2 Samuel 10:4 - ŊWÀʼ NYÙY

⁴ Fòn Hanun nèn koò áwune, e sheèsì vighev vév mbìv mòʼón mòʼón, e tiìné vikúm vév fó ntuʼ se kinyè, e jùm.

2 Samuel 10:4 Referans Kwoze

Aysaya 20:4

Kù dzə̀ mo fòn woó Assiriya wíy koorí wír veé Ejiv wùn à veé Etiopiàa, e meér áwune, aá fəə́ nsàm, e dù, a dzə a dzə̀ é kitum ke sən kí. Á wíy meér áwune wir dzə̀m, à ŋgàywìr, à wánlè, aá wáa dù kinshóʼ, e wuú nsay, é ntuʼ se kinyè sí wáa yensín, é wír veé Ejivi fíʼ a woomé.

Jeremia 41:5

ŋgoo vilum yìmòʼ wáa shaà, aá dzə̀ wír mwaamé, aá kér cu vifa ve yi wùn à kiláy kí ji á du shó e Nyùy Tǎr lav. Vé‑eè lò fó Shekem, ámóʼó fó Shilo, ámóʼó fó Samaria, aá kóm vighev, e saàsì ndzə̀y sév, e jàʼtì wún.

Aysaya 15:2

Wír veé Dibone kòʼ ne aáwuné kirə̀ʼ ké cù. Á dù ne fo anyùy véví wùn ji á du, e dìy. Wír veé Moavi waáme tóŋ, diy laar ye á laàrìn ŋkàlaʼ yee Nebo wùn à yee Medeba. Wìr dzə̀m kwaày ne kitú, a dzə e nsòv, vilum adzə̀me kwaáy kighev.

Cù 19:27

Lá vèn yòʼ wìy a kèŋrì búbúʼ sí. Lá vèn yòʼ a fàr sa kighev.

2 Samuel 10:5

Á lòo dù, e nèn a woomé fóo kfən e bàm fó laʼ. Davir yú kinyo ke kí kooyin, e tsə̀nsí ntum fo áwuné wùn ji á goʼ á e Jeriko, e dzə̀ʼə̀m a fo, é vighev vév ví wàá kwiíy, é bo á wáa wìy.