2 Samuel 1:2 - ŊWÀʼ NYÙY

² Vishiíy ví lòo meé vitaár, wánlè nsùm wùmòʼ bvə́y fó, e ndzə̀y sí sisaasìn, e kibvər ki é kitu, a wù léʼ fo Saul kilaʼáy. Wù wìy bèy, e gbù e Davir si, e làʼ kitú fo nsay.

2 Samuel 1:2 Referans Kwoze

1 Samuel 4:12

Wìr woó Benjamin wùmòʼ léʼ fó shùu rər é kishiíy fóo fèy, a dù e Shilo, a wù sátí ne ndzə̀y fó wùn, e kfə̀n yòʼ nsay e kitu.

2 Samuel 4:10

Wìr‑iì wìy é Tsiklag, e sùúy e mò ji Saul kpù á ne, suuy bèy, kwaʼtì kfə́ ji wun wiy a dzə̀ á e sáʼka wo juŋ, m nèn bàm wun, e yùyrí. Á vilaámé ve mò‑oò foon e wun.

1 Samuel 25:23

Abigail yén Davir, e nèn gìtì, sə̀ʼə́y fo kimbèʼbìy, e tsə̀m ndzəə́, e làʼ kitú fo nsay e Davir si.

Joshua 7:6

Joshua yú, e nèn saàsì ndzə̀y sə́, e gbù fo nsay, e tsə̀m sí wùn à kfə́m sé wìr veé Isray si wáa neŋ e mbìy ŋkùv mensàŋ Nyùy Tàr, e dù, e meé e ŋkuùr, aá yóʼ ne kibvər e kitu.

Ŋgaà Yen 3:9

M kì wír ve á yoŋ vitú vév ji wír vém veé Juda, aá dzə̀ kév a dzə̀ e Satan ŋgoo. Vèn yú, m wíy yiì, aáwune kiíy ji wír ve m kòŋèné dzə̀ ven vin, e yiì, aáwune wiy, a gbù e věn si.

Matio 16:21

Kèʼ fo ghan see shooy Jesus nèn kèʼ, a naàrì e wón və́ lìme jii, «M kér fó dù e Jerusalem. A kinyo ke kí wíy koóy mo fó ki dzə̀ jii, m wíy yen ŋgeʼ sinín e vé wòŋe wùn à vitú ve atàá cùu, à wír ve á duŋrì nsər Nyùyí wo, aá yúyrí mo, vishiíy ví mee vitaár, é Nyùy fəə́r mo fó kpu.»

Matio 12:40

Mo Jona‑aà shiiyin e sə bvə̀m vishiíy vitaár, à shùy, à vitsə́ʼə́, dzə̀ sá réŋréŋ mo ŋgaà wo yírí dzəə̀n *Wanwìr wíy shiíy e loònsay vishiíy vitaár.

Joel 2:13

Lá vèn yòʼ a sàtì a dzə̀ ndzə̀y ji vèn fíʼ a dìn mo vèn dzə́ e nsòv. Vèn su a dzə̀ melív men mè, e kfə̀n é bàm e Nyùy Tàr woo Nyùy wón wùn. Wù rə́r mendzən me wíri, shám áwune. Wù yòʼ yii táv shwiiy kilòŋ. Wù yòʼ yii yar fó a dìn koŋ ye wù kér fo wír vəə́. Wù yòʼ yii koŋ, e màʼ ŋgeʼ e wìr kitu.

Hosea 6:2

Ké lèn ki, wù lo, e taŋ vèsən fo kpúu. Ntàm yòʼ‑óò dar, a bó wù fér vèsən, aá táv, e fíʼ a dzə sho e wun si, a wàrkìr.

Nsùyrì Nyùy 66:3

Vèn wáa burí Nyùy, a suúy jii, «Lim sé sí dzə̀ sigháʼtín, vitaáví vé vi kùʼ e ŋàŋ, aŋgàa vibàn vée kú a yàʼ e wò si.

Esta 5:1

Yaà Esta lèm jíŋ, kishiíy kí meé ji taár, wù nèn màʼ ndzə̀y sə́ sé viyaà, e nə̀ə́, e tìím e mvə̀m ntoʼ, e ŋkìʼnìn ŋgày yeé ntoʼ, a fòn dzə́ e ŋgày e kàvàʼ, kiʼ shuu wo wú nəə.

Esta 4:16

«Mordekay, dùu, e bàʼtí wír veé Juda ve á dzəə̀n é Susàa kirə́ʼ kimòʼón, é vèn áwune ku lèm jíŋ, a bùnrì fo mò. Kí dzə̀ jii, e bǎm vishiíy vitaár, e shùy wùn à vitsə́ʼə́, lá wìr yòʼ nò kifá, kìn ji wù yí ke yiín kí. Vèr à wónlě vikìy ve á lim fo mòó kù yíi a lèm sa jíŋ bèy. Kee shooy ki shaa, é m du, e yèn fon. A fə̀m dzə̀ mo nsər yoʼ biìmé ji wìr du fó, a bó á toóy tooyín, bo m kù‑úù du, a mo‑óò du kpù, é m dù kpù.»

2 Samuel 15:32

Fòn Davir kóʼ, e mèé e kitu ke gwan fo vé‑eè lo, á wàa cù Nyùy, Hushay woo wír woó Arek wìy ji wun yén á wun. A wù wiy e kibvər kí kitu, a ndzə̀y sí dzə̀ sisaasìn.

2 Samuel 14:4

Wiíy woó Tekoa və̀y dù, e bùn fon, e gbù e si wo, e làʼ kitú fo nsay, e lòn jii, «Á ku sə̀ á mo.»

1 Samuel 20:41

Wàn lò, Davir nèn ŋàʼáy fo mbìv tsə̀n tìy, e tsə̀m ndzəə́ e Jonatan si, e làʼ kitú fo nsay akàŋ ataár. Áwune bámnín, e tòŋnín, yii bèy, Davir tóŋ kfə́ é ŋàŋ.

1 Samuel 4:16

e yòŋ e wun jii, «M dzə̀ wír wo wù wìyìn fó shùu rər, m sòsìn fo fo lán.» Eli dzə́r shó jii, «Rə́r sí maʼ e lé wan wòm?»

Kèʼlo 43:28

Áwune bìnèr jii, «Kwàn wó woo tàr worí dzə̀ə́ sho, a wù dzə̀ kitávín.» Áwune nèn tsə̀m ndzəə́, e làʼ kitú fo nsay, a fo wun ghvə́m.

Kèʼlo 37:34

Jakov nèn sàr kikúm kfə́, e màʼ vinsàʼ ve ndzə̀y, e bònen dìy kpú wan və ntàmda.

Kèʼlo 37:29

Ruben yiì kfə̀n é bàm é bii fey, e tàʼ Joosev ntéŋ, e nèn sàr kikúm kfə́, a dìy.

Kèʼlo 22:4

Wáa dzə e kishiíy ke kí‑iì meen ji taár, Abraham màʼ sí, e yèn kirə́ʼ kee shooy, a kí dzə̀ə́ ntàmda.

2 Samuel 1:3

Davir dzə́r e wun jii, «À wìy fo feé?» Wù bìnèr jii, «M lèʼ fo wír veé Israyí kilaʼáy.»

Esiker 27:30

Áwune wíy a bùr tóŋ, a dìy wò. Lóo toŋ, lóo dìy, aá wáa koʼór kibvər, a buʼ e kibvə.

2 Samuel 13:19

Wù nèn saàsì ndzə̀y seé kilùm se wù‑uù màʼàn, e yòʼ kibvə́ e kitu, e neèr wó e kitu, a dù a toŋ kitávín.

2 Samuel 24:20

Arauna dù, e lòo leéy, e yèn a fòn wùn aàtǎr wòŋ vəə́ kóʼ fo wù‑uù dzəə̀n, wù meésín, e tsə̀m ndzəə́, e làʼ kitú fo nsay e fòn si,