2 Samuel 13:1 - ŊWÀʼ NYÙY

¹ Wàn Davir woo Absalom‑eè kér fə́r woo wiíy wùmòʼ, a wù bóŋ féyì, a yír rəə́ dzə̀ Tamar. Amnon wo kù‑uù dzəə̀n sá wan Davir nèn wìy lò, a kòŋ Tamar.

2 Samuel 13:1 Referans Kwoze

1 Wòŋ 3:9

Vin adzə̀me‑eè dzə̀ wón Fòn Davir, e bóo lì sa ámóʼó ve wù‑uù dzəən wùn à vikìy ve ceméné. Wù‑uù kér wán woo wiíy, a yírí dzə̀ Tamar.

1 Wòŋ 3:2

Wo wù meen ji taár wáa dzə Absalom wo yè wov‑iì dzəə̀n Maaka, Maaka woo wan Fòn Talmay woó Geshur. Wo wù meen ji kweè wáa dzə Adonija woo wan Haggit.

2 Samuel 14:27

Absalom dzəə́ wón vee vilum ataár, woo wiíy e mòʼón, a yír rəə́ dzə̀ Tamar, a wù bóŋ é ŋàŋ.

2 Samuel 13:15

Amnon nèn lò, e kèʼ, a bàn Tamar e ŋàáŋàŋ, a ban ye wù ban wune shaa koŋ ye wù‑uù koŋ fo mbìy. Wù nèn sùúy sho jii, «Shaà fəə̀ fó lav fèn.»

Ŋgàn 31:30

Wiíy tó sí, vijuŋ və́ ví lèvtí wír, a ví kù lo, e ŋeemé, e lày. Yii bèy, a wiíy wo á yíi a burí dzə̀ wò wù ghvə́m Nyùy Tàr.

Ŋgàn 6:25

Lá à yòʼ siìmé vijuŋ və́, kìn sí ye wù bvəə́, lévti wíri shó.

1 Afòn 11:1

Fòn Solomon nèn lò, a kòŋ vikìy vee wón vitum. Wù‑uù lì wan Farao ji wiiy ntoʼ, e kfə̀n lì ámóʼó ve dzəə̀n wón Moav, ámóʼó wáa dzə wón Ammon wùn à veé Edome, à veé Sidone, e bóo lì veé Hit.

2 Samuel 11:2

Wáa dzə e ŋkuùr wùmòʼ, Fòn Davir ŋáʼáy fo wù‑uù meemè, e kòʼ, a ghan e kikfəv ke lav. Wù lòo màʼ sí, e yèn wiíy wùmòʼ, a wù su wún, a wù bóŋ é ŋàŋ.

Kèʼlo 34:3

Mo wù ghatin bey, Dina woo wan Jakov nəə́ e wun shiliv, wù nèn kèʼ mboòrì.

Kèʼlo 29:20

Jakov lìm kiyá saàmbà ji wun keérí Racel ji wiíy. Viyá vìn vi shaà cércér mo dzə̀ á vishiíy vishàr bèy, bìʼ fo wù‑uù koŋ Racel e ŋàŋ.

Kèʼlo 29:18

Jakov wáa kòŋ Racel feyì, e sùúy e Laban jii, «M yíi lìm fo wò kiyá saàmbà, é vilaʼày vém ví wáa dzə Racel woo wan wò wo terí.»

Kèʼlo 6:2

Wón Nyùy ámóʼó yén, a wón wíri vee vikìyí bóŋkír é ŋàŋ, yén ve á toon sí yév, á kù nèn a lì liìn ji vikìy vév.

2 Samuel 13:2

Amnon‑eè keèrí shií e fər və woo Tamar və̀n e ŋàŋ, e nèn lò a jòy sho jòyìn, a kí yòʼ‑oò dzə̀ fó tèr fo Amnon kiíy wun. Á yòʼ‑oò biíme ji wù wáa ghan, bìʼ fo wù‑uù dzə̀ə́ e fur.