1 Wòŋ 11:2 - ŊWÀʼ NYÙY

² Yì‑iì dzə̀ é ghan se sí‑iì shaàn, a Saul dzə̀ə́ fon, yì‑iì li wò wír veé Isray, du sho e shùu rər. A Nyùy Tàr woo Nyùy wò‑oò lo kàʼ wò ji à wíy a leéy a fo wír və́ veé Israyi mo nshìy lèéy fo njiì.

1 Wòŋ 11:2 Referans Kwoze

2 Samuel 5:2

Yì‑iì dzə̀ é ghan se sí‑iì shaàn, a Saul dzə̀ fon wor, a yì‑iì li wò wír veé Isray, du sho e shùu rər. A Nyùy Tàr‑iì lo kàʼ wò ji à wíy a leéy a fo wír və́ veé Israyi mo nshìy lèéy fo njiì, aà wíy a dzə a taà saʼ woó Isray.»

Joon 10:4

Wù fəər ve dzəə̀n və́ adzə̀m, wù nèn shèm fó mbìy, a yòŋrì, á wàa wìy fo bàm, bìʼ fo á kiìn jí rə.

Nsùyrì Nyùy 78:71

fo wù‑uù shiy anjiì, e nèn lèm ji wù wáa leéy a dzə̀ fo rám Jakovi, a shìy wír və́ veé Isray.

2 Samuel 7:7

Vé‑eè rə́si du e virə̌ʼ virə̀ʼ, a kù ghán vèr áwune, aá kér atǎr nsaʼ ve mò‑oò yòŋèn ji á wáa leéy a fo wíri. Vèr áwune‑eè ghán bèy, a bó m yòʼ‑oò yiì ne dzə̀r aáwune ji sà yiì ka, la á yòʼ bàʼrì lav yem, e bóo bàʼrì yee kicí ké sidar ki á?

Matio 2:6

«Wò woo shintèʼ shee Betlehem e nsay Juda, lá à yòʼ a kwàʼtì ji bó à yòʼ kér kilíŋ e mvə̀m ntèʼ seé Juda se sí tíy mbìy. Kilíŋ ké ki kùʼ, bìʼ fo ŋgaà saʼ wíy fəə fo wò mvəm, a dzə̀ wo wù wíy a dànèr wír vém veé Isray.»

Mayka 5:4

Á kfə́né, é ŋgaà saʼ nèn kèʼ sáʼ rə́, a dànèr áwune mo nshìy dànèr njiì, a dànèr e vitaáví ve Nyùy Tàr foon e wun vi, a dànèr e vikuʼùy ve ghaʼán ví, vikuʼùy vé wun woo Nyùy Tàr woo Nyùy və. Wír vəə́ wíy a dzə dzə́ yee nyaáŋ, là kinyo ké a fàn, bìʼ fo wìr msòŋ e dzə̀m woó kitu ke nsay wíy a binsí sáʼ rə́.

Mayka 5:2

Fo ké ki, wò woo Betlehem Efrata, aà kù dzə̀ shintèntèʼ ben e nsay Juda, yii bèy, a wìr wo wù wíy a saʼ wír veé Isray wíy fəə a dzə̀ fo wò mvəm, wír feyì, a wù kù‑uù sì, e kèʼ fo yàŋgùʼ.

Jeremia 3:15

M yíi fo ven vilìmbìy ve ví yú mo, é ví wáa dànèr ven e vifií ví wùn à kiíyi.

Aysaya 55:4

Rúrú, m yiì ne, wun woo Davir wáa dzə ji njen, a fìʼtì mo m dzəə̀n e vitúm vi, a m lèm ne wun ji kilìmbìy, wù wáa saʼ vitúm.

Aysaya 40:11

Wù wíy a leéy fo wír vəə́ kijuŋ, kù mo nshìy lèéy fo njiì və. Wù wíy a geʼsín aáwune, kù mo nshìy yii lo, wù shùr wan njiì, e kòytí. Wù wíy a dànèr áwune ji weè weè, kù mo á dànèr anjiì ve á nyoor wón.

1 Afòn 14:7

Dù ri, e sùúy e Fòn Jeroboam jii, Nyùy Tàr woo Nyùy wìr veé Isray suuy a jii, ‹Mò‑oò shàv wò fo wírí mvəm, e lèm wò ji kilìmbìy ke wìr vém veé Isray.

1 Afòn 3:9

Ku fò wánlè wò lìm a dzə̀ vifií ve wù wáa saʼ wír vé sho, a kiíy jeéyjeéy fó kinyò ke juŋ ki wùn à ke bi kí. Búŋ là bey, bo wìr wo dzə̀ wù sàʼ wír vé ve ghaʼán víne dzə̀ la?»

1 Samuel 18:13

Á bèy, Saul nèn tsə̀ʼ Davir fo wun ghaŋ, e lèm ji mfòómé wo wù wáa wam wíri nsə̀kì, a lì, a dù sho e shùu rər.

1 Samuel 16:13

Samuel nèn lì loŋ meŋgvə̀r, e yòʼ Davir sho aàfə́r vəə́ si. Kèʼ fo kishiíy fóo fèy, Kiyoy ke Nyùy Tàr kí wìy fo Davir e dzəə ye tavín. Samuel nèn lò, e kfə̀n é Rama.

1 Samuel 16:1

Nyùy Tàr nèn lò, e yòŋ e Samuel jii, «À wíy sòv kitú bìʼ Saul, e dù, e meé e le? M kù mèŋ ne wun fo fòn woó Isray. Wáy meŋgvə́r mè e wò loŋ, e lì kiwuú kí é dzəə. M túm wò fo Jessi wùn é Betlehem. M shòʼ ne wán və wùmòʼ ji fon.»

Kintaŋ 27:17

Wír wo wù yíi a fəə, e kfə̀n a nəə́ aáwuné mbìy, a tsəəné áwune, a fəə sho, e kfə̀n a kfən sho e bàm, é la màŋgòŋ wìr Nyùy Tàr yòʼ yiì a dzə moo njiì woo là nshìy.»