1 Wòŋ 3:1 - ŊWÀʼ NYÙY

¹ Wón ve Fòn Davir‑iì dzəən, a wù dzə̀ é Hebrone víne. Wan və mbìy‑iì dzə̀ Amnon wo wù‑uù dzəən wùn Ahinoam woo wìy fó Jesreel. Wo wù batin wáa dzə Daniel, wo wù‑uù dzəən wùn Abigail woo wìy fó Karmel.

1 Wòŋ 3:1 Referans Kwoze

Joshua 15:56

Jesreel, Jokdeam, Sanoa

2 Samuel 13:29

Á bèy, wír Absalome nèn kù yùyrí Amnon mo Absalom kì suuyin, wón ntoʼ adzə̀me kóʼ nyám sév, a leʼkír.

2 Samuel 13:1

Wàn Davir woo Absalom‑eè kér fə́r woo wiíy wùmòʼ, a wù bóŋ féyì, a yír rəə́ dzə̀ Tamar. Amnon wo kù‑uù dzəə̀n sá wan Davir nèn wìy lò, a kòŋ Tamar.

1 Samuel 27:3

Davir wùn à wír və́ víyi, à kfə́ə sév sí ku nèn a dzə e Gat wùn à Fòn Akish. Davir wáa dzə fo wùn à vikìy və́ vee abàá, vee Ahinoam woó Jesreel wùn Abigail woo wiiy ŋkfə Nabal woó Karmel.

1 Wòŋ 2:55

Wír ve vé‑eè sáŋ aŋwàʼa‑aà dzə̀ kév é Jabes, aá dzə̀ é kfəə sí kfəə si jii, yé Tirat, yé Shimeat wùn à yé Sukati. Wír vìne ràm fo Ken wo kfə́ə rə́ wùn à yé Rekavi‑iì bvəyrì vijín.

1 Wòŋ 3:2

Wo wù meen ji taár wáa dzə Absalom wo yè wov‑iì dzəə̀n Maaka, Maaka woo wan Fòn Talmay woó Geshur. Wo wù meen ji kweè wáa dzə Adonija woo wan Haggit.

1 Wòŋ 28:5

Fo wón ve Nyùy Tàr foon e mò agháʼáné, wù nen shòʼ wán wom woo Solomon ji kù wíy dzə̀ʼə̀m a wun e kàvàʼ woó Isray wo dzəə̀n kitúm ke wun woo Nyùy Tàr.

2 Samuel 3:1

Vindzəʼ ve wír Saul wùn à wír Davir vi ku nèn a dù duùn fó mbìy, e bònen dù ntàmda, a wír Daviri kúy kuyín é vindzə̀ʼ, a vé Sauli kfə́n kfənén é bàm.

2 Samuel 5:13

Mo Fòn Davir loòn fó Hebron, e wìy, a dzə e Jerusalem bèy, wù koóy vikìy ámóʼó, e kfə̀n lèm ve lemèné. Wùn áwune dzəə́ wón anín, vee vilum wùn à vee vikìyí.