1 Wòŋ 11:5 - ŊWÀʼ NYÙY

⁵ Áwune nèn a suúy e Davir jii, «Yòʼ dzə̀ à làʼ kiwuú ké fèn.» Yii bèy, Davir ku yòʼ tòn ŋkàlaʼ yee Sion rə̀n, ye á bomen yì táv, e tòn bèy, e nèn fò yír ji Ŋkàlaʼ Davir.

1 Wòŋ 11:5 Referans Kwoze

Ŋgaà Yen 14:1

M kfən lòo leéy, e yèn Wan Njiì Nyùy, a wù tíy e kitu ke Gwan *Sion wùn à wíri nsə̀kì nshòv sikweè e mkweè e wiì (144,000), a dzə̀ ve vé‑eè saŋen yír wun woo Wan Njiì wùn à yé Tàr woví aáwuné yírvishi.

Hibru 12:22

Vèn nén a dzə kén, aá wíy, a tiy a dzə̀ é Gwan *Sion, a dzə̀ láʼ wun woo Nyùy wo wù gòʼòn kàŋ mòʼón, kfə́n a dzə Jerusalem wo wù dzəə̀n a dzə̀ é yuv. A dzə̀ fó, fo nshèelav se Nyùy si yii dzə́ ansə̀kì ansə̀kì, kwá Nyùy.

Ŋwàʼ woó Rom 9:33

A dzə̀ tíy ye vé‑eè saŋen ji Nyùy suuy a jii: «Vèn yuúrí, m neer tíy é *Sion, a wíri wíy a bàyrìn sho, kilán, a wíri wíy a gbùkìr sho. Yii bèy, wìr wo wù wáy shilív a dzə̀ é wùn wó yòʼ wíy jaáy gheéy.»

Nsùyrì Nyùy 132:13

Nyùy Tàr shòʼ ne Sion, e lèm fó ji kirə́ʼ kfə́ ké dzə, a suúy jii,

Nsùyrì Nyùy 122:5

Dzə̀ fo á yii maʼ akàvàʼ veé Isray, aàfon vee Davir ramé tínen vinyo veé wòŋ.

Nsùyrì Nyùy 87:5

Rúrú, á wíy a yòŋ ké Jerusalem, a suúy jii, «Akày wùn aàkàyi kù‑uù ràm fó fo, a kù távir Nyùy Jerusalem, wúnwun woo Taà Vitu.»

Nsùyrì Nyùy 87:2

a wù koŋ ŋkàlaʼ yee Jerusalem, e shaà mo wù koŋ virə́ʼ veé Isray vidzə̀m.

Nsùyrì Nyùy 78:68

Wù shóʼ a dzə̀ rám Juda, à Gwan Sion wo wù koŋè.

Nsùyrì Nyùy 48:2

Gwan Sion dzə̀ e da, e kfə̀n a dzə e juŋ. Wù dzə̀ vijuŋ ve wìr msòŋ woó kitu ke nsay kidzə̀m. Dzə̀ Gwan Nyùy woo ru, ŋkàlaʼ Fòn wo ghaʼtín.

Nsùyrì Nyùy 9:11

Á wáa yòv, a burí Nyùy Tàr wo wù dzə́ e Sion, a sàmèr vinyo ve ghaʼtín ve wù yii e vitúm vi.

Nsùyrì Nyùy 2:6

«Mómò, m kòʼór ne wóom woo fon, e lèm e Sion woo gwan wom wo ranén.»

2 Wòŋ 5:2

Fòn Solomon‑eè tòóy kfə́m sé wìr veé Isray, e tòóy atǎr ram wùn aàtǎr kfəə véví ji á wàá wiy é Jerusalem ji á fiʼ dù, e lì a ŋkùv mensàŋ Nyùy Tàr fó Ŋkàlaʼ Fòn Davir ye á yoŋ sa ji Sion, e kòʼ á sho e lav cù.

1 Wòŋ 11:7

Davir ku nèn a dzə e ŋkàlaʼ ye á bomen kay, e kaàrí sho rə̀n, á nèn kù a yòŋ fó ji Ŋkàlaʼ Davir.

1 Afòn 8:1

Fòn Solomon nèn tòóy kfə́m sé wìr veé Isray wùn aàtǎr ramé, aàtǎr kfəə véví ji á báʼtí á e wun si e Jerusalem, aá du, e lì a ŋkùv mensàŋ Nyùy Tàr fó Ŋkàlaʼ Fòn Davir, aá yoŋ sa ji Sion, e kòʼ shó e lav cù.

2 Samuel 6:12

Davir nèn lò, e yù ji ŋkùv mensàŋ yiì ne a, Nyùy Tàr səə́ví Obed‑Edom, kfə̀n səə̀vì a kifá kfə́ kí kidzə̀m. Wù nèn dù, e lì ŋkùv mensàŋ fo Obed‑Edom laʼ, a wìy sho e ŋkàlaʼ ye á yoŋ ji Ŋkàlaʼ Davir.

2 Samuel 6:10

Wù yòʼ‑oò ló a kòŋ e lì ŋkùv mensàŋ, e dù sho e mvə̀mlaʼ ye á yoŋ ji Ŋkàlaʼ Davir. Wù nèn lì, e dù sho a dzə̀ e Obed‑Edom laʼ, a dzə̀ wír woo lò fó Gat.

2 Samuel 5:9

Mo Davir tònèn ŋkàlaʼ yee shooy, e bìnèr yír ji Ŋkàlaʼ Davir, e nèn a dzə fo. Wù lò, e bòm gháŋ si, e kaàrí, e tàr, e kèʼ fo vé‑eè wayin a dzə̀ nsay ye wayín é wǔn gwan, e mbìv ye shùy yii tó fo fo.

1 Samuel 17:36

M yùyrí ne abvərə̀ʼ, e yùyrí nyám yee bear, a kù dzə̀ sá réŋréŋ mo m yíi lovtí e kiŋgà ké méŋnyùy keé Filistia kìn ki, ke kí taʼ mànjòŋ Nyùy ntéŋ, Nyùy wo wù dzəə̀n shó e tin.

1 Samuel 17:26

Davir dzə́r e wír ve vé‑eè tíy e wun ghaŋe jii, «A wìr lòo dzə e yùyrí wír woó Filistia və̀n, e tsə̀ʼ nshoórmé fo wír veé Israyí kitu, á fò ka e ŋgaàŋ? Kiŋgà ké méŋnyùy keé Filistia kìn ki dzə̀ la, bó a dzə ji wun shoór vé rə́r Nyùy wo wù dzəə̀n shó e tin.»

Atǎr Nsaʼ 19:10

Yii bèy, la wù yòʼ dzəə biìmé, e shìíy. Wù nèn ŋàʼáy, a dù dzə́ə fó Jebus wo á yoŋ lán ji Jerusalem. Wù‑uù lò, a dù wùn à wiiy və wo lemèn, à vimbèʼbìy və́ vee vibaà ví, aá kúr ne vifá e ndzə̀m wó.

1 Wòŋ 11:4

Fòn Davir wùn à wír veé Isray adzə̀me nèn dù e Jerusalem, wo vé‑eè yoŋ ji Jebus, a dzə́ wír veé Jebus fo mo yì‑iì dzəə̀n nsay yev.

1 Wòŋ 11:6

Davir‑iì sùúy jii, «Wìr wo wù tombìy nəə́ wír veé Jebus e rə́r sí, e tòn, dzə̀ wo m lo, e lèm ji mfòómé.» Á bèy, Joav wo dzəə̀n wan Tsəruyia nèn tòmbìy nə̀ə́, á nèn fò vimfòómé e wun.