2 Samuel 12:2 - ŊWÀʼ NYÙY

² Ŋgaà mbàm‑eè kér bvə́y, kér nàʼ nyanyày,

2 Samuel 12:2 Referans Kwoze

Ŋwàʼ Jov 1:3

Wù‑uù dzə̀ ŋgaà kav, a wù kér njiì nsə̀kì saàmbà, akamer ansə̀kì ataár, anàʼ ve á lim súm ghii tàn, e lì vimbèʼbìy vee vikìy ghii tàn. Wù kfə́n a ker sa wír ve á lim fo wun nyanyày, la wìr yòʼ kfə̀n a dzə wo a dzə̀ wùn wun dzə̀v kiwó fo wù‑uù dzə́, e mbìv yee fo shùy yii tó.

2 Samuel 15:16

Á bèy, fòn nèn lò wùn à wír vəə́ adzə̀m, ku mày vikìy və́ ve ceméné e ghvə̀m ve wù‑uù màʼtìn ji á siíy, a leéy a ntoʼ.

2 Samuel 12:8

e fò kfə́ə rə́, à wáa saʼ, e fò sá vikìy və́ e wò, e kfə̀n wày sá wír veé Isray, à veé Judàa e wò kiwo. A vin vi‑iì dórí, bo a yì‑iì dzə̀ m dzə̀sì sá vímóʼ ví bey.

2 Samuel 12:1

Nyùy Tàr nèn tsə̀nsí *ŋgaà ntum və woo Natan fo Davir wùn. Wù dù, a bi wun jii, «Vilum ámóʼó‑oò dzə̀ é ŋkàlaʼ yìmòʼ abaà, a wùmòʼ dzə̀ ŋgaà mbàm, wùmòʼ ŋgaà kitàn.

2 Samuel 12:3

a ŋgaà kitàn kér kfə́ a dzə̀ shiwán shé njiì shimòʼón, a wù yún yunén, a lìy, shí wáa kuy wùn à wón vəə́ e wun laʼ. Wù lo, wù lì vifá və́ vé yi, e fò shó, shí wàa yi. Wù lo, wù kfə̀n màʼtì, shí wàa no fo wun bàr. Shiwán shé njiì shìn shi kù‑uù shiiy a dzə̀ e wun vikàkàŋ, a shí sì fo wun moo wán və woo wiíy bèy.