1 Wòŋ 3:2 - ŊWÀʼ NYÙY

² Wo wù meen ji taár wáa dzə Absalom wo yè wov‑iì dzəə̀n Maaka, Maaka woo wan Fòn Talmay woó Geshur. Wo wù meen ji kweè wáa dzə Adonija woo wan Haggit.

1 Wòŋ 3:2 Referans Kwoze

1 Wòŋ 2:23

Yii bèy, wír veé Geshur wùn à veé Arame wìy lò, e faàsì Havot‑Jayir, e faàsì Kenat wùn à ntèʼ see fó ghaŋ si mntuùfú, a wír vee fó adzə̀me kù‑uù dzə̀ rám Makir woo tàr à Gilead.

1 Afòn 1:5

Adonija woo wan ntoʼ wo yè wov‑iì dzəə̀n Haggit nèn lò, a koʼór kitú kfə́, a suúy jii, «M yíi a dzə fon.» Á bèy, wù nèn bàʼtí *viténtén vé rər, à vé koʼo, à wíri mtàn ve á wáa nyeŋ e wun mbìy.

2 Samuel 18:33

Kindzə́m kí tóʼnín fon, wù kóʼ é lav yee fó yuv, e kibùʼ keé shùu kày fèy, a dìy. A wù‑uù kóʼ, tóŋ, suuy jii, «Éè wan wòm Absalom, éè wan wòm, wan wòm Absalom, kì bòŋ ke kpú mo, áà goʼ, éè Absalom, wan wòm, wan wòm.»

2 Samuel 18:18

Yì‑iì dzə̀, a Absalom dzə̀ə́ sho e tin, wù bóm kikinkìn kímóʼ kí é Kiwoóy ké Afòn, e shù yír ji kikinkìn ke Absalom. Wù‑uù shu bèy, suuy jii, «M yòʼ kér wán woo lumèn wo wù lem yír yém.» Á nèn kù a yòŋ yír kikinkìn kìy ji kikinkìn ke Absalom, e wìy shem lán.

2 Samuel 18:14

Joav bìnèr sho jii, «M yòʼ‑óò wáa jivír ghán wòsò.» Wù taásín kòŋ e taár, e dù, e shwàʼ e Absalom nsaŋ, a wù dzəə́ njéŋ e lum kici ké terebint e tin.

2 Samuel 15:8

Wun‑eè kàʼ, a wun dzə̀ á e Geshur e Siiria ji a Nyùy Tàr lòo dzə, e siìr a wun e bàm é Jerusalem, é wun du, e cù a wun woo Nyùy Tàr é Hebron.»

2 Samuel 14:32

Absalom bìnèr jii, «Á tòn, bìʼ fo mò‑oo tsənsin ntum ji à wiy, à tén. A mò‑oo jaŋ wò bèy ji m túm á wò e ntoʼ, áà du, e dzə̀r á e fòn ji wù sà‑aà tooy mo fó Geshur ji ka á? A sì ben, bo yì‑iì bòŋ, é m goʼ á fo. Lì ri mo lèn, e dù sho, é m yén fon. A lòo dzə, a m jáy, é fòn yúyrí mo.»

2 Samuel 14:23

Joav nèn lò, e dù e Geshur, e lì Absalom, e wìy sho e Jerusalem.

2 Samuel 13:38

Absalom léʼ, e dù e Geshur bèy, e dzə̀ʼə̀m fo viyá vitaár.

2 Samuel 13:1

Wàn Davir woo Absalom‑eè kér fə́r woo wiíy wùmòʼ, a wù bóŋ féyì, a yír rəə́ dzə̀ Tamar. Amnon wo kù‑uù dzəə̀n sá wan Davir nèn wìy lò, a kòŋ Tamar.

2 Samuel 3:4

Adonija wo yè wov dzəə̀n Haggit, Shefatia wo yè wov dzəə̀n Abital,

Joshua 13:13

Kù mày wír veé Geshur wùn à veé Maakati, ve bó wír veé Israyi yòʼ‑oò lo tòn, aá kù dzə́ e wír veé Israyí mvəm, e wìy shem lán.

2 Samuel 3:3

Kileav wo yè wov dzəə̀n Abigail wo yì‑iì dzəə̀n wíiy ŋkfə Nabal woó Karmel, Absalom wo yè wov dzəə̀n Maaka woo wan Talmay, Talmay woo fon woó Geshur.

1 Afòn 2:22

Fòn suúy e Batsheba jii, «Aà taʼ ji m fó Abishag ji wiiy Adonija, kí bo bèr ne ji à yoŋ ji m fó vifon sho. Kí wù dzə̀ fə́r wom woo ŋgàywìr, a Abiyatar woo taà cù wun Joav woo wan Tsəruyia tíy e wun mbìv.»

1 Wòŋ 3:1

Wón ve Fòn Davir‑iì dzəən, a wù dzə̀ é Hebrone víne. Wan və mbìy‑iì dzə̀ Amnon wo wù‑uù dzəən wùn Ahinoam woo wìy fó Jesreel. Wo wù batin wáa dzə Daniel, wo wù‑uù dzəən wùn Abigail woo wìy fó Karmel.

1 Wòŋ 3:3

Wo wù meen ji tàn wáa dzə Shefatia woo wan Abital, Wo wù meen ji ntuùfú nén a dzə Itream wo yè wov dzəə̀n Egla.

1 Afòn 1:6

Adonija wáa dzə, a bó tàr wov yòʼ‑oò lo ghàn sìíy a sə̀r wun fo vinyò ve wù‑uù yii ji wù sà yii bèn bìʼ ka á? Wù kfə̀n‑eè kér mbom ye juŋ feyì, a vé‑eè dzə̀ə́ wun e Absalom bàm.