2 Samuel 1:8 - ŊWÀʼ NYÙY

⁸ Fòn dzə́r e mò ji m sà dzə̀ wír woo feé á? M bínér ji m dzə̀ á wan wìr Amalek.

2 Samuel 1:8 Referans Kwoze

1 Samuel 30:17

Ndzə bvəə́shi, e jàv, Davir nəə́ áwune e rə́r sí, e màʼ, e dù mèé e ŋkuùr. Wìr mòʼón fo áwune yòʼ‑oò lo lèʼ, kù‑uù jòʼsì wónlě nsùm vee ghii kweè ve vé‑eè koʼon akamer, e lèʼ.

1 Samuel 30:13

Davir dzə́r e wun jii, «Tàr won lìm dzə̀ la? À wìy fo feé?» Wù bìnèr jii, «M dzə̀ wan wìr Ejiv, a m kfə̀n dzə̀ kwǎn wìr woó Amalek. Sì lán ji vishiíy vitaár mo tàr wor lìm‑ee màʼàyìn mo, bìʼ fo mò‑oo joyì.

1 Samuel 30:1

Vishiíy ví shaà vibaà, Davir wùn à wír vəə́ wáa kfən e bàm é Tsiklag, a wír veé Amaleki nəə́ ne rə́r é virə̀ʼ veé Negev, ǎ Tsiklag. Vé‑eè sùm Tsiklag, e wày və́y shó, fóo shwí,

1 Samuel 15:3

Dù lèn, e nə̀ə́ wír veé Amaleki e rə́r sí, e laàr áwune wùn à kifá kév kí kidzə̀m. Lá à yòʼ bàvtí kifá fo. Yúyrí vilum wùn à vikìy, à wóné, à wón ve bóri. Yúyrí sá anàʼ wùn aànjìi, aàkameri, à vimbèʼbìy ví.› »

1 Samuel 27:8

Davir wáa dzə fo bèy, wùn à wír vəə́ wáa lò, a dù, a nəə́ wír veé Geshur e rə́r sí, à veé Girsìi, à veé Amalek ve vé‑eè sí dzə́ e mbìv wòŋ foo fèyi. Aá funèn bèy, du duùn é Shur, e dù, e meé e Ejiv.

Kintaŋ 24:20

Balaam nèn màʼ sí, e lèéy nsay Amalek, a tin kàʼ və jii, «Amalek‑iì dzə̀ kitúm ke mbìy ki e vitúm ví mvəm, yii bèy, a kimaysì kév kí wíy a dzə ji á laar áwune.»

Kèʼlo 14:7

e kfə̀n é Enmishpat wo dzəə̀n Kadesh, e tòn virə́ʼ vé wìr veé Amalek vidzə̀m, e kfə̀n tòn wír veé Amor ve vé‑eè dzə́ e Hasason‑Tamar.

2 Samuel 1:7

Fòn bínkír, e yèn mo, e tòóy mo. M biímé jii, ‹Nyàr, mo á və̀ne.›

2 Samuel 1:9

Wù nen sùúy e mò ji wun lèm á feyì, ye dzə̀ á wun kpù. Kii mò, m ku wìy, e màysì a wun, e yùyrí.

2 Samuel 1:13

Davir lò, e dzə̀r e wánlè nsùm və̀y jii, «À dzə̀ wír woo feé?» Wù bìnèr jii, «M dzə̀ wan kiŋgwìy ke wìr Amalek.»