1 Wòŋ 22:3 - ŊWÀʼ NYÙY

³ Wù‑uù fò kisha nyanyày, ji á wáa fèr a mban si wùn aàŋkoytì veé shuù se kày sho. Wù kfən fò kisha kee *brons, a kí kúʼ ke bó yòʼ‑oò dzə̀ á yù fóo fìʼ vidzəəsì və́.

1 Wòŋ 22:3 Referans Kwoze

1 Wòŋ 22:14

«M dzə̀ a m wáy ŋàŋ ji m koóy á vifá ve kibàʼrì ke lav Nyùy Tàr. *Kisha ke mbàm ke baar kí sì aton kishóv ghii kweè aànsə̀kìi ataár (3,400), ke fəvír kí aton nsə̀kì nshòv sikweè e mtaár (34,000), kisha kee brons wùn à kisha kee kiy ki kighaágháʼán, ke yòʼ dzə̀ á fìʼ vidzəəsì və́. Vicí wùn à tíyí wáa dzə sa e gháʼán. À wíy dzə̀sì vímóʼ vee vifá sho.

1 Wòŋ 29:2

M mùm ne e vitaáví vém ví vidzə̀m, e bàʼtí vifá ve kibàʼrì ve lav Nyùy wom. Vifá vìn vi sì vibáʼtín mo shií woo shó dzəə̀n. Ví dzə̀ jii, *kisha ke mbàm ke baar kí, kisha ke mbàm ke fəvír kí, kisha kee *brons, kisha kee kisha, vicí ve toʼón ví, e lì sa tíy yee oniks wùn à kfəə́ se *síbaŋ símóʼ sí, e bóo lì tíy ye juujùŋ yímóʼó ye á láʼti e wǔn lav, é bo yé kimbome kfə́n a dzə e ghaágháʼán, a dzə̀ ye yí shomkìrì.

1 Afòn 7:47

Wù yòʼ‑oò lo fìʼ vidzəəsì vé vifa vìn, bìʼ fo ví‑iì kùʼùn é ŋàŋ. Á bèy, la á yòʼ dzəə kìíy mo vidzəəsì vé kisha kee brons vi dzəə̀n.

1 Wòŋ 29:7

Áwune‑eè fò vifá ve á náŋsín lav Nyùy sho, a ví dzə̀ jii, kisha ke mbàm ke baar kí, a kí shaá aton kishóv msaàmbà e wiì (170), e kfə̀n fò sá mbàm see kisha ke baar kí, a sí dzə̀ nsə̀kì e ghvə̀m (10,000), e fò ke fəvír kí, a kí shaá aton kishóv mkweè e ghiì taár (340), a kee brons ki dzə̀ moo aton kishóv mbaà é ghiì ntuùfú (620) bey, e bóo lì kisha kee kiy, a kí shaá aton kishóv ghii kweè aànsə̀kìi ataár (3,400).

Jeremia 52:20

Kisha kee brons, ke vé‑eè fèrìn vifá veé lav cù sho ki‑iì kùʼ é ŋàŋ ye yòʼ‑oò dzə̀ á yù móo fìʼ. Yì‑iì dzə̀ kisha kee brons keé vitom vee vibaà, à keé màkìghìn wùn à keé wón nàʼ vee nshòv sibaà e ghvə̀m ve vé‑eè fèrìn e kisha kee brons ki, màkìghìn wáa tiy sho, à keé kar se á tiir mbìʼ shó ki. Vifá vìn vidzə̀m vi kù‑uù dzə̀ ve Fòn Solomon‑eè fèrìn ji vee Nyùy Tǎr lav.

2 Wòŋ 4:18

Vifá vìn vidzə̀m vi dzə̀, a wù‑uù fèr, ví kùʼ e ŋàŋ, ye bó yòʼ‑oò dzə̀ wìr kìíy ji vidzəəsì vé kishà kee brons ki sà dzə̀ ví wàa dzə e le á.

Remrí 8:9

Nsay rə̀n dzə̀, a vèn wíy a ker vifá ve yi fo nyanyày, a bó vèn yòʼ wíy a buŋ kifá. Dzə̀ nsay, a tíy yee fóo dzə̀ kisha. A dzə̀ agwan vee fó, á wàa tuŋ kisha kee *kopa fo fo.