2 Joon 1:12 - ŊWÀʼ NYÙY

¹² Vinyo vi dzə̀ vinín ve kì dzə̀ m sùúy e vèn. Yii bèy, a bó m yòʼ sáŋ a dzə̀ é ŋwàʼ fèn. M leey ji kintóʼ ki fəə́sín, é m wiy, e ghàn á ven. Vèsən lóo dzə fo si, é bo m fer vinyo vee shooy e vèn vidzə̀m. Vèn yú, é vèsən nèn màysì, a sheʼrí.

2 Joon 1:12 Referans Kwoze

Joon 16:12

«Vinyo vi dzə̀ə́ sho vinín ve kì dzə̀ m fèr e vèn, a bó yòʼ dzə̀ lèn vèn kìíy vidzə̀m.

Joon 15:11

M sùúy ne vinyo vìn e vèn ben, é kishéʼrì ke kí dzəə̀n e mǒ shiliv kí fíʼ a dzə sa e věn meliv, é vèn maysi rú, a ker kishéʼrì.

Kintaŋ 12:8

Lóo dzə wun, vèr wun wàa suŋnín fo si kiránén, là vindzəv, wù wàa yen shwínín yém, mo woo Nyùy Tàr. Vèn mùm a dzə̀ ka, e bó a sày Mooser woo wír wom lìm?»

1 Joon 1:4

M nén a saŋ vinyo vìn fo vèn lèn ji vèn tátí sá bèy, é vèsən wáa sheʼrí a ghán sidzə̀m.

Hibru 13:19

A m kfə̀n lón feyì ji vèn wáa bùnrì bèy, é Nyùy sə́, é m tav kfə̀n, e yèn ven.

Ŋwàʼ woó Rom 15:24

á lèn wo m kwaʼ ji m kù sí yìi yen a ven. A dzə̀ jii, m wíy lòo dù e wòŋ woo Spen, é m shaa, e ghàn ven. Vèsən dzəʼtì shishàr, shilív shí rəsìn mo, é m nèn tòsín. Lóo dù, ghan símóʼ sí, é vèn koóy kifá kée sə mo shó, é m du, e mèé fo.

Joon 17:13

«Mo m sí kfə́n fo wò wùn lèn, m nén a lon vinyo vìn vidzə̀m, a m dzə̀ə́ e ndzə fèn, é kishéʼrì ke m yii kér e mǒ shiliv kí maysi, e rùn sá aáwuné meliv.

Joon 16:24

Kèʼ mo vèsən‑eè dzəə̀n, e meé lèn, vèn yòʼ‑oò yiì ne lòn kifá fo Nyùy e mǒ yir. M nén a suúy e vèn lèn jii, vèn wáa lon rì bèy, é Nyùy wàá fó, é kishéʼrì ki nèn màysì, e rùn e věn meliv.

Hibru 13:23

A m kfə̀n taʼ, e yiì, é vèn kiíy ji fər wòsən Timoti fəə̀ ne a fo sháŋ. A wù ben tàv wìy, e yèn mo, bo wiy vèr wun, e yen ven.

Filemon 1:22

Kímóʼ kí kfə́n a dzə sa jii, à ku nàŋsín a kirə́ʼ ke m wíy wìy, e shiíy sho. M wáy vifií ji Nyùy ku wìy yù á tóŋ ye vèn tóŋ bìʼ mo, e siìr mo, é m wiy, e yèn á ven.

2 Timoti 1:4

Jìŋ yè yár mo féyì, a m kuúme a dzə̀ mo wòsò‑oò lóo jàvsìn, à wáa səʼə́r mensíy. M nén a tàʼ, e kfə̀n yen wò, é shilív shém shí rəsin.

Joon 3:29

Wìr wo wù kooy jín dzə̀ lum jìn. Ŋkar rə lóo tiy fo ghaŋ, lóo yu mo wù yoŋrì, wù wàa sheʼrí sheʼrín. M nén a dzə sa moo ŋkar lum jìn, a sheʼrí lèn feyì.

3 Joon 1:10

M wíy wìy, yén ven, é m tóʼtí vinyo və́, é wíri yú mo wù súʼ kinsuʼ, bóʼti vinyo ve kisaŋ vi e mǒ bàm. A bó yòʼ mày kee shooy. Wù tèn sá fó a ker afə́r vesən ve á gháné, kfə̀n sháʼnin fo wír ámóʼó wáa səəsí áwune. Á lóo səəsí, wù nèn a jùm áwune fó kintatì.