2 Samuel 11:3 - ŊWÀʼ NYÙY

³ Wù nèn tùm wánlè nsheèlav ji wù du, e tàr o a ji sà dzə̀ la á? Wìr və̀y dù, e tàr, e kfə̀n é bàm, e bùn fon, e sùúy sho jii, «Nyàr, dzə̀ á Batsheba woo wan Eliam, a dzə̀ á wiiy Uria, Uria woo wír woó Hit.»

2 Samuel 11:3 Referans Kwoze

2 Samuel 23:39

e lì Uria woo wir Hit. Wìr dzə̀m‑eè dzə̀ nshòv saàmbà e mtaár.

1 Wòŋ 3:5

Wù‑uù dzə̀ə́ wón fó, aá dzə̀ jii, Shimea, Shobav, Natan wùn à Solomon. Wón vee akweè vìne‑eè dzə̀ə́ Batsheba woo wan Ammiel.

Jeremia 5:8

Áwune sì moo nyám se ŋkoʼ se sí yikin kijuŋ, a ker shií ji sí koó see vikìy, a wìr kér shií ji wun ku lì wiiy fər və.

1 Wòŋ 11:41

à Uria woo wir Hit, à Sabad woo wan Alay,

2 Samuel 12:3

a ŋgaà kitàn kér kfə́ a dzə̀ shiwán shé njiì shimòʼón, a wù yún yunén, a lìy, shí wáa kuy wùn à wón vəə́ e wun laʼ. Wù lo, wù lì vifá və́ vé yi, e fò shó, shí wàa yi. Wù lo, wù kfə̀n màʼtì, shí wàa no fo wun bàr. Shiwán shé njiì shìn shi kù‑uù shiiy a dzə̀ e wun vikàkàŋ, a shí sì fo wun moo wán və woo wiíy bèy.

2 Samuel 23:34

à Elifelet woo wan Ahasbay woó Maaka, à Eliam woo wan Ahitofel woó Gilo,

1 Afòn 15:5

Nyùy‑iì yiì bey, bìʼ fo Davir‑iì yii vinyo ve ví wáa gheén Nyùy Tàr, e làa yòʼ a ten fó a yunín nsər sə́, e kèʼ mo wù‑uù dzə̀ʼə̀mèn, e wìy dù, e kpù. Kù mày kinyo ke wù‑uù jayin e Uria woo wír woó Hit.

Ŋgàn 6:25

Lá à yòʼ siìmé vijuŋ və́, kìn sí ye wù bvəə́, lévti wíri shó.