1 Wòŋ 11:4 - ŊWÀʼ NYÙY

⁴ Fòn Davir wùn à wír veé Isray adzə̀me nèn dù e Jerusalem, wo vé‑eè yoŋ ji Jebus, a dzə́ wír veé Jebus fo mo yì‑iì dzəə̀n nsay yev.

1 Wòŋ 11:4 Referans Kwoze

Atǎr Nsaʼ 1:21

Yii bèy, bó wír veé ram Benjamine yòʼ‑oò lo jùm wír veé Jebus ve vé‑eè dzə́ e Jerusalem. Wír veé Jebus vìne ku nèn gòʼ, a dzə wùn à wír vee rám Benjamine e Jerusalem, e wìy shem lán.

1 Wòŋ 11:5

Áwune nèn a suúy e Davir jii, «Yòʼ dzə̀ à làʼ kiwuú ké fèn.» Yii bèy, Davir ku yòʼ tòn ŋkàlaʼ yee Sion rə̀n, ye á bomen yì táv, e tòn bèy, e nèn fò yír ji Ŋkàlaʼ Davir.

Joshua 15:63

Yii bèy, la wír veé Judàa yòʼ yù fóo jùm wír veé Jebus ve vé‑eè dzə́ e Jerusalem, e fəə́r. Wír veé Jebusi ku nèn a dzə wùn à wír veé Judàa é Jerusalem e shem lán.

Joshua 15:8

Kù bey, bìíy nèn kù kòʼ é Kiwoóy ké Ben Hinnom, e dù a gwàmrì a shaà tsə́n tsə́n e babá sé ŋkàlaʼ wìr veé Jebus, a dzə̀ ji Jerusalem. Yì nen shaà, e kòʼ é kitu ke gwan wo wù neèmèn é mbìv kùy Kiwòóy ké Hinnom, e mbìv yee fo shùy yii nəə mo Kiwoóy ké Refayim ki duùn a ndzə̀y fo kùy.

Kèʼlo 15:21

à veé Amor, à veé Kanan, à veé Girgash, e lì veé Jebus.»

Joshua 18:28

Tsəla, Ha‑Elev, Jebus a dzə̀ ji Jerusalem, Gibea, e lì Kiriat‑Jearim. Ŋkà se laʼ nshòv sikweè e ghvə̀m wùn à ntèʼ sév sí. Á ŋkà se laʼ se rám Benjamin mo kfə́ə sév sí dzə̀kìn.

Ŋwàʼ Fəə 3:17

Wù nen kàʼ ji wun yíi fəə́r a áwune fó ŋgeʼ yeé Ejiv, e dù sho e nsay ye vín nàʼ wùn à vilu vi tsəətìn sho, a dzə̀ fo wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́.

Kèʼlo 10:16

Vitúm vímóʼ ví nen kfə̀n ràm sa fo Kanan, a ví dzə̀ jii, wír veé Jebus, veé Amor, veé Girgash,