2 Samuel 11:2 - ŊWÀʼ NYÙY

² Wáa dzə e ŋkuùr wùmòʼ, Fòn Davir ŋáʼáy fo wù‑uù meemè, e kòʼ, a ghan e kikfəv ke lav. Wù lòo màʼ sí, e yèn wiíy wùmòʼ, a wù su wún, a wù bóŋ é ŋàŋ.

2 Samuel 11:2 Referans Kwoze

Matio 5:28

Yii bèy, a m duŋrì kém e vèn jii, a wìr lèéy wiiy wìr, e siìmé, bo ŋgaàŋ kù lì ne a wiíy woo shooy bèy fo wùn kwàʼtì.

Nsùyrì Nyùy 119:37

Teér sí yémé fó vinyò ve kisaŋ vi. Kìm dzəʼə̀m yémé, é m fíʼ a dzə sho, a ghan e wò mbòv.

1 Joon 2:16

A vinyo veé ndzə vìn vi dzə̀ jii, wíri lo, á wàa yiì vinyo a dzə̀ ve mensə́ mev mè taʼà, yén vifá, á wàa siimé, e kfə̀n a yiì vinyo vímóʼ ví vinín ji á fíʼ a koʼór wún. A bó vinyo vee shoon vi yòʼ lo fo Nyùy gheéy, dzə̀ veé ndzə fèn.

Lim Aŋgàa Ntum 10:9

Áwune bvəə́shí, e dù, a meé e mvə̀mlaʼ foo fèy, a sì e ntìntìn shùy, a Pita kì kòʼ é kitu ke lav, aá náŋsín moo nsaàlav, a bùnrì fo.

Ŋgàn 6:25

Lá à yòʼ siìmé vijuŋ və́, kìn sí ye wù bvəə́, lévti wíri shó.

Ŋwàʼ Jov 31:1

«Mò‑oò yì ne kilìʼ, e sə̀ntì, dzə̀ m kfə̀n ghàn é le, e bó a leéy wánlè ŋgòn e sí yímóʼó.

1 Pita 4:7

Vèn kì sá jii, ghán se ndzə wíy mày si mèʼ ne a fo mentsə̀m. Kí nén a dzə jii, vèn wáa tiy lèn, a kiíy, a yu kinyo kimòʼón ji bunrì.

Ŋgàn 31:30

Wiíy tó sí, vijuŋ və́ ví lèvtí wír, a ví kù lo, e ŋeemé, e lày. Yii bèy, a wiíy wo á yíi a burí dzə̀ wò wù ghvə́m Nyùy Tàr.

Remrí 22:8

«Wìr bóm lav ye fíy, wù fèr kay e kitu ke káy lav, e kaàrí sho, é yí fíʼ a teʼtín fo wìr lo, e gbù fo fo, é ŋgaà lav wiy e njò mensə e wun lav.

Kèʼlo 3:6

Wiíy leéy kicí kiy, e yèn, a kí bóŋ féyì fó kfər, e kfə̀n yèn, a kí kiʼ kijuujùŋ, a kòŋ feyì fóo kfər, a ker vifií. Wù nèn kòy, e kfə̀r, e kfə̀n fò lúm və, wù kfə́r sá.

Matio 10:27

Kinyo ke m tír ven shó lèn e bǎm lav, vèn wáa fìʼtì a dzə̀ é maàndzə. Ke m səmrì e vèn sə́mrin, vèn wáa ghan, a jàŋ jàŋèn.

Jeremia 19:13

Lav seé Jerusalem wùn à ntoʼ seé Juda si kù wíy kfən ji kirə́ʼ ké *kifàn, moo Kiwoóy ké Tofet kìn. A dzə̀ jii, lav sidzə̀m se á ton kiláy é kitu wo, cu vifá veé yúv shó, kfə̀n maʼ meluʼ fo, cu anyùy sho.»

Ŋgàn 19:15

Wìr lóo dzə njoó, wù wàa buuné, a tonén, lóo dzə e làa yòʼ a lìm kifá, wù kpù jíŋ.

2 Samuel 4:7

Á nəə́ bey, e nèn dù duùn e Ish‑Boshet mvə̀m fàáy kishiíyí, e laàr wun e mbvə̀ʼ, a wù buúne. Á nèn shòʼ kitú kfə́, e lì, a dù sho. Á ghán vitsə́ʼ vifur, e tòsín kiwoóy ké ndzəv yee Jordan,

Kèʼlo 34:2

wù lòo dù, Shekem woo wan Hamor yén wun. A Hamor və̀n dzə̀ wír woó ram Hiv, e kfə̀n a dzə taà ntèʼ. Mo Shekem yenen Dina, wù tó sí rə́, wù nèn ghàtí e dzəə.

Kèʼlo 6:2

Wón Nyùy ámóʼó yén, a wón wíri vee vikìyí bóŋkír é ŋàŋ, yén ve á toon sí yév, á kù nèn a lì liìn ji vikìy vév.

2 Samuel 4:5

Rekav wùn Baana nèn wìy fəə̀ é kishiíy kímóʼ kí, e dù e Ish‑Boshet ntoʼ, a shùy kóŋrí ne, a sì ghán se fòn meemè. Á wáa meé e faáy kishiíyí,

1 Samuel 9:25

Áwune màysì fo kirə̀ʼ ké cù, e sə̀y é mvə̀mlaʼ, Samuel lì Saul, e kòʼ shó e mbìv lav yee fó yuv, a suŋnín e wun.

Kèʼlo 39:6

Wù màʼtì kéŋ rə́ e dzə̀m e Joosev ji wù wáa leéy a fo fo, e làa yòʼ dzə́ə a leéy a kifá kímóʼ kí e wun lav, bánlà vifá və́ vé yi. Joosev‑iì kér mbom ye juŋ, e kfə̀n tò sí.

Matio 24:17

Wìr yú, a wù dzə̀ é kitu ke lav, sə́ʼəy ji wun sí nyéŋé, lá wù yòʼ kfə̀n a nəə́ e lav ji wun li kifá.

Kèʼlo 12:11

Wù lòo meʼ Ejiv, e sùúy e Saray woo yeè lav və jii, «M kì ji à dzə̀ wiíy, aà bòŋ feyì.

Remrí 5:21

« ‹Lá wìr yòʼ siìmé wiiy wìr wùmòʼ. Lá wìr yòʼ siìmé lav wìr, kìn dzə̀ súm və́, kìn kwàn və́ woo lumène, kìn woo wiíyi, kìn dzə̀ nàʼ və, kìn kimbèʼbìy kfə́, kìn dzə̀ ka ke dzəə̀n ké ŋgaàŋ.›

2 Samuel 13:1

Wàn Davir woo Absalom‑eè kér fə́r woo wiíy wùmòʼ, a wù bóŋ féyì, a yír rəə́ dzə̀ Tamar. Amnon wo kù‑uù dzəə̀n sá wan Davir nèn wìy lò, a kòŋ Tamar.

2 Samuel 14:27

Absalom dzəə́ wón vee vilum ataár, woo wiíy e mòʼón, a yír rəə́ dzə̀ Tamar, a wù bóŋ é ŋàŋ.

Ŋgàn 7:8

Wù‑uù ghán e dzəə ye yì shaa e wiíy woo ghányúv ghaa lav. Wù nèn lò, e lì kiwuú ké dzəə ke kí‑iì bin e wiíy və̀y lav,