1 Wòŋ 22:2 - ŊWÀʼ NYÙY

² Fòn Davir nèn lò, e fò sáʼ ji viŋgwìy ve ví dzə́ e nsay Isray vi wàá báʼtí. Á báʼtí, wù shóʼ wír ve á wáa naŋsín tíy, a shèr, ye á yíi a bàʼrì lav cù sho.

1 Wòŋ 22:2 Referans Kwoze

2 Wòŋ 2:17

Fòn Solomon dù, e yòŋ ŋwàʼ, e nèn tàŋ viŋgwìy vidzə̀m vee vilum ve ví‑iì dzəə̀n é nsay Isray. Kintaŋ kìn ki‑iì bàtír kímóʼ kí ke Davir woo tàr à Solomon‑eè yiìn ne. Fòn Solomon‑eè yiì kintaŋ kìn, a ker wíri kishóv ghií ntuùfú, aànsə̀kìi nshòv sitaár e mtàn e wiì (153,600).

Efesor 2:12

Vèn yòʼ‑oò ló a kiíy wír wùmòʼ ji Kristu woo *Mfə̀ə́r gheéy, e bó a shìy. Mo bó vèn yòʼ‑oò dzəə̀n wír veé Isray, vèn yòʼ‑oò ló a dzə e mvə̀m *mensàŋ me wù‑uù gwàrìn wùn áwune. A bó kinyo ke wù‑uù kàʼàn áwune shó ki yòʼ dzə̀ kén. Kifá ke yì‑iì dzə̀ vèn tìír vifií shó, a shìy fo Nyùy ki yòʼ‑oò dzə̀. Vèn kù‑uù dzə́ kén dzəə́n, a bó á yòʼ kì Nyùy.

Esra 3:7

Áwune nèn fò mbàm e vé lìm tiyí, e kfə̀n fò e vé lìm vicií, e nèn fò vifá ve yi wùn à meluʼ mè, à meŋgvə́r mè e wír veé Sidon wùn Tayàa ji áwune fiʼ tsə̀nsí a vicí vee *sidar fo Lebanon, é ví wiy é Joppa dzə́ə fó ndzəv. Vé‑eè yiì vinyo vìn vidzə̀m a dzə̀ mo Fòn Sayrus woó Persia‑aà foon sáʼ ji dzə̀ á wàa yiì.

1 Wòŋ 14:1

Hiram wo yì‑iì dzəə̀n fon woó Taya nèn lò, e tsə̀nsí wíri fo Fòn Davir wùn, á wáa dù, a ker vicí vee *sidar, kfə̀n du wùn à vé kimbome, à vé kintaa ji á baʼri á ntoʼ Fòn Davir.

2 Afòn 22:6

aá dzə̀ jii, vé kintaa, vé kimbome, à vé tiy ye buʼúné. Á lóo làʼ wíri, á yùn vicí ve toʼón ví wùn à tíy ye sanéné, aá wáa yiì lim sho.

2 Afòn 12:12

e kfə̀n a làʼ sa ve á bóm tíy, à ve á náŋsin tíy, búʼúu. Vé‑eè yùn sá vicí ve toʼón ví wùn à tíy ye á naŋsin ne, e bùʼ ji á náŋsín á lav cù Nyùy Tàr shó, e kfə̀n làʼ vifá vímóʼ ví ve kù‑uù dzəə̀n vé kibàʼrì ke lav cù ye vé‑eè taʼ ji yì kfə́n, a tiy a fo kijuŋ.

1 Afòn 6:7

Vé‑eè baʼrì lav cù, náŋsin tíy búʼú, a dzə̀ é bií tiy, bìʼ fo á yòʼ‑oò taʼ e yu kikum ke hama, kìn ké ntóŋ, fə̀m à ké kishà kiné kí fo vé‑eè bóm lav cù.

2 Samuel 5:11

Hiram wo yì‑iì dzəə̀n fon woó Taya nèn lò tsə̀nsí wír wùn à vicí vé *sidar vi, e kfə̀n tsə̀nsí sa vé kintaa wùn à vé kimbome ji á du, e bàʼrì a ntoʼ Fòn Davir.

1 Wòŋ 29:1

Fòn Davir nèn sùúy e wìr dzə̀m wo wù‑uù baʼtin jii, «Solomon woo wán wom wo Nyùy shoʼon ne dzə̀ ben, a wù kùy kúyín, a wù dzəə́ nəə nə̀ə́n é vinyò, a lim ye á foon shóo tàv é ŋàŋ. Ntoʼ ye wù baʼrì yòʼ dzə̀ ye wìr msòŋ, dzə̀ ye Nyùy, wun woo Nyùy Tàr.

2 Wòŋ 2:16

é vèr nèn gwàr vicí ve à taʼà fo Lebanon, aá sə́y shó e shùu rìbà ndzə̀v, e tàŋsìn, e dòm e ndzəv, e dù sho e Joppa, áà nèn lì, e kòʼ shó e Jerusalem.»