1 Wòŋ 9:3 - ŊWÀʼ NYÙY

³ Wír ámóʼó nèn wìy kév, a dzə a dzə̀ é Jerusalem, aá fəə́ fó ram Juda, e fəə̀ fó ram Benjamin, e fəə̀ fo yé Efrayime, é bo ámóʼó fəə́ fo yé Manassèe. Áwune‑eè dzə̀ jii,

1 Wòŋ 9:3 Referans Kwoze

Nehemia 11:1

Jerusalem‑eè dzə̀ é ghan sin, a wír ve vé‑eè dzə́ foo kù‑uù dzə̀ vilìmbìy ve wíri. Kibér ke wìr ki nèn a tàr kfəə́ se wíri, a shoʼ e mòʼón fo yee ghvə̀me, a tsənsí, á wáa dzə e Jerusalem woo ŋkàlaʼ Nyùy Tàr ye ranén, é kibér ke wìr ki wáa dzə e ntèʼ see fó ghaŋ.

2 Wòŋ 30:11

Yii bèy, wír ámóʼó ku lò ashàr fo rám Asher, à fo yé Manassèe wùn à yé Sebulune, e ghvə̀m toóy, e dù e Jerusalem.

2 Wòŋ 11:16

Wìr dzə̀m wo wù‑uù wayin shilív ji á wáa cù a dzə̀ Nyùy Tàr woo Nyùy wìr veé Isray nèn lòkìr sa fo Isray woo mbìv yee kuy. Vé‑eè lòkìr rám sidzə̀m, e jùmrì wír veé ram Levi, e dù e Jerusalem ji á wáa dzə fo, e fíʼ a cù Nyùy Tàr woo Nyùy atàr vév.

1 Wòŋ 9:4

fo kfəə Peres woo wan Juda, yì‑iì dzə̀ Utay woo wan Ammihud, Ammihud woo wan Omri, Omri woo wan Imri, Imri woo wan Bani.

1 Wòŋ 8:28

Wír vìn adzə̀me‑eè dzə̀ atǎr kfəə, a lav sinín si‑iì sàn fo áwune. Áwune‑eè dzə́ e Jerusalem.