:5

M yíi laàr wír wo wù tóy kinyo e fər və́ bàm. Bó m yòʼ yíi fo kintóʼ e wìr wo wù kóʼor wún, wír wo wù kù yén a dzə̀ kitú kfə́.

Nsùyrì Nyùy 88:18

À yiì ne, ŋkar sém sí léʼ mo, e lèʼ, à ŋkar yem tìm shó. Kù jòʼsì ne vèr à ndzə vitsə̀ʼ.

Nsùyrì Nyùy 15:3

Dzə̀ wír wo wù yòʼ tóy kinyo e wìr bàm kisáŋ, a bó wù yòʼ gheʼ ŋkar rə, a bó wù yòʼ súʼ kinsuʼ e fər və́ bàm.

Ŋwàʼ Fəə 20:16

«Lá wìr tìím vinjen ve kisaŋ vi, e tòy wír e kinyò.

2 Samuel 16:4

Fòn Davir suúy e Tsiba jii, «Bo kéŋ Mefiboshet e dzə̀me sì lèn yé.» Tsiba bínsí jii, «Nyàr, Nyùy ku yiì, é m wáa yiì vinyo ghán sidzə̀m, a dzə̀ ve ví wáa gheén taàtá wòm woo fon.»