1 Wòŋ 4:41 - ŊWÀʼ NYÙY

⁴¹ Ke kí‑iì dzəə̀n kí dzə̀ jii, yì‑iì dzə̀ e Fòn Hesekiya woó Juda ghan, atǎr ram Simeon ve á yòŋrìn yír sév víyi wìy, e nə̀ə́ wír Ham vìn e rə́r sí aáwuné virə̀ʼ vé dzə, e kfə̀n nə̀ə́ sa wír veé Meunim, e laàr áwune adzə̀m, á lày e dù e meé lán. Á bèy, wír vee rám Simeone nèn lò a dzə fo, bìʼ fo yí nyàme‑eè dzəə̀n fó kijuŋ.

1 Wòŋ 4:41 Referans Kwoze

Lim Aŋgàa Ntum 17:26

Wù‑uù tòmbìy bòm wír e mòʼón, e nèn fèr vitúm vidzə̀m fo fo, e lèm kitú ke nsay kidzə̀m. Bo wù wáa fèr, a wù‑uù sìysì ne ghán se á wíy a dzə, e kfə̀n sìysì virə́ʼ jeéy jeéy ve á wíy a dzə sho.

Jeremia 49:20

Á yuúrí á nsìysì wo Nyùy Tàr kér kùm Edom, à vinyo ve wù táŋ kùm wír ve á dzə́ e Teman vi. Wù yíi sə̀ŋ áwune, fə̀m à wón ve ŋeeríné, e fəə sho, é wìr dzə̀m woo fó wáa fàn, a yàʼ.

Atǎr Nsaʼ 10:12

Veé Sidone‑eè lò, a nyàvrì sa e vèn, veé Amaleki wìy, a nyàvrì, e lì veé Maon, vèn tóŋ, e kàn mo. Bó m yòʼ‑oò lo fə̀ə́r ven fo áwuné wo à?

1 Wòŋ 4:33

e bóo lì ntèʼ se sí‑iì kaarin ŋkà se laʼ sìn, e dù bèn, e dù, e meé e Baal. Á virə́ʼ vee fo rám Simeone‑eè dzə́. Vé‑eè dzə́ bèy, sáŋ vimfèr vee kùm rám yév, lemè.

1 Wòŋ 5:22

Nyùy Tàr‑iì màʼ rə́r sév, áwune yúyrí wír nyanyày, e nèn sə̀ nsay yev, a dzə sho, e dù, e meé mo wír veé Assiriyàa‑aà kuuyin áwune, e dù sho aáwuné wòŋ.

2 Wòŋ 20:1

Shintàm shi‑iì lóo dàr, wír veé Moav wùn à veé Ammon, à veé Meun ámóʼó nèn a wìy ji á nəə́ á Fòn Jehoshafat e rə́r sí.

2 Wòŋ 26:7

Nyùy‑iì sə̀ wun, wù tòn wír veé Filistia, e tòn sa veé Arab, ve vé‑eè dzə́ e Gur‑Baal, e kfə̀n tòn wír veé Meun.

1 Wòŋ 3:13

Ahas woo wan Jotam, Hesekiya woo wan Ahas, Manasse woo wan Hesekiya,

2 Wòŋ 14:15

Áwune kfə̀n‑eè nə̀ə́, e ghàr anshìy aáwuné vibàn, e faàsì ŋgoo se bvəy nyanyày wùn aàkameri, e nèn lò, e kfə̀n é bàm é Jerusalem.