1 Wòŋ 15:3 - ŊWÀʼ NYÙY

³ Wù nèn kùm toóy ji wír veé Isray adzə̀me wàá wiy é Jerusalem, aá du, e wìy a e ŋkùv mensàŋ, e tìír a e kirə̀ʼ ke wun naŋsin ji ké ŋkùv woo shooy.

1 Wòŋ 15:3 Referans Kwoze

1 Wòŋ 13:5

Á bèy, Fòn Davir nèn bàʼtí wír veé Isray adzə̀m, e kèʼ fo ndzəv yee Shihor e nsay Ejiv, e dù, e meé mo á nəə e Hamat, ji á du, e wìy e ŋkùv mensàŋ Nyùy fo Kiriat‑Jearim.

1 Afòn 8:1

Fòn Solomon nèn tòóy kfə́m sé wìr veé Isray wùn aàtǎr ramé, aàtǎr kfəə véví ji á báʼtí á e wun si e Jerusalem, aá du, e lì a ŋkùv mensàŋ Nyùy Tàr fó Ŋkàlaʼ Fòn Davir, aá yoŋ sa ji Sion, e kòʼ shó e lav cù.

1 Wòŋ 15:1

Fòn Davir‑iì màysì, e bàʼrì lav si é ŋkàlaʼ Davir ji sə́, e nèn nàŋsín kirə́ʼ ké ŋkùv mensàŋ Nyùy, e tàm kibàn ke wù wáa tiy e mvəm wó.

2 Samuel 6:12

Davir nèn lò, e yù ji ŋkùv mensàŋ yiì ne a, Nyùy Tàr səə́ví Obed‑Edom, kfə̀n səə̀vì a kifá kfə́ kí kidzə̀m. Wù nèn dù, e lì ŋkùv mensàŋ fo Obed‑Edom laʼ, a wìy sho e ŋkàlaʼ ye á yoŋ ji Ŋkàlaʼ Davir.

1 Wòŋ 15:12

e sùúy aáwune jii, «Vèn dzə̀ atǎr kfəə seé ram Levi. Vèn aàfə́r véné yíi *kfəmrí vitú vén, e wìy e ŋkùv mensàŋ Nyùy Tàr, Nyùy wìr veé Isray, e tiír e kirə̀ʼ ke m naŋsin ji kfə́.

2 Samuel 6:17

Á wìy e ŋkùv mensàŋ, e nèn tìír e kibàn e wun kirə̀ʼ ke Davir‑iì tuuyin ji wù yíi a tiy a fo. Davir nèn cù Nyùy Tàr e cu ye tonèné, e kfə̀n yiì yé kikòŋnìn.

Ŋwàʼ Fəə 40:20

Wù nèn lì viwaŋ ve tiy ve vé‑eè saŋen ntò se mensàŋ sho, e wày é ŋkùv, e wàyrí vintoòr ve ŋkùv, e bóo sətí ŋkùv e nsər ye dzəə̀n ji kirə́ʼ ké kiman.

Cù 9:5

Á ku nèn wìy e vifá ve Mooser yòŋèn ví, e bàʼtí e shùu *kibàn ké ntàsín. Wìr dzə̀m woó Isray kóʼtí fó mentsə̀m, e tìím e Nyùy Tǎr si.

1 Wòŋ 13:2

Wù màysì, e yòŋ e màŋgòŋ woó Isray e dzə̀m jii, «A kí lòo dzə e ghèén ven, e kfə̀n a dzə kinyo ke Nyùy Tàr woo Nyùy wòsən wayin kiwó sho, vèsən tsə̀nsí ri vé ntume fo afə́r vesəné woŋ Isray e dzə̀m, aá ku yiì dù, e yèn sá atàá cù wùn à wír veé ram Levìi e ntèʼ see fo áwune dzə̀kìn. Aá yíi dù, e toóy wir dzə̀m, aá wiy,

1 Wòŋ 16:1

Á wìy e ŋkùv mensàŋ Nyùy bèy, e nèn tìír e mvə̀m kibàn ke Davir‑iì bàʼrìn ji wù yíi a tiy a sho. Áwune nèn cù Nyùy e cu ye tonèné, e kfə̀n cù e yé kikòŋnìne.

2 Wòŋ 1:2

Fòn Solomon lò, e tòóy wír veé Isray adzə̀m. Wù‑uù tòóy amfòómé ve á sáʼ wíri nsə̀kì nsə̀kì, à ve á sáʼ wíri wií wií, e kfə̀n tòóy sa atǎr nsaʼ, e bóo lì atǎr kfəə veé Isray adzə̀m, áwune ve á sáʼ wíri.

2 Wòŋ 1:4

Yì‑iì dzə̀ é ghan sin, a ŋkùv mensàŋ sì é Jerusalem, bìʼ fo Davir‑iì liìn ne fo Kiriat‑Jearim, e wìy, e wày é kibàn ke wù‑uù tamen é Jerusalem ji wù wáa tiy a sho.

2 Wòŋ 5:2

Fòn Solomon‑eè tòóy kfə́m sé wìr veé Isray, e tòóy atǎr ram wùn aàtǎr kfəə véví ji á wàá wiy é Jerusalem ji á fiʼ dù, e lì a ŋkùv mensàŋ Nyùy Tàr fó Ŋkàlaʼ Fòn Davir ye á yoŋ sa ji Sion, e kòʼ á sho e lav cù.