1 Wòŋ 5:1 - ŊWÀʼ NYÙY

¹ Rám Ruben woo wan Isray woo ŋgàywìri rə́ne. Wù‑uù dzə̀ wán woo ŋgàywìr, yii bèy, á sə́ ghay və́ viŋgày vé wìr, e fò e wón Joosev woo wan Israyi, bìʼ fo wun woo Ruben‑eè liìn wiiy tàr wov.

1 Wòŋ 5:1 Referans Kwoze

Kèʼlo 35:22

Isray wáa dzə e ŋgvən fèy, Ruben lì Bilha wo tàr wov‑iì lemè, wùn wun shiíy, kí nèn tò e tàr wov Isray kitùʼùr. Jakov‑iì kér wón vee vilum nshòv sibaà e ghvə̀m.

Kèʼlo 29:32

Lea bóŋ bvəm, e fùm wán lumèn, e nèn shù yír ji Ruben, a wù shu bèy, suuy jii, «Nyùy Tàr yèn ne ŋgeʼ sém, a lum wom sí yiì a kòŋ mo lèn.»

1 Wòŋ 26:10

Fo kfəə Merari, yì‑iì dzə̀ Hosa. Wan və wùmòʼ dzə̀ Shimri, a dzə̀ wo wù‑uù lèmèn ji kilìmbìy fə̀m mo bó yòʼ‑oò dzəə̀n wan mbìy.

Ŋwàʼ Fəə 6:14

Atǎr kfəə wìr veé Isray ámóʼó wùn à kfə́ə sév sí vìne. Ruben woo wan Isray mbìy‑iì kér wón vee vilum, aá dzə̀ jii, Hanok wùn à Pallu, à Hesron, à Karmi. Á mo kfə́ə Rubene‑eè ràmèn.

1 Korin 5:1

M kér gháʼ feyì fó yu ji wìr wùmòʼ lò ne, e kèʼ joonè e věn mvəm, a bó yòʼ dzə̀ wo dzə̀ wìr wo bó wù yòʼ fə̀m kiìn Nyùy wàa mùm. M yú ji wìr wùmòʼ shìíy a e wiiy tàr wov.

1 Wòŋ 2:1

Isray‑iì kér wón, aá dzə̀ jii, Ruben, Simeon, Levi, Juda, Issakar, Sebulun,

Joshua 14:6

Lòo dzə e kishiíy kímóʼ kí, wír veé ram Judàa nèn lò, e wìy, e yèn Joshua e Gilgal. Kalev woo wan Jefunne woo wir Kenas wáa suúy jii, «À kì kinyo ke Nyùy Tàr‑iì yòŋèn e Mooser woo wir Nyùy Tàr kùm wòsò, aá dzə̀ é Kadesh‑Barnea.

Remrí 27:20

« ‹Lǒn Nyùyi ku koò wír wo wù liìn wiiy tàr wov, bìʼ fo wù yenen kinshóʼ ke wiiy tàr wov.› «Á yoŋ bèy, é wìr dzə̀m ku bìnsí jii, ‹Kí kú a dzə bèy.

Remrí 21:17

Wù kù kér fóo fo vifá e wàn wiíy wo wù ban və̀y, e dzə̀sì, e fíʼ dìn ji dzə̀ á wán və mfùmèn.»

Kintaŋ 26:5

Fo rám Ruben woo wan Isray mbìy, á kér kfəə́ see jii, yé Hanok, yé Pallu,

Kintaŋ 16:1

Kora woo wan Ishar woó kfəə Kohat, ye dzəə̀n rám Levìi nèn lò, e bà ntaŋ ji á maʼ á sáʼ Mooser. Wír veé ram Rubene‑eè tóm wun ataár, a vé‑eè dzə̀ jii, Datan wùn Abiram vee wón Eliav, à On woo wan Pelet. A wír ámóʼó kfən tàtí sa, aá dzə̀ kishóv mtàn e ghiì baà (250), a kù‑uù dzə̀ wír ve vé‑eè shoʼtin ji vilìmbìy veé Isray, a wìr dzə̀m dzə̀ kisən ke wìr.

Kintaŋ 1:5

Yír sé wìr ve á yíi a sə ven sí dzə̀ jii: Fo rám Ruben, aá li Elisur woo wan Shedeur.

Cù 20:11

A wìr lì kifə́sín ke yè wov, bo wù shòór ne tàr wov. Aá kù yúyri ŋgaàŋ wùn à wiíy woo shooy. Kpú yéví kù dzə̀ aáwuné wo.

Cù 18:8

«Lá wìr yòʼ lì kifə́sín ke yè wov, é kí shoór tàr wov.

Kèʼlo 46:8

Yír sé won veé Isray ve wùn à tàr wov Jakov‑iì səyin é Ejiv si sìne. Ruben woo wan mbìy.

Kèʼlo 25:23

Nyùy Tàr suúy shó jii: «Wóné dzə̀ e wò bvə̀m abaà, aà wíy dzəə́, aá fer vitúm vibaà. Wo mòʼón wíy tav, e shaà wùmòʼ. Woo ŋgàywìr wíy a yu fo wo terí.»

Kolosia 1:15

Kristu woo Wan Nyùy dzə̀ wúntí Nyùy wo bó wìr yòʼ yii shóv e si. Wù kfə́n a dzə ji kitú fo vifa ve vé‑eè bomen vidzə̀m.

Kèʼlo 25:31

Jakov suúy shó jii, «A dzə̀ à kù fiìnè viŋgày vé ve wìr e mò ŋkuŋén.»

Kèʼlo 48:5

«Á bèy lèn, ké won vee abaà ve wò‑oò dzəən é Ejiv fèn, é bo m wáa wìy ki dzə̀ jii, vee shooyi sì vém. Efrayim wùn Manasse kù sì wón vém réŋréŋ mo Ruben wùn Simeon dzəə̀n vém bey.

Remrí 33:17

Shúu rə́r Efrayim wùn à wó Manassèe dzə̀ ansə̀kì ansə̀kì. Wú kùʼ, e kfə̀n tàv é ŋàŋ moo ambòŋ vee dzə́ə mbìyi. Mo nyar yii kuur aŋgaà və́ vibàn e loŋ sə́ sí, dzə̀ mo rám Joosevi wíy a kuúr aŋgaà vév vibàn adzə̀m, a kuúy, a dù, a nəʼə́r e ndzəywoŋ.»