1 Wòŋ 19:3 - ŊWÀʼ NYÙY

³ Atǎr ntoʼ veé Ammone nèn dù, e bùn Fòn Hanun jii, «Fòn sà kwaʼtì ji Davir tsə̀nsí wír vìn ji á wiy, e shàm fon bèn ji wù‑uù koŋ tàr à fòn a? Nyàr, bó á yòʼ sà kì ji wù tsə̀nsí wír vìn ji á wiy, e nə̀ə́ e ŋkàlaʼ, e kìy, e fíʼ yìi tòn a?»

1 Wòŋ 19:3 Referans Kwoze

1 Samuel 29:9

Akish bìnèr jii, «M kì ji à yú a mo réŋréŋ mo nshìylav Nyùy yii yú Nyùy, yii bèy, amfòómé veé Filistiàa nen shàʼnín ji bó yòʼ dzə̀ vèsən áwune dù á rə́r.

1 Samuel 29:4

Yii bèy, amfòómé veé Filistiàa kú a bvəərí wùn à Akish, a suúy sho jii, «Tsə́nsí jwè woo shooy e bàm é mvə̀mlaʼ ye wò‑oò lèmèn áwune shó. Lá à yòʼ màʼtì, é wù du rə́r vèr áwune, bìʼ fo a wù dù, rə́r sí lòo màʼ, tam wù kfə̀n bìnkìr, e kìʼ vèsən. Kinyo ke a dzə̀ wù yiì bo tàr wov wáa kòŋ wun ki dzə̀ ka, e shaà ji wù yúyrí á wír vesən?

Atǎr Nsaʼ 18:2

Wír veé ram Dane nèn lò, e tàr melav mev, e shòʼtí wír atàn ve dzəə̀n antav. Á shóʼ, e nèn tùm áwune fó ŋguùŋè Tsora wùn Eshtaol ji á wàá ghán á e wòŋ, e shwèʼ, e tàr mo wú dzəə̀n. Áwune ku nèn a dù, e lòo meé e wòŋ agwan veé Efrayim, e tò e Mayka laʼ, e nèn shìíy fo.

2 Samuel 10:3

Atǎr ntoʼ veé Ammone nèn dù, e bùn Fòn Hanun jii, «Fòn sà kwaʼtì ji Davir tsə̀nsí wír vìn ji á wiy, e shàm fon bèn ji wù‑uù koŋ tàr à fòn a? Nyàr, bó á yòʼ sà kì ji wù tsə̀nsí wír vìn ji á wiy, e nə̀ə́ e ŋkàlaʼ, e kìy, e fíʼ yìi tòn a?»

1 Wòŋ 19:2

Fòn Davir nèn lò, e sùúy ji bòŋ é wun din á koŋ e Hanun réŋréŋ mo Nahash woo tàr à Hanun‑eè dìnèn e wun. Wù nèn tsə̀nsí nsheèlav sə́ ji sí du, e shàm á Hanun bìʼ kpú tàr wov. Áwune nèn dù e wòŋ woo Ammon, e yèn Hanun ji á shám á wun.

1 Wòŋ 19:4

Fòn Hanun nèn koò vé ntum Fòn Davir vìy, e sheèsì vighev vév, e tiìné vikúm vév fó ntuʼ se kinyè, e jùm.