1 Wòŋ 15:1 - ŊWÀʼ NYÙY

¹ Fòn Davir‑iì màysì, e bàʼrì lav si é ŋkàlaʼ Davir ji sə́, e nèn nàŋsín kirə́ʼ ké ŋkùv mensàŋ Nyùy, e tàm kibàn ke wù wáa tiy e mvəm wó.

1 Wòŋ 15:1 Referans Kwoze

1 Wòŋ 16:1

Á wìy e ŋkùv mensàŋ Nyùy bèy, e nèn tìír e mvə̀m kibàn ke Davir‑iì bàʼrìn ji wù yíi a tiy a sho. Áwune nèn cù Nyùy e cu ye tonèné, e kfə̀n cù e yé kikòŋnìne.

Nsùyrì Nyùy 132:5

a bó m náŋsín kirə́ʼ ke dzəə̀n ké Nyùy Tàr. Kirə́ʼ ke Nyùy Jakov wáa dzə sho, wun woo Ŋgaà Vitaàví Vidzə̀m.»

1 Wòŋ 15:3

Wù nèn kùm toóy ji wír veé Isray adzə̀me wàá wiy é Jerusalem, aá du, e wìy a e ŋkùv mensàŋ, e tìír a e kirə̀ʼ ke wun naŋsin ji ké ŋkùv woo shooy.

Lim Aŋgàa Ntum 7:46

Wù‑uù dzə̀ wír, a wù bóŋ fo Nyùy e ŋàŋ, wù nèn a lon ji Nyùy ku biìmé, é wun bóm á lav wun woo Nyùy Jakov.

2 Samuel 14:24

Fòn fó sáʼ jii, «Absalom kù yíi a dzə, a dzə̀ e wun laʼ, e làa yòʼ a wìy e ntoʼ.» Absalom ku nèn a dzə e wun laʼ, a bó fòn yòʼ tooy wun.

2 Samuel 5:9

Mo Davir tònèn ŋkàlaʼ yee shooy, e bìnèr yír ji Ŋkàlaʼ Davir, e nèn a dzə fo. Wù lò, e bòm gháŋ si, e kaàrí, e tàr, e kèʼ fo vé‑eè wayin a dzə̀ nsay ye wayín é wǔn gwan, e mbìv ye shùy yii tó fo fo.

2 Samuel 6:17

Á wìy e ŋkùv mensàŋ, e nèn tìír e kibàn e wun kirə̀ʼ ke Davir‑iì tuuyin ji wù yíi a tiy a fo. Davir nèn cù Nyùy Tàr e cu ye tonèné, e kfə̀n yiì yé kikòŋnìn.

1 Wòŋ 6:31

Vé‑eè wìy e ŋkùv mensàŋ e Jerusalem, Fòn Davir nèn shòʼtí wír veé ram Levi ámóʼó, e wày kinyo ke yòv woo Nyùy Tǎr lav aáwuné kiwo.

1 Wòŋ 15:12

e sùúy aáwune jii, «Vèn dzə̀ atǎr kfəə seé ram Levi. Vèn aàfə́r véné yíi *kfəmrí vitú vén, e wìy e ŋkùv mensàŋ Nyùy Tàr, Nyùy wìr veé Isray, e tiír e kirə̀ʼ ke m naŋsin ji kfə́.

2 Samuel 6:12

Davir nèn lò, e yù ji ŋkùv mensàŋ yiì ne a, Nyùy Tàr səə́ví Obed‑Edom, kfə̀n səə̀vì a kifá kfə́ kí kidzə̀m. Wù nèn dù, e lì ŋkùv mensàŋ fo Obed‑Edom laʼ, a wìy sho e ŋkàlaʼ ye á yoŋ ji Ŋkàlaʼ Davir.

2 Wòŋ 1:4

Yì‑iì dzə̀ é ghan sin, a ŋkùv mensàŋ sì é Jerusalem, bìʼ fo Davir‑iì liìn ne fo Kiriat‑Jearim, e wìy, e wày é kibàn ke wù‑uù tamen é Jerusalem ji wù wáa tiy a sho.

2 Wòŋ 5:2

Fòn Solomon‑eè tòóy kfə́m sé wìr veé Isray, e tòóy atǎr ram wùn aàtǎr kfəə véví ji á wàá wiy é Jerusalem ji á fiʼ dù, e lì a ŋkùv mensàŋ Nyùy Tàr fó Ŋkàlaʼ Fòn Davir ye á yoŋ sa ji Sion, e kòʼ á sho e lav cù.