1 Wòŋ 22:1 - ŊWÀʼ NYÙY

¹ Fòn Davir nèn sùúy jii, «Féne dzə̀ fo lav Nyùy, wun woo Nyùy Tàr yíi a tiy, à kíy cùu wo wír veé Israyi wáa tòn cu si shó.»

1 Wòŋ 22:1 Referans Kwoze

2 Wòŋ 3:1

Á bèy, Fòn Solomon nèn kèʼ, a bàʼrì lav cù Nyùy Tàr é Jerusalem, e gwan Moria, fo Nyùy Tàr‑iì fəəsin e Davir woo tàr wóv si. Wù‑uù baʼrì a dzə̀ é kirə̀ʼ ke Fòn Davir‑iì dìnèn, fo riímé Arauna woo wir Jebusi‑iì dzəə̀n.

Kèʼlo 28:17

Wù nèn a fàn, a ghay wún jii, «Kirə́ʼ kee ben ki dzə̀ keé le? Kù‑úù wáa dzə kirə́ʼ ké Nyùy, a kù dzə̀ shúu kibùʼ woó yuv.»

2 Afòn 18:22

Mfòómé kfə́n a suúy jii, «A vèn yoŋ e mò ji vèn tíy a dzə̀ e Nyùy Tàr woo Nyùy wón wùn, kí bo dzə̀ wun wo Hesekiya‑aà kètìn virə́ʼ və́ vé cù wùn à kíy sə́ sé cù si, ketì, suuy e wír veé Juda wùn à veé Jerusaleme ji á kù kér fó a cù Nyùy cáʼcáʼ a dzə̀ é mbìy kiy cù wo wú dzəə̀n é Jerusalem.

2 Samuel 24:18

Wáa dzə e kishiíy fóo fèy, Gad dù, e yèn Davir, e sùúy sho jii, «Kóʼ e Arauna woo wir Jebus riimé, e bòm kíy cù Nyùy Tàrí fó.»

Nsùyrì Nyùy 78:60

Wù méŋ kirə́ʼ ke vé‑eè cu wun sho e Shilo, a dzə̀ kibàn ke wù‑uù dzə́ sho e wír vəə́ mvəm,

2 Wòŋ 32:12

Bó yòʼ kù dzə̀ wun woo Hesekiya və̀n wo wù kètìn virə́ʼ vé cù ve Nyùy Tàr wùn à kíy sə́ sé cù si, e kètì bèy, e yòŋ e wír veé Jerusalem wùn à veé Judàa ji á kú a cù Nyùy e kiy cù e mòʼón, aá kù yíi a tòn cu si a dzə̀ fó à?

Remrí 12:11

Nyùy Tàr woo Nyùy won wíy shóʼ kirə́ʼ ke wù shoʼon ji á wáa ghvəm wun fo, bo dzə̀ fo vèn wíy a wìy e kifá ke m yòŋèn e vèn kí kidzə̀m, a dzə̀ ji cu yén ye tonèné wùn à ye seeríné, à nsùʼ woo kintóʼ ke kifa kimòʼón fo vee ghvə̀m vi, à cu seé dzəə sí dzəə sí, à yé ŋkàʼmée.

1 Wòŋ 21:30

Yii bèy, la Fòn Davir yòʼ dù fo e ghan fen ji wun cu Nyùy, bìʼ fo wù‑uù fan nshìylav Nyùy Tàr ye yì‑iì tíy, kér nyùy rə̀r.

Remrí 12:14

Bo dzə̀ ji vèn kù wíy a yiì cu a dzə̀ é kirə̀ʼ kee shó ke Nyùy Tàr wíy shoʼ fo rám sén sí nsay. Dzə̀ fóo fèy, fo vèn wíy a yiì cu si, a kù dzə̀ fó, fo vèn wíy a yiì kinyo kidzə̀m ke m yòŋèn e vèn.

Matio 25:16

Wìr wo wù‑uù kér vibam vitàn və̀y siíy, e kàvnín wáy e mbàm sìy si, e kòóy séʼ sa vibam vitàn.