1 Wòŋ 21:2 - ŊWÀʼ NYÙY

² Davir nèn sùúy e Joav woo mfòómé wùn à ámóʼó vee amfòómeé jii, «Vèn du, e tàŋ wír veé Israyi, e kèʼ fo Beersheba, e dù, e meé e Dan, e wìy, e sùúy e mò, é m kiíy mo á dzəə̀n.»

1 Wòŋ 21:2 Referans Kwoze

2 Korin 12:7

Mo m shovin vilìtì ve vinyò vinín bèy, Nyùy nèn yèn ji ghanmóʼ, é m yìi a yen kitú kém é ŋàŋ. Wù nèn màʼtì, Satan tsə́m mo, m ndzə́m. A ndzə́m və̀n sovtì mo moo njoŋ kifa, sər mo fo m wáa koʼór wún.

Ŋgàn 29:23

Wìr kóʼor wún, wù gbù, li kitú shishàr, á kù wìy a ghvəm wun.

2 Wòŋ 30:5

Á nèn shù ji á toóy á wir dzə̀m woó Isray, e kèʼ fo Beersheba, e dù, e mèé e Dan ji áwune wiy á lèn e Jerusalem nyanyày mo nsər suuyì, e yiì a Ŋkǎʼ Yáʼayshaà wóo ghvəm Nyùy Tàr woo Nyùy wìr veé Isray sho.

1 Afòn 4:25

Á bèy, wír veé Juda wùn à veé Isray adzə̀me nèn a dzə kijuŋ fó e dzə̀m, e kèʼ fo Dan, e dù meé e Beersheba, a wìr dzə́ e wun shùu lav, a wìr dzə́ e wun shùu lav, a wìr dzə̀m kér vicí vé *fig, kér vitiír vé *vayin. Kí kú a dzə bèy ghán sidzə̀m se Fòn Solomon‑eè sáʼá.

2 Samuel 24:15

Nyùy Tàr nèn tsə̀nsí kifə̀ʼ e Isray, e kèʼ fo kijàvndzə kee shooy, e dù, e meé mo ghán se vé‑eè foon sí‑iì màyìn. Wíri kpúkír woŋ Isray e dzə̀m nsə̀kì msaàmbà (70,000), e kèʼ fo Dan, e dù, e meé e Beersheba.

2 Samuel 17:11

Ntir yem nén a dzə ji à báʼtí á wír veé Isray adzə̀m, e kèʼ fo Dan, e dù, e bàʼ e Beersheba, aá wáa dzə agháʼán moo síy seé ghaa rìbà ndzə̀v. À báʼti bèy, é li wò áwune, e dù sho e kwaʼ rər.

2 Samuel 3:10

Wù‑uù kàʼ ji wun wíy sə a vifon fo Saul kfəə, e fo a e Davir, é wù wáa saʼ a Isray wùn à Juda, e kèʼ fo Dan, e dù meé e Beersheba.»

1 Samuel 3:20

Wìr woó Isray e dzə̀m, e kèʼ fo Dan, e dù, e meé e Beersheba nèn kìíy ji Samuel dzə̀ á rú ŋgaà ntum Nyùy Tàr.

Atǎr Nsaʼ 20:1

Wír veé Israyi ku nèn fəə̀ wir dzə̀m, e kèʼ fo Dan, e dù, e mèé e Beersheba, à fó nsay Gilead, e bàʼtí e Nyùy Tǎr si e Mispa ji kitú kimòʼón.

Kèʼlo 21:14

Ndzə bvəə́shí, e jàv, Abraham nèn lì vifá ve yi wùn à kitém ke mendzə̀v kí, e fò e Hagar. Wù shúr é mbèʼ wo, e shàʼtì ji wùn wàn ku dù a duùn bey. Hagar nèn lì kiwuú é dzəə, a ghan, a jan e woʼ yeé Beersheba.