1 Wòŋ 11:3 - ŊWÀʼ NYÙY

³ Mo kfə́m sé wìr veé Isray sidzə̀m si wìyìn fo Davir wùn é Hebron bèy, wù gwàr *mensaŋ wùn áwune e Nyùy Tǎr si. Á nèn yòʼ wun, e kòʼór ji fon woó Isray réŋréŋ mo Nyùy Tàr‑iì yiìn ne kàʼ, e shaà fo Samuel.

1 Wòŋ 11:3 Referans Kwoze

1 Samuel 16:1

Nyùy Tàr nèn lò, e yòŋ e Samuel jii, «À wíy sòv kitú bìʼ Saul, e dù, e meé e le? M kù mèŋ ne wun fo fòn woó Isray. Wáy meŋgvə́r mè e wò loŋ, e lì kiwuú kí é dzəə. M túm wò fo Jessi wùn é Betlehem. M shòʼ ne wán və wùmòʼ ji fon.»

2 Samuel 5:3

Mo kfə́m sé wìr veé Isray sidzə̀m si wìyìn fo Fòn Davir wùn é Hebron bèy, wù gwàr *mensaŋ wùn áwune e Nyùy Tǎr si. Á nèn yòʼ wun, e kòʼór ji fon woó Isray.

2 Samuel 2:4

Wír veé Judàa nèn wìy e Hebron, e yòʼ Davir, e kòʼór ji fon, ji wù wáa saʼ a rám Juda. Davir yú ji wír veé Jabesh‑Gileadi lìtì ne a Fòn Saul,

1 Samuel 16:3

À du, à bì Jessi, é wù wiy fó cù, é m nèn dìn e wò kifá ke à yii. À yíi yoʼ wír wo m yíi dìn e wò ji à yóʼ ji fon.»

2 Wòŋ 23:3

Á báʼtí bey, e nèn nə̀ə́ e lav cù wùn à Joash woo wan ntoʼ gwàr *mensaŋ. Jehoyiada‑aà yòŋ áwune, e sùúy jii, «Vèn leéy, e yèn, wan fòn woo kimfòrkìr və̀ne. Bòŋ, aá fó sáʼ sho, é wù wáa saʼ mo Nyùy Tàr‑iì yòŋèn kùm rám Davir.

2 Afòn 23:30

Aŋgàa lìm vəə́ bèʼèy dzə́n rə́ é kar fo Megiddo, e wìy sho e Jerusalem, e lìtì e wun fəm. Wír veé Judàa nèn lì wán və Jehoahas, e kòʼór, e yòʼ ji fon e tàr wóv ntaʼ.

2 Afòn 11:17

Taà cù woo Jehoyiada nèn tìír Fòn Joash wùn à wíri e Nyùy Tǎr si, á gwàr *mensaŋ wùn à Nyùy Tàr ji áwune yíi a dzə a wír Nyùy Tàr. Wù kfən yiì sa fòn wùn à wíri gwàr mensaŋ.

1 Samuel 28:17

Nyùy Tàr yiì ne a dzə̀ kinyo ke wù‑uù shaàn fo mò, e sùúy e wò. Wù faàsì ne sáʼ fo wò kiwo, e fò e wìr wo sən, a dzə̀ Davir.

1 Samuel 23:18

Áwune vee wír abàá nèn yùŋrì mensaŋ me kikòŋnìn e Nyùy Tǎr si. Davir nèn gòʼ e Horesh, Jonatan kfə́n fó laʼ.

1 Samuel 15:28

Samuel suúy e wun jii, «Kù dzə̀ bey mo Nyùy Tàr faàsìn ne sáʼ yeé Isray lán fo wò kiwo, a wù fò ne e wìr wo sən, wo dzəə̀n wír woo réŋ, a wù kfə̀n shaà wò.

1 Samuel 11:15

Á bèy, wìr dzə̀m dù e Gilgal, e bùn Saul ji fon e Nyùy Tǎr si, e kfə̀n yiì cu kikòŋnìne. Saul wùn à wíri nèn keèrí ŋkàʼ wo ghaʼáné.

Atǎr Nsaʼ 11:11

Jefta wùn à vilìmbìy veé Gilead vi nèn dù, á nèn lèm wun ji kilìmbìy kév, wù wáa wam vé rərí. Jefta nèn rùvtí jí sìn sidzə̀m e Mispa, a dzə̀ e Nyùy Tǎr si.

2 Samuel 5:5

Wù‑uù sàʼ wír veé Juda e Hebron kiyá saàmbà e ŋwee ntuùfú, e sàʼ wír veé Isray wùn à veé Judàa é Jerusalem viyá nshòv sitaár e mtaár.

1 Wòŋ 11:10

Vitú ve antav Fòn Davir vi víne. Dzə̀ áwune ve yì‑iì dzəə̀n kóy və́ wo tavíné, é bo wùn à wír veé Israyi tátí, e kòʼór wun ji fon, e kfə̀n tòm sáʼ rə́, yí táv réŋréŋ mo Nyùy Tàr‑iì yiìn ne kàʼ.