1 Wòŋ 16:1 - ŊWÀʼ NYÙY

¹ Á wìy e ŋkùv mensàŋ Nyùy bèy, e nèn tìír e mvə̀m kibàn ke Davir‑iì bàʼrìn ji wù yíi a tiy a sho. Áwune nèn cù Nyùy e cu ye tonèné, e kfə̀n cù e yé kikòŋnìne.

1 Wòŋ 16:1 Referans Kwoze

1 Wòŋ 15:1

Fòn Davir‑iì màysì, e bàʼrì lav si é ŋkàlaʼ Davir ji sə́, e nèn nàŋsín kirə́ʼ ké ŋkùv mensàŋ Nyùy, e tàm kibàn ke wù wáa tiy e mvəm wó.

2 Wòŋ 1:4

Yì‑iì dzə̀ é ghan sin, a ŋkùv mensàŋ sì é Jerusalem, bìʼ fo Davir‑iì liìn ne fo Kiriat‑Jearim, e wìy, e wày é kibàn ke wù‑uù tamen é Jerusalem ji wù wáa tiy a sho.

1 Wòŋ 15:12

e sùúy aáwune jii, «Vèn dzə̀ atǎr kfəə seé ram Levi. Vèn aàfə́r véné yíi *kfəmrí vitú vén, e wìy e ŋkùv mensàŋ Nyùy Tàr, Nyùy wìr veé Isray, e tiír e kirə̀ʼ ke m naŋsin ji kfə́.

Nsùyrì Nyùy 132:8

Éè Nyùy Tàr, ku ŋàʼáy, e wìy e wò kirə̀ʼ ké meèmè, a wìy, vèn à ŋkùv mensàŋ wo wù din vitaáví vé.

Cù 3:9

Fo nyàm rə̀n ye dzəə̀n ye cù kikòŋnìn, é wù fəə́r vifá ve cù Nyùy Tàr ye və́yí bin fo fo, a dzə̀ kún e dzə̀m wùn à fóm see fó si. A wù fəər a dzə̀ fó shùu kighvər ké ndzə̀m kí, e kfə̀n fəə́r fóm se sí sùmèn vifá veé bvə̀m, à fóm sidzə̀m se sí dzəə̀n é wǔn vito si,

1 Wòŋ 16:2

Davir màysì, e yiì cu sìy, e səə̀vì wíri e Nyùy Tǎr yir,

1 Afòn 3:15

Solomon yiì lò e yuv, e nèn kìíy ji kì súŋnin a Nyùy Tàr e wun e njèm. Á bèy, wù nèn dù e Jerusalem, e tìím e mbìy ŋkùv mensàŋ Nyùy Tàr, e cù Nyùy Tàr e cu ye tonèné wùn à yé vibeèrìí, e nèn yiì ŋkàʼ fo wìr dzə̀m wo wù‑uù rə́si e ntoʼ.

1 Afòn 8:62

Fòn Solomon wùn à wír veé Isray adzə̀me nèn a cù Nyùy Tàr.

1 Wòŋ 6:16

Levi‑iì kér wón ataár, aá dzə̀ ji Gershon, Kohat wùn à Merari.

1 Wòŋ 15:3

Wù nèn kùm toóy ji wír veé Isray adzə̀me wàá wiy é Jerusalem, aá du, e wìy a e ŋkùv mensàŋ, e tìír a e kirə̀ʼ ke wun naŋsin ji ké ŋkùv woo shooy.