1 Wòŋ 16:8 - ŊWÀʼ NYÙY

⁸ «Vèn wáa fo vibeerì e Nyùy Tàr, a kwa wun, a sàmèr vinyo ve wù yii e vitúm vi vidzə̀m.

1 Wòŋ 16:8 Referans Kwoze

Aysaya 12:4

Ghán see shooy si wíy gheén, é vèn wáa yòv jii, «Á wáa burí Nyùy Tàr, a yòŋ yír rə́ ji wù sə́ ven. Vinyo ve Nyùy Tàr yii, á kú a fìʼtì e vitúm vi, a fìʼtì ji yír rəə́ dzə̀ e gháʼtín, e shaà yír e dzə̀m.

2 Afòn 19:19

Éè Nyùy Tàr woo Nyùy wor, ku sə̀ ver fo wír veé Assiriyàá wo, é vitúm veé kitu ke nsay vidzə̀m vi fiʼ kìíy ji kù dzə̀ wò wo à dzəə̀n Nyùy Tàr.»

1 Korin 1:2

a m sáŋ a dzə̀ fo vèn vee wír veé Korin ve vèn tatin ji wír Nyùy. Kù‑uù shàv Nyùy ven ji vèn à Jesus Kristu tátí, é vèn wáa dzə wír wun woo Nyùy, mo wír ve á yoŋ yír Tàr wòsən Jesus Kristu adzə̀me dzəə̀n virə́ʼ vidzə̀m. Wù nén a dzə Tàr wòsən réŋréŋ mo wù dzəə̀n sá wóov.

1 Wòŋ 16:34

«Á kú a beèrì Nyùy Tàr, bìʼ fo wù dzəə̀n e juŋ. Koŋ ye wù koŋ wír vəə́ yòʼ wíy mày.

Lim Aŋgàa Ntum 9:14

A wù sə̀ ne vitaáví fo vitú ve atàá cù vi, a wìy fèn lèn ji wun koórí wír ve á bunrì e wò yir adzə̀m.»

1 Afòn 8:43

à kù yù é yuv fo à dzə́, e fò ŋgaàŋ kifá kidzə̀m ke wù lóné, é wír veé kitu ke nsay adzə̀me fiʼ kìíy wò, e nèn a fàn wò moo wír vé veé Isray. Á bèy, aáwune nèn kìíy ji lav rə̀n, ye m bàʼrìn dzə̀ rú á lav yè.

Nsùyrì Nyùy 118:1

Á kú a beèrì Nyùy Tàr, bìʼ fo wù dzəə̀n e juŋ. Koŋ ye wù koŋ wír vəə́ yòʼ wíy mày.

Jeremia 33:11

léŋ kisheʼrì fo, a yu wó vijùŋe, a yu yòv vijìn, a yu sa yòv wìr ve á wiy e cúu é lav cù ji á beerì Nyùy. Á wíy a yòv jii: « ‹Á wáa beèrì Nyùy Tàr woo Taà Mànjòŋ, wù dzə̀ e juŋ, a koŋ ye wù koŋ wír vəə́ yòʼ wíy mày.› A kí dzə̀ jii, m wíy siìr vijuŋ veé nsay foo fèy mo ví‑iì yii dzə́. Suuy mo woo Nyùy Tàr.»