2 Samuel 15:3 - ŊWÀʼ NYÙY

³ Absalom nèn sùúy e ŋgaàŋ jii, «Leéy, e yèn, kinyo ke à wiy sho ki bòŋ, a kí dzə̀ tìítiy. Yii bèy, a bó wìr wo fòn lèmèn wo dzə̀ wù yuùrí kinyo ké yòʼ dzə̀.

2 Samuel 15:3 Referans Kwoze

2 Pita 2:10

bo taaka ve á yú a dzə̀ fo wún wóví, yii joonè wo mensə́ mev mè taʼà, káy sáʼ e dzə̀m mo aŋgàa yeʼéy ve á bóʼti wíri víne yii. Aŋgàa kimboʼtì vìne guynìn e ŋàŋ, yén a dzə̀ vitú vév, ŋeʼrì gheéy, á wàa kay sa vifá ve ví ghán e ndzə fèn, a ví kér vitaáví.

1 Pita 2:17

Vèn wáa ghvəm wir dzə̀m, a kòŋ afə́r vén ve vèn áwune tatin e Kristu kinyò, a neŋ e Nyùy sar, e kfə̀n a yu sáʼ fòn wo kuʼùn.

Lim Aŋgàa Ntum 23:5

Por bìnèr jii, «Afə̀r vem, m kì kì ji dzə̀ taà cù wo kuʼùn a? M kì ji Ŋwàʼ Nyùyi suuy a jii, ‹Lá wìr yòʼ a kuù wír wo wù sáʼ woŋ wóv.› »

Matio 15:4

Nyùy‑iì sùúy jii, ‹Wìr ghvə́m tàr wov wùn yè wov. A wìr kuù tàr wov, kìn yè wov, á kù yùyrí ŋgaàŋ yúyrín.›

Daniel 11:21

Á yúyri wun woo fon woó Siiria, aá bun njìlaʼ və, a dzə̀ wír wo wíri taʼ kinyè kfə́ ntéŋ. Wír, a bó wù yoʼ fə̀m ràm kfə́ə wón ntoʼ. Wù kù wíy sàsìn sàsìn, e wìy, a borkír, a leèrì wíri a dzə̀ e shúu, e bóo yi vifon.

Esiker 22:7

Bó wìr wo wù ghvə́m tàr wov wùn yè wov yòʼ dzə̀ shó e věn mvəm. Vèn lo, á wàa boʼ viŋgwìy wùn à wón tsə̀ə́, à vikǐy ŋkfəə.

Ŋgàn 30:17

Wan wo wù woʼòy tàr wov e síi, kfə̀n té lám e yè wov, dzə̀ wo viŋaʼ vi wíy fətí sí rə́, é vilùŋŋgùrúʼ ví kfə́r dzə́n rə́.

Ŋgàn 30:11

Ŋgwàʼ yìmòʼ dzə̀, a yì kuurì atàr vév, kfə̀n kuurì sa ayìy vév.

Ŋgàn 12:2

Nyùy Tàr bínsi wír, a dzə̀ ve á yú wun, maʼ ŋgeʼlàʼ e wír ve á bá antaŋ ve bií kitu.

Nsùyrì Nyùy 12:2

Wìr dzə̀m kù sì ŋgaà lam baà, bóʼti a dzə̀ kimboʼtì e fər və, leerì wun e shúu.

2 Samuel 8:15

Á bèy, Davir wáa saʼ woŋ Isray e dzə̀m, a yiì vinyo e wìr dzə̀m réŋréŋ là kiloʼ.

Kintaŋ 16:3

Áwune nèn tàr shuu, e wìy, e yèn Mooser wùn Aaron, e sùúy jii, vèn yiì ne, e tònén. Wìr dzə̀m woó Isray dzə̀ wir Nyùy, a Nyùy dzə̀ aáwuné mvəm. Yií ka, é bo vèn wáa koʼór vitú vén, a tiy mbìy, a shaà kintatì ke wìr Nyùy Tàr?

Ŋwàʼ Fəə 21:17

«Wìr kuu tàr wov, kìn yè wov, á yùyrí wun.

Ŋwàʼ Fəə 20:12

«Ghvə́m tàr won wùn yè won, áà fiʼ wìy dzə̀ʼə̀m ntàmda e nsay ye Nyùy Tàr woo Nyùy won sí fó e vèn.

2 Samuel 15:4

Wù lo, wù kfə̀n a suúy jii, ‹Á kì yèe fóo lèm a dzə̀ mo ji m wáa tinén nsaʼ si é wòŋàn, bo a wìr wìy e nsaʼ, e yèn mo shó, m kù tìnén kijuŋ, e fò e wun.› »