2 Samuel 16:2 - ŊWÀʼ NYÙY

² Fòn Davir dzə́r e Tsiba jii, «À du a dzə̀ feé e vifá vìn vi?» Tsiba bìnèr jii, «Nyàr, vimbèʼbìy ví dzə̀ á ji fòn wùn à kfə́ə rəə́ wàá kóʼ. Kibán wùn à vifá ve koomén ví wáa dzə a vifá ve yi ve vé rər və́, shiluʼ shi wáa dzə a shé wìr ve á ghanen ne, e dòrkír e woʼ ji á wàá nó.»

2 Samuel 16:2 Referans Kwoze

2 Samuel 17:29

à vilu vi, e bóo lì sa anjiì wùn à vín nyàm yeé mendzə̀ví, à ye wuríné. Vé‑eè fó vifá vìn bèy, ji Davir wùn à wír vəə́ wàá yí, bìʼ fo vé‑eè kiìn ji áwune ghàn á ne e woʼ, e dòrkír, jìŋ wáa yar, kilòŋ kí kfə́n a yum a áwune.

Atǎr Nsaʼ 10:4

Wù‑uù kér wón vee vilum mtaár, aá kóʼ vimbèʼbìy mtaár.

Atǎr Nsaʼ 5:10

«Ven ve vèn kóʼ vimbèʼbìy ve fəvír ví, ven ve vèn kúr ndzə̀y sé laʼ, e lì ven ve vèn ghán kén e kiwuú kí, vèn yuúrí yòv wo wù koóne, kwá Nyùy Tàr.

Esiker 37:18

A wír vée lò, a dzər e wò jii, ‹À yiì kinyo kìn bèn, a nsàv dzə̀ ka?›

2 Samuel 19:26

Wù bìnèr jii, «Nyàr, á kì ji m dzə̀ á ndzə́m. Mò‑oò lo e sùúy a ji ŋgaà lìm wom kúr á kimbèʼbìy, é m wàá kóʼ, a jùmrì a fon, wù bóʼtí á mo.

2 Samuel 15:23

Wír veé Jerusaleme yén mo Fòn Davir wùn à wír vəə́ shaa, e nèn a toŋnín kitávín. Fòn Davir wùn à wír vəə́ nèn lìysín Kiwoóy ké Kidron, a dù e dzəə yeé woʼ.

2 Samuel 15:1

Ghán sí lòo dù, Absalom tàʼ kár wùn à nyám se sí wáa sə̀ŋ wun si, à wíri mtàn ve á wáa leʼ fo mbìy wo.

1 Samuel 25:27

Tàr wor ku sə̀ á afómo ve wánlè və fó e wun vìn, e fò áàŋgàa ŋgoo vəə́.

1 Samuel 14:28

Wìr rə̀r wùmòʼ shúsín, e sùúy e wun jii, «Tàr won kì yiì kilìʼ ke tavín kí wùn à vé rərí ji lòné dzə̀ á wó wìr wo wù yíi yi a kifá lán. Á kifá ke kí yiìn bo wíri wáa ŋaàyì ŋaàyìn ben.»

Kèʼlo 33:8

Esav dzə́r jii, «M kì lòo wìy, e yèn ŋgoo se nyàm sigháʼán, à kì wiy sho ji ka?» Jakov bìnèr jii, «M kì wiy sho ji wòsò fiʼ tàrnín kiwó.»

Kèʼlo 21:29

Abimelek dzə́r e Abraham jii, «Nsàv vifùm ve bvəy vee saàmbà ve à fəərin, e lèm jeéy vin dzə̀ ji ka?»