1 Wòŋ 21:1 - ŊWÀʼ NYÙY

¹ Satan‑eè lòo tàʼ ji wun maʼ á ŋgeʼ e wír veé Israyí kitu, e nèn bàyír Davir ji wù táŋ á wír veé Isray.

1 Wòŋ 21:1 Referans Kwoze

Sekariya 3:1

Nyùy Tàr kfən ghèm ndzə e mò, m yén Joshua woo taà cù wo kuʼùn, a wù tíy e nshìylav Nyùy Tǎr mbìy, a Satan tíy e wun koy yìyí, taʼ ji wun tóy kinyo e wun woo Joshua bàm.

Ŋwàʼ Jov 2:1

Kfə́n a dzə e kishiíy kímóʼ kí, nsheèlav se Nyùy si báʼtí e Nyùy Tǎr si ji sí duŋrì a vitú vév, Satan shém sá aáwuné ŋgoo ji wun duŋrì a kfə́ kee kitú.

Ŋgaà Yen 12:10

M nèn yù, a jì súŋnin e yuv kitávín, suuy jii, «Á lèn və̀n wo Nyùy wor səən ne wíri, á lúŋ. Wù neèr ne sáʼ rə́ ye tavíné lèn, wíri yén ji dzə̀ wun Fon. Á kfən yèn sá mo vikuʼùy vé Wan və woo Mfə̀ə́r ví dzəə̀n. Á jùm ne wír wo wù rə́si wiy, yén Nyùy e shùy, yén vitsə́ʼ, tóy vinyo aàfə́r vérí bàm.

Hibru 10:24

Vèsən ku nèn a tàʼ a dzə̀ dzə́ə ye yì wáa lùmèr melív mèsən, aá wáa kòŋnìn, a yiì vinyo ve juŋ vi.

Lim Aŋgàa Ntum 5:3

Pita nèn dzə̀r shó jii, «Ananiar, à biìmé, Satan nəə́ e wò shiliv, à wíy, a boʼtí Kiyoy ke Ranén kí ji ka?

Joon 13:2

Yiì lòo dzə e ŋkuùr wùn áwune yiì dzə̀ʼə̀m, a yikír, a Satan kì ŋàʼár ne shilív shé Judar Iskariyor wo dzəə̀n wan Simon ji wù wáy Jesus aàŋgaà və́ vibàné wo.

Ŋwàʼ Luk 22:31

Jesus nèn lò, e yòŋ Pita jii, «Simon, Simon, kú a kiíy ji Satan sə̀ ne vitaáví ji wun wáa mùm ven adzə̀m réŋréŋ mo wìr fètí sáŋ.

Ŋwàʼ Luk 11:53

Jesus lò, e lòo dù, wír ve á duŋrì nsər Nyùy wùn à veé mbìv Farasii ŋáʼáy é wùn wó, a dzətí vinyo sho vinín, a yùtì shúu və́.

Matio 4:3

Satan woo ŋgaà mùm wìy, e sùúy sho jii, «Mo à dzəə̀n Wan Nyùy, suúy ri, é tíy sin si binkir ji ntuʼ se kiban, áà yí.»

Jeem 1:13

Vinyo vi lóo mùm wír, lóo bayír ji wù nəə́ é kinyò, lá wù yòʼ a suúy ji yii a Nyùy, bìʼ fo bó yòʼ dzə̀ kinyo ki bàyír Nyùy ji wù yii kinyo ke bi kí. A bó yòʼ dzə̀ sá Nyùy bàyír wír ji wù yii á bèy.

1 Wòŋ 20:8

Wír ve Davir wùn à wír vəə́‑əə̀ yuyrin víne dzə̀ rám ye dzəə̀n viŋgáʼ ve wìr vee lò fó Gat.

1 Wòŋ 27:24

Joav wo yè wov dzəə̀n Tsəruyia‑aà lo kèʼ a taŋ wíri. Nyùy nèn màʼ ŋgeʼ e wír veé Israyí kitu bìʼ kintaŋ kìn. Á bèy, la mfìʼ wìr ve vé‑eè taŋen yòʼ dzəə nə̀ə́ e Fòn Davir aŋwàʼ veé wòŋ, bìʼ fo Joav yòʼ‑oò lo màysì kintaŋ.

Ŋwàʼ Fəə 30:12

«À wíy lòo taŋ wír veé Isray e ghan sé kintaŋ, é wìr mòʼón mòʼón wáa fo kifá e Nyùy Tàr, e fíʼ tin kitú kfə́ é ghan se á taŋen wun. Á fó bèy, é la ŋgeʼ yòʼ dzəə wìy gbù e wírí kitu e ghan sé kintaŋ.

1 Wòŋ 7:40

Wír vìn adzə̀me‑eè dzə̀ rám Asher, a kù dzə̀ atǎr kfəə, a kfə̀n dzə̀ agwèy ve tavkíné. Áwune kù‑uù dzə̀ sá vilìmbìy ve ghaʼtín ví. Vilum vév ve yì‑iì dzə̀ á màʼ rə́rí‑iì dzə̀ nsə̀kì nshòv ntuùfú e mbaà (26,000) mo vé‑eè taŋen áwune, e wày é ŋwàʼ.