1 Wòŋ 19:4 - ŊWÀʼ NYÙY

⁴ Fòn Hanun nèn koò vé ntum Fòn Davir vìy, e sheèsì vighev vév, e tiìné vikúm vév fó ntuʼ se kinyè, e jùm.

1 Wòŋ 19:4 Referans Kwoze

Maak 12:4

Ŋgaà sùm və̀y kfən tsə̀nsí ŋgaà lìm wùmòʼ. Wù dù, á shoór, e dzə̀v, e lèmér kitú.

Jeremia 48:37

Wìr dzə̀m kwaày ne vitú vév, e tiìné vighev, e jàʼtì wó, e kùr ndzə̀y sé kpu.

Jeremia 41:5

ŋgoo vilum yìmòʼ wáa shaà, aá dzə̀ wír mwaamé, aá kér cu vifa ve yi wùn à kiláy kí ji á du shó e Nyùy Tǎr lav. Vé‑eè lò fó Shekem, ámóʼó fó Shilo, ámóʼó fó Samaria, aá kóm vighev, e saàsì ndzə̀y sév, e jàʼtì wún.

Aysaya 20:4

Kù dzə̀ mo fòn woó Assiriya wíy koorí wír veé Ejiv wùn à veé Etiopiàa, e meér áwune, aá fəə́ nsàm, e dù, a dzə a dzə̀ é kitum ke sən kí. Á wíy meér áwune wir dzə̀m, à ŋgàywìr, à wánlè, aá wáa dù kinshóʼ, e wuú nsay, é ntuʼ se kinyè sí wáa yensín, é wír veé Ejivi fíʼ a woomé.

Aysaya 15:2

Wír veé Dibone kòʼ ne aáwuné kirə̀ʼ ké cù. Á dù ne fo anyùy véví wùn ji á du, e dìy. Wír veé Moavi waáme tóŋ, diy laar ye á laàrìn ŋkàlaʼ yee Nebo wùn à yee Medeba. Wìr dzə̀m kwaày ne kitú, a dzə e nsòv, vilum adzə̀me kwaáy kighev.

Nsùyrì Nyùy 35:12

Á siir vinyo ve juŋ ve mò‑oò yiìn aáwune a dzə̀ e ve bi ví, yii, a m tíy vèr mòʼón mendzən mendzən.

2 Wòŋ 36:16

Nyùy Tàr‑iì tsə́nsi aŋgàa ntum və́ bey, a wír veé Judàa shéʼ áwune shéʼén, keŋ kèŋèn, nèn ŋwáy jí se wun woo Nyùy. Kù bey, e dù, e meé mo dòʼshwiiy Nyùy Tàr‑iì ŋaʼayin, e kìʼ áwune vee wír və́, a kifá ke dzə̀ kí sə̀r wun ki yòʼ dzə̀.

Cù 19:27

Lá vèn yòʼ wìy a kèŋrì búbúʼ sí. Lá vèn yòʼ a fàr sa kighev.

1 Wòŋ 19:3

Atǎr ntoʼ veé Ammone nèn dù, e bùn Fòn Hanun jii, «Fòn sà kwaʼtì ji Davir tsə̀nsí wír vìn ji á wiy, e shàm fon bèn ji wù‑uù koŋ tàr à fòn a? Nyàr, bó á yòʼ sà kì ji wù tsə̀nsí wír vìn ji á wiy, e nə̀ə́ e ŋkàlaʼ, e kìy, e fíʼ yìi tòn a?»

1 Wòŋ 19:5

Áwune lòo dù, Davir yú kinyo ke kí kooyin áwune, aá sí woóme fó a kfən e bàm fó laʼ, wù tsə́nsí ntum fo áwuné wùn ji á goʼ á e Jeriko, e dzə̀ʼə̀m a fo, é vighev vév ví wàá kwiíy, é bo á wáa wìy.