1 Wòŋ 13:8 - ŊWÀʼ NYÙY

⁸ Davir wùn à wír veé Isray adzə̀me wáa dzən, a yòv e vitaáví vév ví vidzə̀m, a sheʼrí Nyùy Tàr. Vé‑eè yov luŋ, kum lúŋ, kum nshùm, kwáʼ vifá ve kwaʼán ví, kfə̀n tóŋ sóŋ.

1 Wòŋ 13:8 Referans Kwoze

Amos 6:5

Vèn maʼ wún, yú kinyo ji lúŋ nshì wùn à yòv, koŋ fó a fèr a dzə̀ lúŋ sí mo Davir‑iì ferì.

Amos 5:23

Vèn kíŋrí e luŋ se vèn yov, yii njèʼèr sho e mǒ vitùʼùr sin si. M yòʼ taʼ, e yu kiléŋléŋ kén ké lúŋ nshì.

Nsùyrì Nyùy 47:5

Nyùy kóʼ e wun kàvàʼ, a vé yòvi kwá wun, búʼ shirəə́, a vé sòŋé tóŋ sóŋ.

1 Wòŋ 23:5

é vee ansə̀kì akwèe wáa dzə anshìy, é vee ansə̀kì akweè ámóʼó wáa dzə ve á wíy a sùyrì Nyùy e visháʼáy vé yòv ve wun woo fon baʼtin ji á wáa yòv yòv sho vi.

1 Wòŋ 16:42

Heman wùn Jedutun‑eè leey sa fo sòŋ ye toŋéné wùn à viŋkwaʼ ve kwaʼán ví, à visháʼáy vímóʼ ví ve vé‑eè lo, á wàa sùyrì Nyùy sho e kibàn. Vé‑eè lèm wón Jedutun ji á wáa dzə anshìy veé shùu kày.

1 Wòŋ 16:5

Vé‑eè shòʼ Asav ji kilìmbìy, Sekariya wáa dzə ŋgaà ntom və. Jeyel wùn à Shemiramot, à Jehiel, à Mattitia, à Eliav, à Benaya, à Obed‑Edom, à Jeyel wùmòʼ, áwune wáa dzə wír ve vé‑eè yíi a kùm lúŋ sí. Asav‑iì yíi a kwaʼ viŋkwaʼ,

1 Wòŋ 15:28

Á bèy, wìr dzə̀m woó Isray nèn a wìy e ŋkùv mensàŋ e Jerusalem, a yòv, a rəəmé, a toŋ loŋ, a toŋ sóŋ, a kwaʼ viŋkwaʼ, a kùm lúŋ mbàytì wùn à yé nshìí.

2 Afòn 3:15

Kee lèn ki, wìy e ŋgaà lùŋ.» Ŋgaà lùŋ wìy, e lòo kùm lúŋ, vitaáví vé Nyùy vi nèn wìy fo Elisha,

1 Samuel 10:5

«Kee shooy ki shaa, à dù é Gwan Nyùy e Gibea fo wír veé Filistiàa kér kilaʼáy ké vé rərí. À yíi lòo nəə́ e mvə̀mlaʼ, áà tárnín vèn à ŋgoo aŋgàa ntum Nyùy, aá sə́y fo kirə̀ʼ ké cù, kum lúŋ sí, kum nshùm, kfə̀n tóŋ loŋ. Áwune yíi a yòv, a taŋ Nyùy.

2 Wòŋ 5:12

Wír veé ram Levi adzə̀m ve yì‑iì dzəə̀n vé yòvi wáa tiy e ghaa kiy cù, fo mbìv ye yì kiʼ fo shùy yii tó. Vé‑eè dzə̀ jii, Asav, Heman, Jedutun, e bóo lì wón vév wùn à wír vee áwuné kfəə, aá máʼ ndzə̀y se á fèrìn e làv wo fəvír woo fèm, kwáʼ viŋkwaʼ, kum lúŋ mbàytì, kum yé nshì. Atàá cù ve vé‑eè tóŋ sóŋé‑eè tíy aáwuné ghaŋ, aá dzə̀ wír kishóv mbaà é wiì (120).

Nsùyrì Nyùy 92:3

Á kú a yòv, a kùm lúŋ, à yé nshìí shó, a kùm, a yu viléŋléŋ vé luŋ.

2 Wòŋ 20:28

Áwune nəə́ é Jerusalem, e shaà, e dù e Nyùy Tǎr lav, aá kum lúŋ mbàytì, kum yé nshì, kfə̀n tóŋ sóŋ.