1 Wòŋ 3:11 - ŊWÀʼ NYÙY

¹¹ Jehoram woo wan Jehoshafat, Ahasiya woo wan Jehoram, Joash woo wan Ahasiya,

1 Wòŋ 3:11 Referans Kwoze

2 Afòn 8:24

Fòn Jehoram‑eè lày, á lìtì wun aàtàr vəə́ ghaŋ e Ŋkàlaʼ Davir. Wan və Ahasiya nèn yì vifon, a saʼ e wun ntaʼ.

2 Wòŋ 21:17

Áwune‑eè nə̀ə́ é Juda, e kùúy vifá fo ntoʼ, e kùúy vikǐy ntoʼ wùn à wón ntoʼo, ku bèr Jehoahas woo wán və wo terí.

2 Wòŋ 21:1

Fòn Jehoshafat wìy lày, á lìtì aàtàr vəə́ ghaŋ e Ŋkàlaʼ Davir, wan və woo Jehoram yí vifon, e nèn a saʼ e wun ntaʼ.

2 Afòn 11:21

Joash‑iì dzə̀ kiyá saàmbà e ghan se wù‑uù kèʼèn, a saʼ vifon.

2 Wòŋ 24:1

Fòn Joash‑iì kèʼ sáʼ, a wù dzə̀ kiyá saàmbà. Wù sáʼ vifon kiyá mkweè, a wù dzə́ e Jerusalem. Yír yè woví‑iì dzə̀ Tsibia, a wù‑uù wìy fó Beersheba.

2 Wòŋ 22:6

Wù nèn kfə̀n é bàm é Jesreel, a dzə fo ji vileémé və́ ví wàá bónén. Ahasiya woo fon woó Juda, a dzə̀ wan Jehoram nèn sìíy, e lò, e sə̀y é Jesreel ji wun leéy á Fòn Joram woo wan Ahav wo wù‑uù joy vileémé ve wír veé Siiriàa‑aà lemerin wun e Ramot‑Gilead, e ghan se wùn à Fòn Hasael woó Siiriàa‑aà maʼ rə́r.

2 Afòn 11:2

Yii bèy, Jehosheba woo wan Fòn Jehoram, a kfə̀n dzə̀ jemèr Ahasiya nèn shòŋ Joash woo wan Ahasiya fo wón ntoʼó mvəm, ve vé‑eè sí yìi yuyrí. Wù shóŋ, e nèn lìtì wùn liy və é mvə̀m lav kishìíy yìmòʼ. Á bèy, la Ataliya yòʼ dzəə yèn, e yùyrí.

2 Afòn 8:16

Jehoram woo wan Jehoshafat‑iì kèʼ, a saʼ ji fon woó Juda, a Joram woo wan Ahav sí sáʼ Isray ji viyá vitàn.

1 Afòn 22:50

Fòn Johoshafat wìy lày, á lìtì wun aàtàr vəə́ ghaŋ e Ŋkàlaʼ Davir, Davir woo tàr à ràm yév. Wan və Jehoram nèn yì vifon, a saʼ e tàr wóv ntaʼ.

1 Wòŋ 3:10

Rám Fòn Solomone rə́ne. Rehoboam woo wán və, Abija woo wan Rehoboam, Asa woo wan Abija, Jehoshafat woo wan Asa,

1 Wòŋ 3:12

Amatsiya woo wan Joash, Asaria woo wan Amatsiya, Jotam woo wan Asaria,

1 Afòn 22:51

Fòn Ahasayia woo wan Ahav‑iì kèʼ, a saʼ Isray e Samaria, a Fòn Jehoshafat sí sáʼ Juda ji kiyá nshòv saàmbà e ghvə̀m. Wun woo Ahasiya‑aà sàʼ Isray viyá vibaà.

2 Afòn 8:25

Ahasiya woo wan Jehoram‑eè kèʼ, a saʼ ji fon woó Juda, a Joram woo wan Ahav sí sáʼ Isray ji viyá nshòv sibaà e ghvə̀m.

2 Afòn 12:1

Joash‑iì kèʼ, a saʼ ji fon woó Juda, a Jehu sí sáʼ Isray ji kiyá saàmbà. Joash‑iì sàʼ vifon kiyá mkweè, a wù dzə́ e Jerusalem. Yír yè woví‑iì dzə̀ Tsibia, a wù wíy fó Beersheba.