2 Samuel 10:3 - ŊWÀʼ NYÙY

³ Atǎr ntoʼ veé Ammone nèn dù, e bùn Fòn Hanun jii, «Fòn sà kwaʼtì ji Davir tsə̀nsí wír vìn ji á wiy, e shàm fon bèn ji wù‑uù koŋ tàr à fòn a? Nyàr, bó á yòʼ sà kì ji wù tsə̀nsí wír vìn ji á wiy, e nə̀ə́ e ŋkàlaʼ, e kìy, e fíʼ yìi tòn a?»

2 Samuel 10:3 Referans Kwoze

Kèʼlo 42:16

Wìr fo vèn kér fó dù, e lì wun, e wìy sho. Wù lóo dù, é kibér ki goʼ fen e sháŋ, e dù, e meé mo á wíy keerí suuyrú won. Kí búŋ fó bèy, e fòn yir, bo vèn dzə̀ rú aŋkiy.»

Kèʼlo 42:9

Joosev kuúmé njèm se sí‑iì shí wun kùm áwune, e nèn sùúy aáwune jii, «Vèn dzə̀ vé ŋkiyi mo á wìyìn ji á shweʼ, e kiíy fo woŋ wórí njoon.»

1 Korin 13:7

Wìr wo wù koŋ wíri yòʼ yén ajay wìr. Wù kù wáy kfə́ shilív wáyín e wìr wùn, leey fó mbìy ji wù kù wíy yiì a kijuŋ, kfə́men vinyo vidzə̀m.

1 Korin 13:5

a koʼnín, e kfə̀n a ŋar. A wìr koŋ wíri, la wù yòʼ a tav, a nyar shilív, e kfə̀n a lèm jay wìr e shiliv.

1 Wòŋ 19:3

Atǎr ntoʼ veé Ammone nèn dù, e bùn Fòn Hanun jii, «Fòn sà kwaʼtì ji Davir tsə̀nsí wír vìn ji á wiy, e shàm fon bèn ji wù‑uù koŋ tàr à fòn a? Nyàr, bó á yòʼ sà kì ji wù tsə̀nsí wír vìn ji á wiy, e nə̀ə́ e ŋkàlaʼ, e kìy, e fíʼ yìi tòn a?»

2 Samuel 3:25

Nyàr, á sà kì ji Abner woo shooy woo wan Ner kì wìy bey ji wun bóʼtí fon, e kìy woŋ, e kfə̀n shwèʼ mo ghán fòne dzəə̀n á? Yòʼ dzə̀ á kimeŋnìn ke kinyò.»