1 Wòŋ 6:3 - ŊWÀʼ NYÙY

³ Amram wáa ker wón vee vilum abaà, a dzə̀ Aaron wùn Mooser, a woo wiíy dzə̀ Miriam. Aaron nèn wìy a ker wón akweè, aá dzə̀ ji Nadav, Abihu, Eleasar wùn à Itamar.

1 Wòŋ 6:3 Referans Kwoze

Cù 10:1

Wón Aaron vee Nadav wùn Abihùu nèn lò, e lì vikáŋ vév vé kilay, e wày və́y shó, e neèr kiláy é kitu wo, e nèn a kfəmrí e Nyùy Tǎr si. A dzə̀ və́y kisaŋe mo vé‑eè ton bèy, bìʼ fo Nyùy Tàr yòʼ‑oò lo yòŋ ji dzə̀ á yiì bey.

Ŋwàʼ Fəə 6:20

Amram‑eè kòóy wiíy a dzə̀ jemèr tàr wov yee Jokebed, wùn wun dzəə́ Aaron wùn Mooser. Amram‑eè dzə̀ʼə̀m kiyá nshòv saàmbà e mtaár e wiì (137).

Cù 10:12

Mooser yòŋ e Aaron, e yòŋ sa e Eleasar wùn Itamar vee kibér ke wón Aaron ki jii, «Vèn li kifá ke kí berin fó vifa ve yi ve á cuùn Nyùy Tàr shó vìn vi ji cu ye və́yí bin fo fo, e nàŋsín là nyaà, a yi e ghaa kiy cù. Dzə̀ cu yee jeéyí féyì feyì.

Ŋwàʼ Fəə 15:20

Miriam woo jemèr Aaron‑eè dzə̀ *ŋgaà ntum Nyùy. Wù nèn lò, e lì shinshùm, vikìy adzə̀me lì sa sév e wun bàm, wùn áwune wáa kùm, a cèŋ.

Mayka 6:4

Dzə̀ mo və̀n wo mò‑oò fəərin ven fó wòŋ woo Ejiv, e bòyìr ven fo vèn wáa rèŋ vikwàn. M tsə́nsí Mooser wùn à Aaron, à Miriam ji vilìmbìy vén.

1 Wòŋ 23:13

Wón Amrame‑eè dzə̀ Aaron wùn Mooser. Vé‑eè lèm Aaron wùn à rám rəə́ jeéy ji wáa kiíy a áwune fó vifa vee jeéy féyì vi. A kù‑uù wíy a tòn áwune cu si ghán sidzə̀m, a yiì lim see Nyùy Tǎr si, a səə̀vì wíri e Nyùy Tǎr yir, e wìy dù, e mày.

Cù 10:16

Mooser nèn kfə̀n lò ji weè, e dzə̀r bvəy cù ajay, e lò, e yù ji á tòn a ne tónen. Wù nèn a shwiíy kilòŋ wùn à Eleasar, à Itamar vee kibér ke wón Aaron, a suúy jii,

Ŋwàʼ Fəə 28:1

Nyùy Tàr kfən sùúy e Mooser jii, «Suúy ji á wiy á e Aaron woo ŋgàywìr yè, é wù wiy á wùn à Nadav, à Abihu, à Eleasar, à Itamar vee wón və́. Á ku fə̀ə́r áwune fo wír veé Israyí mvəm, aá fíʼ a lìm ji atàá cù vém.

Ŋwàʼ Fəə 24:1

Nyùy Tàr màysì, e fò nsər sìn, e sùúy e Mooser jii, «Kóʼ é kitu ke gwan, e yèn mo. Kù yíi wìy vèn à Aaron, à Nadav, à Abihu, à vilìmbìy veé Isray vímóʼ ví msaàmbà. Vèn lóo meʼ fó, á tsə̀m ndzəə́, e làʼ kitú e nsay, a ghvəm mo, aá dzə̀ə́ kwaʼda.

Ŋwàʼ Fəə 6:23

Aaron‑eè kòóy Elisheba ji wiíy, a dzə̀ wan Amminadav, a kfə̀n dzə̀ jemèr Naashon. Wùn wun dzəə́ Nadav wùn à Abihu, à Eleasar, à Itamar.

Ŋwàʼ Fəə 2:7

Jèmèr wàn kóʼtí, e dzə̀r e wàn Farao jii, «A dzə̀ m dù, e tàʼ wir Hibru woo wiíy, wo wù wáa nyoór wán və̀n, e fòo wò a?»

Ŋwàʼ Fəə 2:4

Jèmèr wàn wáa tiy kwaʼda, a leéy ji sà yíi koóy ka wán á.

1 Wòŋ 6:2

Kohat wáa ker wón akweè, aá dzə̀ ji Amram, Ishar, Hebron wùn à Ussiel.

1 Wòŋ 6:4

Eleasar nèn wìy a dzə tàr à Finehas, Finehas wáa dzə tàr à Abishua,

1 Wòŋ 15:10

Fo kfəə Ussiel, Amminadav wáa dzə kilìmbìy ke wíri, wír nshòv sibaà e ghvə̀m e wiì (112).

1 Wòŋ 23:12

Kohat‑iì kér wón akweè, aá dzə̀ ji Amram, Ishar, Hebron, wùn à Ussiel.

1 Wòŋ 24:22

Fo wón Ishari, á wáa ker Shelomot. Fo wón Shelomoti, yì‑iì dzə̀ Jahat.