1 Wòŋ 5:2 - ŊWÀʼ NYÙY

² Mo rám Judàa fə̀m‑eè siiyin, a ker vitaáví, a taà saʼ wo wù sáʼ kfəə́ sidzə̀m kù fəə́ a dzə̀ fó fo, gháy viŋgày vé wìri ku yòʼ gòʼ a dzə wó Joosev.

1 Wòŋ 5:2 Referans Kwoze

Matio 2:6

«Wò woo shintèʼ shee Betlehem e nsay Juda, lá à yòʼ a kwàʼtì ji bó à yòʼ kér kilíŋ e mvə̀m ntèʼ seé Juda se sí tíy mbìy. Kilíŋ ké ki kùʼ, bìʼ fo ŋgaà saʼ wíy fəə fo wò mvəm, a dzə̀ wo wù wíy a dànèr wír vém veé Isray.»

Mayka 5:2

Fo ké ki, wò woo Betlehem Efrata, aà kù dzə̀ shintèntèʼ ben e nsay Juda, yii bèy, a wìr wo wù wíy a saʼ wír veé Isray wíy fəə a dzə̀ fo wò mvəm, wír feyì, a wù kù‑uù sì, e kèʼ fo yàŋgùʼ.

Nsùyrì Nyùy 60:7

Kér mo nsay Gilead, a rám Manassèe dzə̀ yém. Yé Efrayime wáa dzə tán yém kishàa, a yé Judàa dzə̀ kitoómé kém.

Nsùyrì Nyùy 108:8

Kér mo nsay Gilead, a rám Manassèe dzə̀ yém. Yé Efrayime wáa dzə tán yém kishàa, a yé Judàa dzə̀ kitoómé kém.

Ŋgaà Yen 5:5

Wùmòʼ woo wír fo kfə́m siy si nèn sùúy e mò jii, «Lá à yòʼ dzəə dìy. Yú, wìr wùmòʼ dzə̀ shó wo wù soon ne vinyo veé ndzə, a wù ghèén fó bày kiláy ke á fìnèrìn ŋwàʼ və̀n sho kirə́ʼ saàmbà, e bvə̀r. A ŋgaàŋ dzə̀ wír wo á yoŋ ji Bvərə̀ʼ woó Kitum kee Juda, a dzə̀ Rám Fòn Davir.»

Ŋwàʼ woó Rom 8:29

Wù‑uù sìysì jii, wír ve wù‑uù yiìn ne kìíy ji wun wíy lì adzə̀me wíy a bìnkìr, a dzə moo Wán və, é wun woo Kristu nèn kòóy afə́r anín, a dzə ji wo mbìy.

2 Samuel 8:15

Á bèy, Davir wáa saʼ woŋ Isray e dzə̀m, a yiì vinyo e wìr dzə̀m réŋréŋ là kiloʼ.

1 Samuel 16:12

Jessi nèn tùm, á jàŋ, wù wíy. Wù‑uù dzə̀ wánlè nsùm, a wù kiʼ kijuŋ, kfə̀n kiʼ kitávín, a sí rəə́ tókirì. Nyùy Tàr suúy e Samuel jii, «Və̀n dzə̀ wùwun, yóʼ wun.»

1 Samuel 16:10

Kù bey, wón Jessìi shaà saàmbà e Samuel si, wù ku sùúy ji Nyùy Tàr yoʼ shòʼ á áwune.

1 Samuel 16:1

Nyùy Tàr nèn lò, e yòŋ e Samuel jii, «À wíy sòv kitú bìʼ Saul, e dù, e meé e le? M kù mèŋ ne wun fo fòn woó Isray. Wáy meŋgvə́r mè e wò loŋ, e lì kiwuú kí é dzəə. M túm wò fo Jessi wùn é Betlehem. M shòʼ ne wán və wùmòʼ ji fon.»

Atǎr Nsaʼ 1:2

Nyùy Tàr bìnèr jii, «A dzə̀ kù tòmbìy dù rám Juda. M wày ne nsay wìr veé Kanan aáwuné kiwo.»

Joshua 14:6

Lòo dzə e kishiíy kímóʼ kí, wír veé ram Judàa nèn lò, e wìy, e yèn Joshua e Gilgal. Kalev woo wan Jefunne woo wir Kenas wáa suúy jii, «À kì kinyo ke Nyùy Tàr‑iì yòŋèn e Mooser woo wir Nyùy Tàr kùm wòsò, aá dzə̀ é Kadesh‑Barnea.

Kintaŋ 7:12

Wír wo wù‑uù foon rə́ é kishiíy ké mbìy ki‑iì dzə̀ Naashon woo wan Amminadav woo rám Juda,

Kintaŋ 2:3

Mo Nyùy‑iì yòŋèn bey, kiláʼáy ke kí‑iì dzəə̀n é mbìv kibàn ké ntàsín yee fo shùy yii tó ki‑iì dzə̀ ké ram se sí dzəə̀n wùn à yé Judàa. Vé‑eè dzə̀ aáwuné sar cícíwàr mo akáŋ véví‑iì dzəə̀n. Kilìmbìy ke rám Juda ki‑iì dzə̀ Naashon woo wan Amminadav,

Kèʼlo 49:26

Kisəəvì ké tàr won kí kùʼ, e shaà ké agwan fo jíyí dzəə̀n ghán sidzə̀m, e kfə̀n shaà vijuŋ veé aŋkoŋ ve á tíy fo, e wìy dù, e mày. Kisəəvì kin ki kú a dzə e Joosev kitu, a dzə e wun vishi ji wan ntoʼ aàfə́r vəə́ nsàn.

Kèʼlo 35:23

Vé Leàa‑aà dzə̀ jii, Ruben woo wan Jakov mbìy, bám sə́ sí nén a dzə jii, Simeon wùn à Levi, à Juda, à Issakar, e lì Sebulon.

Kèʼlo 25:31

Jakov suúy shó jii, «A dzə̀ à kù fiìnè viŋgày vé ve wìr e mò ŋkuŋén.»

Kèʼlo 48:5

«Á bèy lèn, ké won vee abaà ve wò‑oò dzəən é Ejiv fèn, é bo m wáa wìy ki dzə̀ jii, vee shooyi sì vém. Efrayim wùn Manasse kù sì wón vém réŋréŋ mo Ruben wùn Simeon dzəə̀n vém bey.

1 Wòŋ 28:4

Yii bèy, Nyùy Tàr woo Nyùy wìr veé Isray‑iì lò, e shòʼ mo fo tàr wór lav ji m wáa saʼ a wír veé Isray, e wìy dù, e mày. Wù‑uù shòʼ rám Juda ji kù wíy a saʼ a rám rən woŋ Isray. Fo rám Juda, Nyùy Tàr nèn shòʼ kfə́ə tàr wor. Fo wón tàr worí, wù nèn kòŋ mo, e kòʼór mo ji fon wìr veé Isray adzə̀m.

Remrí 21:17

Wù kù kér fóo fo vifá e wàn wiíy wo wù ban və̀y, e dzə̀sì, e fíʼ dìn ji dzə̀ á wán və mfùmèn.»

Remrí 33:17

Shúu rə́r Efrayim wùn à wó Manassèe dzə̀ ansə̀kì ansə̀kì. Wú kùʼ, e kfə̀n tàv é ŋàŋ moo ambòŋ vee dzə́ə mbìyi. Mo nyar yii kuur aŋgaà və́ vibàn e loŋ sə́ sí, dzə̀ mo rám Joosevi wíy a kuúr aŋgaà vév vibàn adzə̀m, a kuúy, a dù, a nəʼə́r e ndzəywoŋ.»