1 Wòŋ 16:3 - ŊWÀʼ NYÙY

³ e nèn tàr wir dzə̀m woó Isray, à vilum à vikìy, a wìr mòʼón mòʼón sə́ ntuʼ kiban, sə́ nyám, kfə̀n sə́ shintuʼ she baŋ se *vayin se saŋèn sí.

1 Wòŋ 16:3 Referans Kwoze

Esiker 45:17

Lím taà saʼa kù wíy a dzə ji wù taʼ á vifá ve cù, aá wáa yiì cu si shó e vishiíy vé ŋkàʼ, a yiì e ŋwee wo fíyi, a yiì e vishiíy vé bam, a dzə̀ jii, vishiíy vidzə̀m ve á sìysìn ji vé ŋkàʼ é Isray. Wù wíy a fo vifá ve á yii cú ajay sho, à vé cù vifa ve yii, à vé cù ye tonèné, e lì vé cù kikòŋnìn, aá cu Nyùy sho, e fíʼ man ajay wìr veé Isray.

Nehemia 8:10

A dzə̀ lèn vèn dù, a yikír, a no vifá ve nyomèn ví, a fo vímóʼ ví e wír ve bó á yòʼ kéríi. Dzə̀ kishiíy ké Nyùy Tàr kee jeéy kí. Lá vèn yòʼ dzə́ə a dzə e nsòv. Kishéʼrì ke Nyùy Tàr kí ku tàvír ven.»

1 Pita 4:9

Vèn wáa sənín vitú vén, é wìr wáa səəsí wír e wùn lav, a ker kijuŋ, e làa yòʼ a ghvə̀vrì.

2 Wòŋ 30:24

Fòn Hesekiya‑aà fò nàʼ nsə̀kì wùn à bvə́y si nsə̀kì saàmbà e màŋgòŋ. Atǎr ntoʼo fó sá nàʼ nsə̀kì wùn à bvə́y si nsə̀kì ghvə̀m. Atàá cùu wáa dzə, a vé‑eè lo kfə̀mrí vitú vév agháʼán.

1 Wòŋ 16:2

Davir màysì, e yiì cu sìy, e səə̀vì wíri e Nyùy Tǎr yir,

1 Wòŋ 16:4

Davir‑iì lò, e shòʼtí wír veé ram Levi ámóʼó ji á wáa lìm a vinyo ve ŋkùv mensàŋ. Áwune‑eè yíi a beèrì Nyùy, a yòv luŋ si, a burí Nyùy Tàr woo Nyùy wìr veé Isray sho.

Yòv Viŋgér 2:5

M sí joy yàsí kikòŋnìn, weʼ wèʼèn. Tàr à wíri, ku yìír mo e tútúʼ wo á fer meluʼ sho, e yìír e báŋ se vici se sí rəʼtìn si, é m rəsin.

Aysaya 16:7

Á bèy, wír veé Moav adzə̀me kú a dìynìn. Wìr dzə̀m kú a toŋ bìʼ Moav. Ven ve á loòn ji á ton ven, e tòn e dzəə̀ kisaŋ, vèn wáa dìy, a kuumé vifá ve vèn‑eè nyav e wùn é Kir‑Hareset.

Hosea 3:1

Nyùy Tàr kfən lò, e sùŋnín e mò, a suúy jii, «Kfən dù, e dìn koŋ yée e yeè lav wò. Abaày, wiíy, a taà lav və kóŋ ben, wù gháʼ e gháne, e dù, e yèn lumèn wo sən. Kú a kòŋ wun réŋréŋ mo m kù dzəə́ koŋ wír veé Isray, fə̀m mo áwune loòn ne, a ghvəm anyùy ámóʼó, a kòŋ fó a cù áwune.»

1 Afòn 3:15

Solomon yiì lò e yuv, e nèn kìíy ji kì súŋnin a Nyùy Tàr e wun e njèm. Á bèy, wù nèn dù e Jerusalem, e tìím e mbìy ŋkùv mensàŋ Nyùy Tàr, e cù Nyùy Tàr e cu ye tonèné wùn à yé vibeèrìí, e nèn yiì ŋkàʼ fo wìr dzə̀m wo wù‑uù rə́si e ntoʼ.