2 Samuel 1:9 - ŊWÀʼ NYÙY

⁹ Wù nen sùúy e mò ji wun lèm á feyì, ye dzə̀ á wun kpù. Kii mò, m ku wìy, e màysì a wun, e yùyrí.

2 Samuel 1:9 Referans Kwoze

2 Samuel 1:8

Fòn dzə́r e mò ji m sà dzə̀ wír woo feé á? M bínér ji m dzə̀ á wan wìr Amalek.

2 Samuel 1:10

Á bèy, m nen shaà, e yùyrí, bìʼ fo m kì kiìn ji wù lo, e gbù, e làa yòʼ lùŋ. M nen shòʼ ntáráʼ fó kitu wo, e shòʼ kisáʼ fó koy wo, e nèn a wìy sho lèn ji m neer á e taàtá wóm si.»

Atǎr Nsaʼ 9:54

Wù nèn jàŋ wánlè nsùm wo wù‑uù béʼ vifá və́ vé rər cércér, e sùúy sho jii, «Ku shòʼ nyùy yè rə̀r, e yùyrí mo shó fo wíri yiì a sheʼ ji kì yùyrí á wiíy mo.» Wánlè nsùm və̀y nèn sòv, wù kpú.

1 Samuel 31:4

Saul suúy e ŋgaà ŋkeè və jii, «Shóʼ nyùy yè, e yùyrí mo shó, fo viŋgà ve wìr veé Filistia vee améŋnyùy vìne wiy, e yùyrí mo, a binsí mbeeteé.» Ŋgaà ŋkeè və fàn feyì, e tèn fóo yuyrí wun. Saul nèn lì nyùy rə̀r rə, e gbù e kitu wo.

1 Wòŋ 10:4

Saul suúy e ŋgaà ŋkeè və jii, «Shóʼ nyùy yè, e yùyrí mo shó, fo viŋgà vé wìr veé Filistia vee améŋnyùy vìne wiy, e yùyrí mo, a binsí mbeeteé.» Ŋgaà ŋkeè və fàn feyì, e tèn fóo yuyrí wun. Saul nèn lì nyùy rə̀r rə, e gbù e kitu wo.

Ŋgaà Yen 9:6

A wíy lòo dzə fo ŋwee woo tàn və̀n, aá wáa tàʼ kpú ye yí li áwune, e làa yòʼ a ker. Á wíy a siimé kpú, é yí wáa nyeŋ áwune nyéŋén.