1 Wòŋ 21:3 - ŊWÀʼ NYÙY

³ Joav bùn fon, e sùúy jii, «Mo wíri fə̀m dzəə̀n anín bèn, Nyùy Tàr ku kfə̀n dzə̀sì a ámóʼó bey kirə́ʼ wií. Taàtá wom woo fon, kí áwune sà kù dzə̀ aŋgaà və́ lìm a? Sà yiì ka, é bo taàtá wom wáa tàʼ ji wun yii kin kee kinyo a? Á sà taʼ ji á wiy e lòné e Isray kitu bèn ji ka á?»

1 Wòŋ 21:3 Referans Kwoze

Remrí 1:11

Nyùy Tàr woo Nyùy atǎr ram sén ku yiì rì, é vèn kfən dzə̀sì akàŋ nsə̀kì, e shaà mo vèn dzəə̀n lèn, é wù ku səə̀vì ven mo wù‑uù kàʼàn ne.

Aysaya 48:19

Kiŋgoòy kén kí kì yíi a sen senén, moo síy seé ghaa rìbà ndzə̀v, é rám yéné wáa dzə nyanyày, a bó m yòʼ‑oò yíi màʼtì ji kitúm ki ton ven, é yír yéné wìy lày.»

Aysaya 26:15

Yii bèy, fo kér kí, Nyùy Tàr, wò‑oò lò ké, e kùʼùr kitúm kér kúʼurin. Wò‑oò kùʼùr kitúm kér, e dzə̀sì bìíy sér sé wòŋ, kí yií, wíri wáa burí wò, a koʼór yír yé.

Ŋgàn 14:28

Viwìr ve fòn vi dzə̀ wíri, a vifon vee là wíri ví lày kisáŋ.

Nsùyrì Nyùy 115:14

Nyùy Tàr ku dzə̀sì vikuʼùy vén. Wúnwun ku dzə̀sì vé won vén.

1 Wòŋ 19:13

Kúr shilív shí, e tìím kitávín, é vèsən funen bìʼ wír vesən. Á ku fùnèn bìʼ ŋkà se laʼ se Nyùy wo wù kér vèsən, é wun woo Nyùy Tàr yii kinyo ke kiìn wun.»

1 Afòn 14:16

Wù kù wíy màʼày Isray máʼayin bìʼ vinyo ve bi ve Jeroboam yii, domsì wír veé Isray, aá jáy sa.»

1 Samuel 2:24

Àáyǎ wòn vem, kinyo ke m yú, a wír Nyùyi fer ji vèn yii ki yòʼ dzə̀ kinyo ke juŋ ki.

Ŋwàʼ Fəə 32:21

Mooser dzə́r e Aaron jii, «Wír vìne kì yèe le e wò, é bo à yii, aáwune jáy kfə́ə jay və̀n?»

Kèʼlo 20:9

Abimelek nèn tòóy Abraham, e dzə̀r shó jii, «À yiì kee ben a dzə̀ ka e vèr? M jày ka e wò, é bo à wiy e lòn woo bene e vèr à woŋ wómé kitu? À mùm kinyo e mò, a yòʼ dzə̀ ke a dzə̀ wìr yiì.»

1 Wòŋ 21:4

Fòn ku nèn ŋwày kinyo ke Joav ŋwáyín. Joav nèn fəə̀ fó ntoʼ, e dù, e ghàn woŋ Isray e dzə̀m, e kfə̀n é bàm é Jerusalem,

Ŋwàʼ Fəə 30:12

«À wíy lòo taŋ wír veé Isray e ghan sé kintaŋ, é wìr mòʼón mòʼón wáa fo kifá e Nyùy Tàr, e fíʼ tin kitú kfə́ é ghan se á taŋen wun. Á fó bèy, é la ŋgeʼ yòʼ dzəə wìy gbù e wírí kitu e ghan sé kintaŋ.

Joshua 22:15

Áwune dù, e yèn rám Ruben wùn à yé Gadi, à kintoʼnìn ke yé Manassèe é nsay yee Gilead, e dzə̀r aáwune jii,

2 Afòn 12:7

Á bèy, Fòn Joash nèn tòóy Jehoyiada woo taà cù wùn aàtàá cù ámóʼó, e dzə̀r aáwune jii, «Vèn tén fó a naŋsín virə́ʼ ve ví bír e lav cù ji ka? Kèʼ fo lèn, a dù, vèn yòʼ dzəə́ lò a lèm mbàm se vèn sə́. Vèn fó, aá wáa naŋsín virə́ʼ ve ví bírkir e lav cù sho.»