1 Wòŋ 12:2 - ŊWÀʼ NYÙY

² Áwune‑eè kér vinte, aá kì móo màʼ mvən kijuŋ, aá kfə̀n kì móo rəvír kiŋkoʼ wó e dzə̀m. Wír vìne dzə̀ vee rám Benjamin, a dzə̀ rám ye kfə́ə Fòn Sauli ràmèn fó fo.

1 Wòŋ 12:2 Referans Kwoze

Atǎr Nsaʼ 20:16

Fo mvə̀m wìr vìn adzə̀m, vé‑eè shòʼtí ámóʼó ghií saàmbà ve á dzəə̀n kév jeéy. Vé‑eè dzə̀ aŋkoòvì ve a wìr‑iì lòv ŋgay nəŋ fo wìr kitu e kiŋkoʼ ki, la wù yòʼ sòy fo ghaŋ.

Atǎr Nsaʼ 3:15

Wír veé Israyi lón Nyùy Tàr, wù fó áwune ŋgaà sə, a yì‑iì dzə̀ Ehud woo wan Gera. Wù‑uù dzə̀ wír woó ram Benjamin, a dzə̀ ŋkoòvì. Wír veé Israyi túm wun ji wù wáa dù, a fo nshwì e Fòn Eglon woó Moav.

1 Wòŋ 12:29

Ké rám Benjamin fo kfə́ə Sauli fəən, á wáa dzə wír ansə̀kì ataár (3,000), a kùʼùn wìr vìne‑eè tóm a dzə̀ kinyo ke Saul fo mbìy.

1 Samuel 17:49

Davir tó e wun kibàm, e fə̀ə́r tíy, e wày e wun kiŋkoʼ, e rə̀ŋ, yí koó Goliat fo fum, e shùʼ fó. Wù gbù, e tsə̀m sí fo nsay.

1 Wòŋ 12:3

Vilìmbìy vév ví‑iì dzə̀ Ahiyeser wùn Joash vee wón Shemaa woó Gibea. Wír ve vé‑eè dzəə̀n aáwuné sari‑iì dzə̀ Jesiel wùn Pelet vee wón Asmavet, wùn à Beraka, à Jehu woó Anatot,

Nsùyrì Nyùy 78:9

Vé rər vee Efrayim ramé‑eè kér vinte wùn à mvən si, e kfə̀n a nyeŋ e kishiíy ké rər.

1 Wòŋ 8:40

Wón Ulame‑eè dzə̀ vé rər ve tavkíné, aá kì móo màʼ kinte. Wù‑uù kér wón wùn à wón woné anín, aá dzə̀ wír kishóv mtàn e wiì. Wír ve á yòŋrìn féne kù dzə̀ wír veé ram Benjamin adzə̀m.