Biblia Todo Logo
Bib sou entènèt

- Piblisite -




2 Joon 1:1 - ŊWÀʼ NYÙY

1 Sàŋ mo woo taà kintatì ŋwàʼ və̀n fo wò, Yìy à Wíri. Shòʼ Nyùy wò. A m sáŋ a dzə̀ fo vèn à wón vée. M koŋ ven é ŋàŋ, bìʼ fo vèsən sí tíy e kinyò ke ru kí adzə̀m. A kù dzə̀ mo wìr wo wù kiìn kinyo ke ru kí e dzə̀m koŋ ven.

Gade chapit la Kopi




2 Joon 1:1
25 Referans Kwoze  

Wòn vem, lá vèsən yòʼ a suúy a dzə̀ fó shuù ji vèsən koŋ afə́r vesən. Vèsən wáa kòŋ áwune rúrú, a sə áwune.


Wù koŋ ji wìr dzə̀m luŋ, kfə̀n taʼ ji wìr dzə̀m kiíy á kinyo ke dzəə̀n ke ru kí.


é vèn nèn wìy kìíy kinyo ke dzəə̀n ke ru kí, é kí yii, é vèn boy fó vikwàn.»


Kii wò Yìy à Wíri, m nén a lon ji vèn à wóné ku nèn a lèm a nsər ye yì dzəə̀n ji vèsən wáa kòŋnìn. A bó yòʼ dzə̀ nsər ye fíy yìmòʼ, kù dzə̀ yìwun ye vèsən‑eè sí yú, e kèʼ mo vèsən‑eè yuun kinyo ke Nyùy.


M nén a tir wír ve dzəə̀n atǎr kintatì e věn mvəm. A m tír moo wír wo dzəə̀n sá taà kintatì wùmòʼ, kfə̀n suuy moo wír wo wù‑uù yenen e sí rəə́ mo Kristu yén ŋgeʼ bìʼ vèsən, kfə̀n suuy moo wír wo vèn áwune wíy nəə́ e vijùŋ ve Kristu wíy wìy sho.


Yìy à Wíri, wón fər wòo shaʼtì wò, fər wò wo dzəə̀n sá Yìy à Wíri wo Nyùy‑iì shoʼon.


A bó m yòʼ sáŋ ŋwàʼ və̀n fo vèn ben ji vèn dzəə́ méŋ a vinyo ve ru ví. M sáŋ bìʼ fo vèn kiiyin ne. A vèn kì sá kijuŋ ji wìr wo wù tíy kfə́ a dzə̀ e Nyùy kinyò ke ru kí yòʼ dzə̀ á wù wàa boʼtí kimboʼtì.


Nyùy woo Tàr wòsən‑eè shòʼ ven a dzə̀ mo wù‑uù sìysìn ne fo ŋgùʼ. Wù nèn wìy tùm Kiyoy kfə́, kí wìy, e nàŋsín ven ji və́ vee wír. A wù‑uù yiì bey, ji vèn wáa dzə, a yu a dzə̀ á fo Jesus Kristu, é mensə́ mvə mè táŋrí ven, é vèn boy fó njò. M nén a lon jii, Nyùy kú a shaà fo mbìy, a leéy fo vèn, a yiì, é melív men mè wáa dzə nyaáŋ.


Vèsən dzə̀ wír, aá kìíy ne kinyo ke dzəə̀n ke ru kí. A wìr lò, e kfə̀n màʼày kinyo kee shooy, e kù a yiì a dzə̀ vinyo ve bi ví e ŋgeʼ, wù wàa kiíy ji bó ntàŋrí wùmòʼ yòʼ dzə̀ shó wo dzə̀ á dzəə yiì, bo ŋgaàŋ rán fó vinyò foo fèy.


Yì‑iì dzə̀ fó mbìy, a vèn yii kijuŋ feyì. Kfən kòóy ka lèn, bo vèn maʼti kinyo ke dzəə̀n ke ru kí?


M nén a suúy e vèn vee wír veé Galatia ji vèn yùŋsí a feyì. Vèn yii mo á ròʼ ven róʼon. Bó á yòʼ‑oò lo a rəsí, a fìʼtì e vèn mo Kristu‑uù kpuun, a naàrì, kí wáa dzə mo vèn yén e sí yéné a?


Mo m yenen, aáwune sí yii kinyo, a bó kí yòʼ dzə̀ réŋ mo sáʼka woo kùm Kristu dzəə̀n, m nèn yòŋ Pita e wìr dzə̀m si, a saʼ jii, wù sà dzə́ wír woó Juda, a bó wù yòʼ lo, wù wàa jùmrì liì woó Juda, kfə̀n dzə́ lèn ji wír ve bó yòʼ dzəə̀n veé Judàa kér fó a jùmrì liì woo shooy, é bo wùn áwune wáa dzə moó le á?


Á nəə́, la vèr yòʼ fò kilíŋ aáwune gheéy shishàr, bìʼ fo vèr‑iì taʼ, e tuúy sáʼka Nyùy wo juŋ fo vèn réŋréŋ mo wù dzəə̀n.


Vèr kì ji vèn yii vinyo vìn bèn, bìʼ fo vèn tiirin ne vifií a dzə̀ fó mbìy, a shìy vijuŋ ve Nyùy kàʼàn ven shó e yuv. A dzə̀ vijuŋ ve vèn‑eè yuun é ghan se vé‑eè wìyìn, a fìʼtì ven kinyo ke dzəə̀n ke ru kí, ke dzəə̀n sáʼka wo juŋ wo wù lo a dzə̀ fo Nyùy.


Mo mò‑oò sí ron sa vinyo vee shooy vidzə̀m, ŋeevì fo kèʼ, m nen yèn lèn jii, kí bòŋ a ji m báʼtí vinyo vee shooy, e sàŋ fo wò e naáy naáy mo ví dzəə̀n,


Áwune nèn sùʼ mbàm, e tùm Banabar wùn Saul sho ji á du, e wày áàtǎr kintatìí kiwo.


A m shaʼtì Rufur wo wù dìnèn kitú kfə́ ji wun dzə̀ wir Tàr wòsən Jesus Kristu feyì, kfə̀n shaʼtì yè wov wo wù‑uù kér mo ghán sidzə̀m moo wán və.


Kintatì ke kí dzəə̀n é *Babilon fèn ki shaʼtì ven. Maak woo wán wom shaʼtì sa ven.


Sàŋ mo wo dzəə̀n taà kintatì ke wìr Nyùy ŋwàʼ və̀n fo wò Gayur. À dzə̀ ŋkar yem féyì. A m koŋ wò, bìʼ fo wòsò tíy e Nyùy kinyò ke ru kí adzə̀m.


Swiv nou:

Piblisite


Piblisite