2 Joon 1:10 - ŊWÀʼ NYÙY

¹⁰ Mo kí siìn ben, a wìr wìy, e yèn ven, a yeʼéy kinyo ke bó yòʼ dzəə̀n ké Jesus Kristu, lá vèn yòʼ səə̀sí, e wày é lav. Lá wìr yòʼ fə̀m shàʼtì feyì, a shaʼtìi shó.

2 Joon 1:10 Referans Kwoze

Titur 3:10

A wìr lò, a tàʼ ji wun bvəə́r kintatì, à kàntì. Aà kàntì fo akàŋ vee abaà, wù kú a yiì bèy, à shàʼnín wun.

2 Tesalonika 3:6

Afə̀r ver, vèr nén a fo sáʼ yímóʼó, a vèr fó a dzə̀ e Taàtá wòsən Jesus Kristu yir ji vèn wáa baàmè a afə́r vesən ve á yii ŋgòy, káy kinyo ke vèr‑iì yeʼeyin ven shó.

2 Tesalonika 3:14

A wìr bèn dzə̀ shó wo wù tén fó yu kinyo ke vèr saŋen é ŋwàʼ fèn, vèn səə̀m ŋgaàŋ, a baàmè wun, é wù wáa woomé.

1 Korin 5:11

Mò‑oò yoŋ a dzə̀ ji vèn wáa nyeŋ a wír ve vèsən yoŋ ji afə́r bìʼ kinyo ke Jesus Kristu ve á yii kfə́ə vinyò vee ben. Kìn dzə̀ ji ŋgaàŋ jaŋ kinjàŋ, kìn wù taʼ a dzə̀ kifàʼ, kìn wù ghvə́m anyùy kisaŋe, kìn wù kuunìn kuùnìn, kìn wù ghán, nó a dzə̀ meluʼ, kìn dzə̀ shóŋ, lá vèn yòʼ fə̀m a yikír vèn à ŋgaàŋ.

2 Joon 1:11

A m suuy bèn bìʼ foo, a wìr shàʼtì wír woo shooy, bo wù sí wáy sa kiwó e vinyò ve bi ví ve ŋgaàŋ yii.

1 Korin 16:22

a tir ven jii, a wìr dzə̀ làa yòʼ a kòŋ Tàr wòsən Jesus, bo lǒn Nyùyi dzə̀ á e ŋgaàŋ kitu. M nén a lon ji Tàr wòsən Jesus ku kfə̀n á cér.

Nsùyrì Nyùy 129:8

Bó yòʼ dzə̀ nshaàdzəə̀ fə̀m shàʼtì áwune jii, «Nyùy Tàr səəvi ven. Vèr səəvì ven é yír Nyùy Tàr.»

Kèʼlo 24:12

Wù wáa bùnrì, a suúy jii, «Éè Nyùy Tàr, Nyùy Abraham woo tàr wor lìm, ku yiì, é kinyo ke m wìyìn fen ki yii wún lán. Ku yiì bèy, e fíʼ dìn koŋ ye à kér fo Abraham woo tàr wor lìm.

1 Afòn 13:16

Ŋgaà ntum Nyùy suúy shó jii, «Yòʼ dzə̀ m kfə̀n é bàm wòsò. Yòʼ dzə̀ m yìkír, a yòʼ dzə̀ m nò mendzə́v fen,

Lim Aŋgàa Ntum 15:23

Á sáŋ ŋwàʼ wo á kì yíi tum áwune shó, a wú dzə̀ jii: «Ver vee afə́r vén vee aŋgàa ntum Jesus wùn aàtǎr vintatìi shaʼtì ven vee afə́r vér ve bó yòʼ dzəə̀n wír veé Juda, ve á dzəə̀n é Antiyok wùn à ve á dzəə̀n é wòŋ woo Siiriàa, à veé wòŋ woo Silisiàa adzə̀m.

3 Joon 1:10

M wíy wìy, yén ven, é m tóʼtí vinyo və́, é wíri yú mo wù súʼ kinsuʼ, bóʼti vinyo ve kisaŋ vi e mǒ bàm. A bó yòʼ mày kee shooy. Wù tèn sá fó a ker afə́r vesən ve á gháné, kfə̀n sháʼnin fo wír ámóʼó wáa səəsí áwune. Á lóo səəsí, wù nèn a jùm áwune fó kintatì.